57
ﭑ بَرَ لِمَنِيَ سْتْ
عَلَ مَشَندِ
1 دَوُدَ شَ سُوكِ بّيتِبَيٍ شَ مَنفّ بّ. عَ شَ بَ عَلْ بّيتِ نَشَن شِلِ «عِ نَشَ هَلَكِ تِ.» دَوُدَ نَشَ يِ بَ عَ تٌ عَ فِ سْلُ مَ، عَ سَ سٌ قْنمّ كُي.
2 عَلَ، هِننّ ﭑ نَ، يَندِ عِ شَ هِننّ ﭑ نَ.
ﭑ مَرَتَنفّ قٍنمَ عِ يِرٍ
عَلْ تْشّيْرّ عَ قٍنمَ عَ نفَ فَبُتٍنيِ بُن مَ كِ نَشّ
هَن قٍ شْرْشْي شَ دَنفِ.
3 ﭑ بَرَ عَلَ شِلِ شُنفبٍ كَنيِ مَشَندِ
نَشَن ﭑ مَ قٍ بِرِن سْونّيَمَ.
4 ﭑ شْنمِشِيٍ ﭑ حَشَنكَتَمَ تّمُي نَشّ،
عَلَ ﭑ نَكِسِمَ نّ كٍلِقٍ عَرِيَننَ،
حّنفِ رَتٍ
عَ هِننّ نُن نْندِ رَفٌرٌ مَ ﭑ مَ.
5 يّتّيٍ بَرَ ﭑ نَبِلِن،
ﭑ سَشِ عٍ تَفِ، عٍ تَن نَشٍيٍ عَدَ مَدِيٍ قَشَمَ.
عٍ حِنيِيٍ لُشِ عَلْ تَنبّيٍ،
عٍ نّنيِيٍ لُشِ عَلْ سَنتِدّفّمَ نَشَن بَشِ عَ تّي عِ.
6 عَلَ، عِ شَ عِ شَ بِنيّ مَسٍن كٌورٍ مَ،
عِ شَ عَ مَسٍن بْشِ مَ.
7 عٍ بَرَ يّلّ تِ ﭑ يَ رَ، عَ فبٍ مُ لُشِ ﭑ شَ سٌ عَ رَ.
عٍ بَرَ يِلِ فٍ ﭑ يَ رَ، كْنْ عٍ تَن نَن بِرَشِ عَ كُي.
حّنفِ رَتٍ.
8 عَلَ، ﭑ بْحّ بَرَ لِمَنِيَ، ﭑ بَرَ لِمَنِيَ سْتْ.
ﭑ بّيتِ بَمَ نّ، ﭑ عِ تَنتُمَ نّ.
9 ﭑ بْحّ بَرَ كٍلِ ﭑ نَ،
ﭑ شَ ﭑ مَ كْرَيٍ تٌنفٌ، ﭑ شَ بّيتِ بَ هَن سُبَشّ.
10 مَرِفِ، ﭑ عِ تَنتُمَ نّ سِيٍ تَفِ.
ﭑ بّيتِ بَمَ نّ عِ بّ بْنسْييٍ تَفِ.
11 عِ شَ هِننّ كٌورٍ لِمَ نّ،
عِ شَ تِنشِنيِ تٍمَ نّ هَن نُشُييٍ.
12 عَلَ، عِ شَ عِ شَ بِنيّ مَسٍن كٌورٍ مَ،
عِ شَ عَ مَسٍن بْشِ مَ.