11
رٌبٌوَ مِ شَ مَنفّيَ
عِسِرَيِلَ مَنفّيٍ عِ ١٢؛٢١ ٬ ٢٤
1 رٌبٌوَ مِ تٌ سٌ دَرِ سَلَمُ، عَ نَشَ يُدَ نُن بُنيَمِن بْنسْي سْورِيٍ مَلَن، فٍرٍ سٌي قَنيِ وُلُ كّمّ تٌنفٌ سٌلٌمَسَشَن، عَلَكٌ عٍ شَ عِسِرَيِلَ فٍرٍ، عِسِرَيِلَ شَ فبِلٍن رٌبٌوَ مِ شَ مَنفّيَ بُن مَ.
2 كْنْ عَلَتَلَ نَشَ عَ مَسٍن عَ شَ مِشِ سٍمَيَ بّ،
3 «عَ قَلَ سُلٍمَنِ شَ دِ رٌبٌوَ مِ بّ، يُدَيَ مَنفّ، عَ نُن عِسِرَيِلَكَيٍ بِرِن نَشٍيٍ نَ يُدَيَ نُن بُنيَمِن بْشِ مَ،
4 ‹عَلَتَلَ شَ مَسٍنيِ نَن يِ كِ؛ وٌ نَشَ تٍ دٍ، سِفَقٍ رَ وٌ نفَشَكٍرٍنيِيٍ فٍرٍدٍ. وٌ بِرِن شَ فبِلٍن وٌ شْنيِ، بَرِ مَ ﭑ تَن نَن يِ قٍ رَفِرِشِ.›» عٍ نَشَ عَلَتَلَ شَ وْيّنيِ رَبَتُ، عٍ فبِلٍن، عٍ مُ سِفَ يٍرٌبٌوَ مِ فٍرٍدٍ سْنْن.
5 رٌبٌوَ مِ نَشَ سَبَتِ دَرِ سَلَمُ، عَ تَا مَكَنتَشِيٍ تِ يُدَيَ،
6 عَلْ بّتّلّيمُ، عٍتَمِ، تٍكٌوَ،
7 بٍتِ سُرُ، سٌكٌ، عَدُلَمَ،
8 فَتِ، مَرٍ سَ، سِقِ،
9 عَدٌرَيِمِ، لَكِسِ، عَسٍكَ،
10 سٌرَهَ، عَيَلٌن، نُن هٍبِرٌن. رٌبٌوَ مِ يِ تَا مَكَنتَشِيٍ تِ يُدَيَ نُن بُنيَمِن بْشِ نَن مَ.
11 عَ نٍيٍ يَءِلَن عَ قَنيِ رَ فٍرٍ كِ مَ. عَ سْورِ شُنيِيٍ لُ نَا، عَ بَلٌي، تُرٍ، نُن وّنِ سٌ عٍ يِ رَ.
12 وُرٍ لٍقَ نُن تَنبّيٍ نُ نَ عٍ يِ رَ، عٍ سّنبّ نُ فبٌ. يُدَ نُن بُنيَمِن بْنسْييٍ لُ نّ عَ شَ يَامَرِ بُن مَ نَ كِ نّ.
13 سّرّشّدُبّيٍ نُن لٍوِكَيٍ نَشَ كٍلِ عٍ شْنيِ عِسِرَيِلَ بْشِ بِرِن مَ، عٍ شَ قَ يُدَيَ، عٍ كَقُ رٌبٌوَ مِ مَ.
14 لٍوِكَيٍ نُ بَرَ مّي عٍ شَ بَنشِيٍ نُن عٍ هَرِفٍ رَ سِفَقٍ رَ يُدَيَ نُن دَرِ سَلَمُ، بَرِ مَ يٍرٌبٌوَ مِ نُن عَ شَ دِيٍ مُ تِن عٍ شَ سّرّشّدُبّ وَلِ رَبَ عَلَتَلَ بّ.
15 يٍرٌبٌوَ مِ نُ بَرَ سّرّشّدُبّيٍ تِ كُيٍ بَتُدٍيٍ رَ فٍيَيٍ قَرِ، يّشّي كٌنتٌنيِ نُن نِنفٍ مَسٌلِشِيٍ تِشِ دّننَشّ كُيٍ رَ.
16 عِسِرَيِلَكَ نَشٍيٍ نُ وَ مَ عٍ مَرِفِ عَلَتَلَ بَتُقٍ، كٍلِقٍ بْنسْي بِرِن، نٍيٍ نَشَ بِرَ لٍوِكَيٍ قْشْ رَ سِفَقٍ رَ دَرِ سَلَمُ، عَلَكٌ عٍ شَ سّرّشّ بَ عٍ بَبَيٍ مَرِفِ عَلَتَلَ بّ.
17 نَ كُي عٍ نَشَ سُلٍمَنِ شَ دِ رٌبٌوَ مِ شَ مَنفّيَ مَبَنبَن يُدَيَ حّ سَشَن بُن مَ. نَ وَشَتِ كُي، عٍ نَشَ حّرّ دَوُدَ نُن سُلٍمَنِ شَ كِرَ شْن مَ.
18 رٌبٌوَ مِ نَشَ يٍرِ مٌتِ شَ دِ فِنّ مَهَلَتَ دْشْ. نَ فِنّ قِندِ دَوُدَ شَ دِ شّمّ يٍرِ مٌتِ، نُن عَ شَ فِنّ عَبِشَيِلِ، شَ دِ فِنّ نَن نَ. عَبِشَيِلِ قِندِ يِسَيِ شَ دِ شّمّ عٍلِيَبِ شَ دِ فِنّ نَن نَ.
19 مَهَلَتَ نَشَ دِيٍ بَرِ عَ بّ؛ يٍيُسُ، سّمَرَيَ، نُن سَهَمِ.
20 رٌبٌوَ مِ نَشَ عَبِسَلٌمِ شَ دِ فِنّ مَاكَ قَن دْشْ. مَاكَ نَشَ عَبِيَ، عَتَيِ، سِسَ، نُن سٍلٌمِتِ بَرِ عَ بّ.
21 عَبِسَلٌمِ شَ دِ فِنّ مَاكَ نُ رَقَن رٌبٌوَ مِ مَ، دَنفِقٍ عَ شَ فِنّيٍ نُن عَ شَ كٌنيِ فِنّيٍ بِرِن نَ. فِنّ قُ نُن سٌلٌمَسَشَن نُن كٌنيِ فِنّيٍ تٌنفٌ سٍننِ نُ نَ عَ يِ رَ. عَ نَشَ دِ شّمّ مْشْحّن نُن سٌلٌمَسَشَن نُن دِ فِنّ تٌنفٌ سٍننِ سْتْ نَ فِنّيٍ رَ.
22 رٌبٌوَ مِ نَشَ مَاكَ شَ دِ عَبِيَ قِندِ عَ شَ دِ قِسَمَنتٍ رَ. عَ نُ وَ مَ نَ نَن شَ قِندِ مَنفّ رَ.
23 عَ نَشَ شَشِلِمَيَ رَبَ، عَ عَ شَ دِ بٌورٍيٍ بِرِن نَسَبَتِ يُدَيَ نُن بُنيَمِن تَا مَكَنتَشِيٍ كُي، عَ قَ بَلٌي نُن فِنّ فبٍفبٍ قٍن عٍ بّ.