90
عَدَ مَ بِرِن قَشَمَ نّ
عَلَ مَشَندِ
1 عَلَ شَ مِشِ مُنسَ شَ عَلَ مَشَندِ
ﭑ مَرِفِ، عِ تَن قِندِشِ مُشُ كَنتَمَ نَن نَ عَبَدَن.
2 بٍينُن فٍيَيٍ نُن دُنِحَ شَ دَا،
عِ تَن نَن نُ نَ عَلَ رَ عَبَدَن.
3 عِ عِبُنَدَ مَ رَفبِلٍنمَ بّندّ عِ.
عِ نَ نَن قَلَ، «عَدَ مَدِ شَ فبِلٍن بّندّ.»
4 حّ وُلُ كٍرٍن لُشِ نّ عِ بّ
عَلْ لْشْ كٍرٍن نَشَن بَرَ دَنفِ،
عَلْ وَشَتِ كٍرٍن نَشَن بَرَ دَنفِ كْي كُي.
5 عِ عَ نِيَ عَدَ مَدِ مُ كٍلِ عَ شَ شِشْلِ مَ.
عَ لُشِ عَلْ حٌوفٍ نَشَن مِنِمَ عَ يّتّ رَ.
6 عَ كٍلِ سُبَشّ مَ، عَ قُفَ،
نُنمَرٍ تّمُي عَ حَن بَرَ لِسِ، عَ شَرَ.
7 عِ شَ شْنّ مُشُ حْنمَ نّ،
عَ مُشُ مَفَاشُ.
8 عِ مُشُ شَ يُنُبِ بِرِن كٌلٌن،
هَلِ مُشُ شَ قٍ حَاشِ نَشٍيٍ قِندِشِ فُندٌ رَ.
9 مُشُ شَ سِمَيَ بِرِن لُمَ عِ شَ شْنّ بُن مَ.
مُشُ شَ دُنِحّءِفِرِ شَ بُي بِرِن، حّنفِ رَتٍ كٍرٍن.
10 مُشُ شَ سِمَيَ بُمَ حّ تٌنفٌ سٌلٌقٍرٍ،
حّ تٌنفٌ سٌلٌمَسَشَن شَ عَ سْونّيَ،
كْنْ نَ بِرِن قِندِشِ تْورّ نُن حَشَنكَتّ نَن نَ.
سِمَيَ دَنفِمَ نّ مَقُرٍن مَقُرٍن، عَ مُشُ لُ دِ مِ كُي.
11 ندٍ عِ شَ شْنّ سّنبّ كٌلٌن؟
ندٍ فَاشُمَ نَ يَ رَ؟
12 عَ مُشُ رَتُ سِمَيَ رَحْنيِ مَ،
عَلَكٌ مُشُ شَ شَشِلِ سْتْ مُشُ شَ دُنِحّءِفِرِ كُي.
13 ﭑ مَرِفِ، عِ شَ عِ يَ رَقِندِ مُشُ مَ
عِ شَ شْنّ بُمَ هَن مُن تّمُي؟
كِنِكِنِ عِ شَ كٌنيِ دِيٍ مَ.
14 كُيٍ نَ عِبَ، عِ شَ مُشُ رَوَ سَ عِ شَ دُفُتّفّحَ رَ،
عَلَكٌ مُشُ شَ سّيوَ مُشُ شَ سِمَيَ بِرِن كُي.
15 عِ تْورّ شَسَبِ نَشَن دْشْ مُشُ مَ،
عِ يَافِ شَسَبِ نَشَن سَ مُشُ مَ،
عِ مَن شَ مُشُ رَ سّيوَ نَ شَسَبِ رَ.
16 عِ شَ عِ شَ كَابَنَكٌي مَسٍن مُشُ بّ، عِ شَ كٌنيِيٍ.
عِ شَ نْرّ شَ مِنِ مُشُ شَ دِيٍ مَ.
17 مُشُ مَرِفِ عَلَ شَ تٌقَنيِ شَ لُ مُشُ يَ عِ.
عَ شَ مُشُ شَ وَلِ سْونّيَ،
عَ شَ بَرَكَ سَ مُشُ شَ وَلِ مَ!