47
عَلَ قِسَمَنتٍ مَنفّ
عَلَ مَتْشْي
1 كٌرَ شَ دِيٍ شَ بّيتِ بّيتِبَيٍ شَ مَنفّ بّ
2 وٌ تَن سِيٍ بِرِن، وٌ وٌ بّلّشّ بْنبْ،
وٌ سْنشْ، وٌ شُي عِتٍ حّلّشِنيِ كُي عَلَ بّ!
3 عَلَتَلَ شِلِ شُنفبٍ كَنيِ مَفَاشُ.
مَنفّ شُنفبٍ نَن عَ رَ دُنِحَ بِرِن شُن مَ.
4 عَ بَرَ سِيٍ رَفٌرٌ وٌن بُن مَ،
عٍ شَ لُ وٌن سَفٌي.
5 عَ بَرَ بْشِ قِ وٌن مَ كّ رَ،
نَشَن قِندِشِ يَشُبَ بْنسْي شَ شُننَكٍلِ رَ.
عَ وٌن شَنُ.
حّنفِ رَتٍ.
6 عَلَ تٍمَ حّلّشِن شُي نَن تَفِ،
عَ قَمَ سَرَيٍ قٍ شُي مَ.
7 وٌ بّيتِ بَ عَلَ بّ، وٌ بّيتِ بَ!
وٌ بّيتِ بَ وٌن مَ مَنفّ بّ، وٌ بّيتِ بَ!
8 عَلَ نَن مَنفّ رَ دُنِحَ بِرِن شُن مَ،
وٌ شَ لْننِ بّيتِ بَ.
9 عَلَ مَفٌرٌشِ مَنفّ كِبَنيِ سّنِيّنشِ كُي،
سِ بِرِن مَنفّ نَن عَ رَ.
10 سِيٍ شَ مَنفّيٍ كَقُمَ عِبُرَهِمَ مَرِفِ عَلَ شَ حَمَ مَ،
بَرِ مَ عَلَ نَن عَ رَفِرِ مَنفّيٍ شَ دُنِحَ كَنتَ.
عَلَ نَ سٍ بِرِن شُن.