27
يٌتَمِ شَ مَنفّيَ
عِسِرَيِلَ مَنفّيٍ عِِ ١٥؛٣٢ ٬ ٣٨
1 يٌتَمِ مَنفّيَ سْتْ عَ حّ مْشْحّن نُن سُولِ نَن مَ، عَ قَ حّ قُ نُن سٍننِ مَنفّيَ رَبَ دَرِ سَلَمُ. عَ نفَ نُ شِلِ يٍرُ سَ، سَدْكِ شَ دِ فِنّ.
2 عَ حّرّ نّ عَلَتَلَ شَ تِنشِنيِ كُي. عَ بِرَ نّ عَ بَبَ عٌسِيَسِ شَ مِسَالِ قْشْ رَ، كْنْ عَ تَن مُ سٌ عَلَتَلَ شَ هْرْ مْبَنشِ كُي سّرّشّ دُبَمَ دّننَشّ. نَ وَشَتِ حَمَ تَن مُ نُ عَ شَ وَلِ حَاشِ لُمَ.
3 يٌتَمِ نَشَ عَلَتَلَ شَ هْرْ مْبَنشِ نَادّ ندٍ يَءِلَن، نَشَن نُ نَ قُفٍ رَ. عَ مَن نَشَ بَنشِ فبٍفبٍ تِ عٌقٍلِ تّتّ كُي.
4 عَ نَشَ تَايٍ تِ يُدَيَ فٍيَيٍ يِرٍ، عَ نُن كٌورٍ بَنشِيٍ وٌندِيٍ كُي.
5 عَ نَشَ عَمٌنِ مَنفّ فٍرٍ، عَ نْ عَ رَ. عَمٌنِكَيٍ نَشَ يِ دُوتِ قِ حّ سَشَن بُن مَ؛ فبٍتِ كِلٌ وُلُ سَشَن كّمّ نَانِ، مّنفِ مَنِيّ بُسَلِ وُلُ تٌنفٌ نَانِ، قُندٍنيِ مَنِيّ بُسَلِ وُلُ تٌنفٌ نَانِ.
6 يٌتَمِ نَشَ سّنبّ سْتْ عَ قَنيِ رَ، بَرِ مَ عَ بَرَ حّرّ عَ مَرِفِ عَلَتَلَ شَ كِرَ شْن مَ.
7 يٌتَمِ شَ تَرُشُي دْنشْييٍ، عَ شَ فٍرٍيٍ نُن عَ شَ وَلِيٍ، نٍيٍ بِرِن سّبّشِ عِسِرَيِلَ نُن يُدَيَ مَنفّيٍ شَ تَرُشُي كُي.
8 عَ مَنفّيَ سْتْ عَ حّ مْشْحّن نُن سُولِ نَن مَ، عَ قَ حّ قُ نُن سٍننِ مَنفّيَ رَبَ دَرِ سَلَمُ.
9 يٌتَمِ تٌ لَاشِرَيَ، عٍ نَشَ عَ رَفَتَ دَوُدَ شَ تَا كُي. عَ شَ دِ عَشَسِ نَشَ تِ عَ حْشْي رَ.