3
هْرْ مْبَنشِ وَلِ قْلْقٍ
عِسِرَيِلَ مَنفّيٍ عِ ٦‏؛١ ٬ ٣٨
سُلٍمَنِ نَشَ عَلَتَلَ شَ بَنشِ تِ قْلْ دَرِ سَلَمُ، مٌرِيَ فٍيَ قَرِ، عَ بَبَ دَوُدَ دّننَشّ سُفَندِ، يٍبُسُكَ عٌرٌنَن شَ لٌنيِ قَرِ. عَ نَشَ وَلِ قْلْ عَ شَ مَنفّيَ حّ نَانِ، كِكٍ قِرِن، شِ قِرِن ندٍ لْشْي مَ. سُلٍمَنِ عَلَ شَ بَنشِ تِ يِ شَسَبِ نَن نَ؛ عَ شَ كُيّ نْنفْن يَ تٌنفٌ سٍننِ، عَ شَ فبٌي نْنفْن يَ مْشْحّن. عَ يَتَفِ بُنتُنيِ شَ فبٌي نْنفْن يَ مْشْحّن، عَلْ بَنشِ شَ فبٌي نَ كِ نَشّ. عَ شَ مَءِتٍ قَن قِندِ نْنفْن يَ كّمّ مْشْحّن نَن نَ. سُلٍمَنِ نَشَ عَ كُي بِرِن يَءِلَن شّيمَ تِنسٍ رَ. عَ نَشَ بَنشِ كُي بَنبَن سِثِرّ وُرِ رَ، عَ قَ عٍ رَشُنمَ شّيمَ تِنسٍ رَ، تُفِ قّنسّ دّنبّشِ مَسٌلِشِ عٍ مَ. عَ مَن نَشَ عٍ رَشُنمَ فّمّ تٌقَنيِيٍ رَ، عَ نُن شّيمَ رَ نَشَن كٍلِ ثَرَوَيِمِ بْشِ مَ. عَ نَشَ بَنشِ بِرِن مَسٌ شّيمَ رَ، عَ عَ مَسٌ بَنشِ كِنكِيٍ مَ، نَادّيٍ مَ، نَادّ فبَنيِيٍ مَ، نُن عَ سّيتِيٍ مَ. عَ مَن نَشَ مَلٍكّ مِسَالِ يَءِلَن بَنشِ كَنكٍيٍ مَ.
عَ نَشَ عَ يِرٍ سّنِيّنشِ قِسَمَنتٍ تِ. عَ شَ كُيّ نْنفْن يَ مْشْحّن، عَلْ هْرْ مْبَنشِ قَن شَ فبٌي تٌ قِندِشِ نْنفْن يَ مْشْحّن نَ. عَ نَشَ عَ مَسٌ شّيمَ تِنسٍ قَنيِ رَ نَشَن شَسَبِ نُ لَنشِ كِلٌ كّمّ قِرِن كِلٌ نَانِ مَ. عَ نَشَ شّيمَ كِلٌ سٍننِ قِندِ لَنتُمَ رَ. عَ مَن نَشَ كٌنكٌي قَن نَشُنمَ شّيمَ رَ نَشٍيٍ نَ كٌورٍ.
10 عَ نَشَ مَلٍكّ قِرِن يَءِلَن يِرٍ سّنِيّنشِ قِسَمَنتٍ كُي بَقَتَ رَشُنُشِ رَ، عَ قَ عَ مَسٌ شّيمَ رَ. 11 مَلٍكّيٍ فَبُتٍنيِيٍ شَ كُيّ نُ لَنشِ نْنفْن يَ مْشْحّن نَن مَ. مَلٍكّ سِنفٍ كْولَ فَبُتٍنيِ شَ كُيّ نْنفْن يَ سُولِ، عَ يِرٍ سّنِيّنشِ سّيتِ لِشِ. عَ يِرٍقَنيِ فَبُتٍنيِ بٌورٍ مَلٍكّ فَبُتٍنيِ لِشِ. نَ فَبُتٍنيِ قَن لَنشِ نْنفْن يَ سُولِ نَن مَ. 12 مَلٍكّ قِرِن ندٍ يِرٍقَنيِ فَبُتٍنيِ شَ كُيّ نْنفْن يَ سُولِ، عَ يِرٍ سّنِيّنشِ سّيتِ لِشِ. عَ كْولَ فَبُتٍنيِ بٌورٍ مَلٍكّ فَبُتٍنيِ لِشِ. 13 نَ مَلٍكّ قِرِنيِ فَبُتٍنيِيٍ شَ كُيّ نُ لَنشِ نْنفْن يَ مْشْحّن نَن مَ. عٍ تِشِ عٍ سَنيِيٍ شُن نَ، عٍ يَتَفِ رَقِندِشِ بَنشِ مَ. 14 عَ نَشَ دُفِ تٌقَنيِ فبَكُ نَ، نَشَن نَفبٍيلِشِ نُن عَ رَقْورْشِ، مَلٍكّ ثِرِنتِيٍ مَسْشْشِ عَ مَ.
15 عَ نَشَ فّمّ قِرِن تِ بَنشِ يَتَفِ، عٍ شَ مَءِتٍ نْنفْن يَ تٌنفٌ سَشَن نُن سُولِ. عٍ شُنتَفِيٍ مَسٌلِشِ، نَ مَسٌلِ شَ كُيّ نْنفْن يَ سُولِ. 16 نَ فّمّ شُنتَفِ مَسٌلِشِيٍ مَنِيَ لُوتِ دّنبّشِيٍ رَ، كْوبّ بٌفِ مَنِيّ كّمّ رَقَلَشِ فبَكُشِ عٍ رَ. 17 عَ نَشَ نَ فّمّ قِرِنيِ تِ بَنشِ يَتَفِ، كٍرٍن نَ كْولَ مَ، بٌورٍ نَ يِرٍقَنيِ مَ. نَشَن نَ يِرٍقَنيِ مَ نَ شِلِ يَكِن، نَشَن نَ كْولَ مَ نَ شِلِ بٌو سُ.