15
دَنشَنِيَتْييٍ مَلِقٍ
1 وٌن تَن نَشٍيٍ شَ دَنشَنِيَ تِلِن، عَ لَنمَ وٌن شَ دِحّ مِشِيٍ بّ نَشٍيٍ شَ دَنشَنِيَ مُ تِلِن. وٌن نَشَ وٌن يّتّ وَشْنقٍ فبَنسَن شَ قٍن.
2 كَنكَن شَ عَ بٌورٍ نَن شَ هّيرِ قٍن، نَشَن نْمَ عَ مَلِدٍ عَ شَ دَنشَنِيَ شُن شَ مَسَ.
3 عَلَ شَ مِشِ سُفَندِشِ مُ عَ يّتّ وَشْنقٍ شَ قٍن. عَ عَ قَلَ نّ عَلْ عَ سّبّشِ كِتَابُي كُي كِ نَشّ،
«كٌنبِيٍ نَشٍيٍ عِلَنشِ عِ رَ،
نٍيٍ ﭑ تَن نَن لِشِ.»
4 قٍ نَشَن بِرِن سّبّشِ كِتَابُي كُي وَشَتِ دَنفِشِ، عٍ سّبّشِ نّ عَلَكٌ وٌن شَ قَهَامُي سْتْ، وٌن شَ وٌن تُننَبّشِ، وٌن شَ لِمَنِيَ، عَلَكٌ شَشِلِ تِدٍ شَ لُ وٌن بّ.
5 عَلَ، عَ تَن نَشَن تُننَبّشِيَ نُن لِمَنِيَ قِمَ، عَ شَ لَنيِ رَ سٌ وٌ تَفِ عَلْ عَ شَ مِشِ سُفَندِشِ عِسَ عَ مَسٍنشِ وٌ بّ كِ نَشّ،
6 عَلَكٌ وٌ شَ عَلَ مَتْشْ شَشِلِ نُن شُي كٍرٍن نَ، عَ تَن نَشَن قِندِشِ عَ شَ مِشِ سُفَندِشِ نُن وٌن مَرِفِ عِسَ بَبَ رَ.
7 نَ كُي، وٌ شَ وٌ بٌرٍ رَ سّنّ عَلْ عَلَ شَ مِشِ سُفَندِشِ وٌ رَ سّنّ كِ نَشّ، عَلَكٌ عَلَ شَ مَتْشْي سْتْ.
8 ﭑ شَ عَ قَلَ وٌ بّ، عَلَ شَ مِشِ سُفَندِشِ وَلِ نّ يُوِقِيٍ بّ عَلَكٌ عَ شَ عَ مَسٍن عَ عَلَ نَ عَ شُي شَنبِ رَ عَ تٌ بَرَ عَ شَ لَايِدِيٍ رَكَمَلِ عَ نَشٍيٍ تٌنفٌ عٍ بٍنبَيٍ بّ.
9 سِ فبّتّيٍ قَن عَلَ مَتْشْمَ عَ شَ هِننّ شَ قٍ رَ، عَلْ عَ سّبّشِ كِتَابُي كُي كِ نَشّ،
«نَ نَن عَ رَ ﭑ عِ مَتْشْمَ سِ بِرِن تَفِ،
ﭑ بّيتِ بَمَ نّ عِ شِلِ شَ بِنيّ بُن مَ.»
10 عَ مَن سّبّشِ،
«سِ فبّتّيٍ، وٌ نُن عَلَ شَ حَمَ شَ سّيوَ.»
11 عَ مَن سّبّشِ،
«وٌ تَن حَمَنّيٍ بِرِن،
وٌ مَرِفِ مَتْشْ،
سِ بِرِن شَ عَ تَنتُ.»
12 عَننَبِ عٍسَيِ مَن نَشَ عَ مَسٍن،
«يِسَيِ شَ دِ قَمَ نّ.
عَ قِندِ مَ نّ مَنفّ رَ سِ بِرِن شُن مَ،
عٍ قَن عٍ شَشِلِ تِمَ نّ عَ رَ.»
13 عَلَ، عَ تَن نَشَن شَشِلِ تِدٍ قِمَ، عَ شَ وٌ رَقٍ سّيوّ نُن بْحّسَ رَ دَنشَنِيَ كُي عَ مْولِ بِرِن نَ. نَ كُي، شَشِلِ تِدٍ لُمَ نّ وٌ بّ تّمُي بِرِن، عَلَ شَشِلِ سّنِيّنشِ شَ سّنبّ سَابُي رَ.
ثْلُ شَ وَلِ
14 ﭑ نفَشَكٍرٍنيِيٍ، ﭑ تَن عَ كٌلٌن وٌ بْحّ قَن، وٌ بَرَ لْننِ سْتْ عَ قَنيِ رَ، وٌ قَتَ وٌ بٌرٍ رَ سِدٍ.
15 كْنْ ﭑ تٌ سّبّلِ تِشِ وٌ مَ، ﭑ مَ مَسٍنيِ ندٍيٍ قِندِشِ مَسٍنيِ شْرْشْييٍ نَن نَ عَلَكٌ ﭑ شَ وٌ رَتُ، بَرِ مَ عَلَ تٌ هِننّشِ ﭑ نَ،
16 عَ بَرَ ﭑ قِندِ عَ شَ مِشِ سُفَندِشِ عِسَ شَ وَلِكّ رَ سِفَقٍ رَ سِ فبّتّيٍ مَ. نَ كُي، ﭑ سّرّشّدُبّ وَلِ نَن نَبَمَ ﭑ تٌ عَلَ شَ شِبَارُ قَنيِ كَوَندِ مَ سِ فبّتّيٍ بّ، عَلَكٌ عَلَ شَشِلِ سّنِيّنشِ شَ عٍ قِندِ سّرّشّ سّنِيّنشِ رَ نَشَن عَلَ كّنّنمَ.
17 نَ بِرِن كُي، ﭑ نُن عَلَ شَ مِشِ سُفَندِشِ عِسَ تٌ عَ رَ، ﭑ نْمَ سّيوَدٍ ﭑ مَ وَلِ رَ عَلَ بّ،
18 بَرِ مَ ﭑ مُ سُو سَمَ قٍقٍ شَ قٍ قَلَدٍ قٌ عَلَ شَ مِشِ سُفَندِشِ بَرَ نَشَن نَبَ ﭑ سَابُي رَ، عَلَكٌ سِ فبّتّيٍ شَ عَلَ شُي رَبَتُ. عَ بَرَ نَ رَبَ ﭑ مَ مَسٍنيِيٍ نُن ﭑ مَ كّوَلِيٍ سَابُي رَ،
19 كَابَنَكٌي نُن تْنشُمَيٍ شَ سّنبّ سَابُي رَ، عَ نُن عَلَ شَشِلِ سّنِيّنشِ سّنبّ سَابُي رَ. نَ كُي، كٍلِقٍ دَرِ سَلَمُ هَن عَ سَ دْشْ عِلِرِ رَ، ﭑ بَرَ عَلَ شَ مِشِ سُفَندِشِ شَ شِبَارُ قَنيِ رَيٍنسٍن يّ.
20 نَ بِرِن كُي، ﭑ كَتَشِ نّ ﭑ شَ مِشِيٍ كَوَندِ عِسَ شَ شِبَارُ قَنيِ رَ نَشٍيٍ مُ عَلَ شَ مِشِ سُفَندِشِ كٌلٌن. ﭑ مُ وَ نَ رَبَقٍ كَوَندِلَ فبّتّ دَنفِ قْشِ.
21 عَلْ عَ سّبّشِ كِتَابُي كُي كِ نَشّ،
«عَ شَ قٍ سِنفٍ مُ نُ قَلَ نَشٍيٍ بّ،
عٍ قَمَ نّ عَ كٌلٌندٍ.
مِشِ نَشٍيٍ سِنفٍ مُ نُ عَ شَ قٍ مّ،
عٍ قَمَ نّ عَ قَهَامُدٍ.»
22 يِ وَلِ نَن عَ نِيَشِ ﭑ مُ نْشِ سِفَدٍ وٌ يِرٍ.
23 يَكْسِ ﭑ مَ وَلِ بَرَ حْن يِ بْشِيٍ مَ. ﭑ نُ بَرَ وَ سِفَقٍ وٌ يِرٍ كَبِ حّ وُيَشِ.
24 عَ شْلِ ﭑ مَ ﭑ شَ دَنفِ وٌ يِرٍ ﭑ نَ كِرَ سُشُ سِفَقٍ رَ سِثَنيِ بْشِ مَ. وٌن شَ لُ يِرٍ كٍرٍن وَشَتِ ندٍ مَ عَلَكٌ ﭑ شَ حّلّشِن وٌ تٌقٍ رَ، عَ شْلِ ﭑ مَ وٌ شَ ﭑ مَلِ سِفَقٍ رَ سِثَنيِ.
25 يَكْسِ ﭑ نَ سِفَقٍ دَرِ سَلَمُ سّنِيّنتْييٍ مَلِدٍ،
26 بَرِ مَ دَنشَنِيَتْي حَمَيٍ نَشٍيٍ نَ مَسٍدٌن نُن عَكَيِ بْشِ مَ، عٍ عَ حَنِفٍ نّ عٍ شَ عٍ هَرِفٍ ندٍ مَلَن، عٍ شَ عَ رَ سَنبَ دَرِ سَلَمُ مِسِكِينّيٍ مَ نَشٍيٍ نَ نَ سّنِيّنتْييٍ يَ مَ.
27 عٍ تَن نَن عَ حَنِفٍشِ. عَنُن، عَ لَنمَ عٍ شَ نَ نَتّ تٌنفٌ بَرِ مَ يُوِقِيٍ تٌ قِندِ سَابُي رَ عٍ تَن سِ فبّتّيٍ بّ عَلَ شَ قٍيٍ كُي، عَ لَن نّ عٍ قَن شَ يُوِقِيٍ مَلِ بَلٌي قٍ رَ.
28 نَ كُي، ﭑ نَ فّ نَ وَلِ رَ، ﭑ يِ كْبِرِ سٌ عٍ يِ دَنشَنِيَتْييٍ بَرَ نَشَن نَسَنبَ، ﭑ دَنفِمَ وٌ يِرٍ سِفَقٍ رَ سِثَنيِ بْشِ مَ.
29 ﭑ عَ كٌلٌن ﭑ تٌ سِفَقٍ وٌ يِرٍ، نَ قِندِ مَ عَلَ شَ مِشِ سُفَندِشِ شَ بَرَكّ نَن نَ وٌ بّ.
30 ﭑ نفَشَكٍرٍنيِيٍ، ﭑ بَرَ وٌ مَيَندِ وٌن مَرِفِ عِسَ عَلَ شَ مِشِ سُفَندِشِ شَ قٍ رَ، عَ نُن شَنُنتٍيَ شَ قٍ رَ نَشَن كٍلِمَ عَلَ شَشِلِ سّنِيّنشِ مَ، وٌ شَ ﭑ مَلِ، وٌ شَ وَكِلِ ﭑ بّ عَلَ مَشَندِ كُي.
31 وٌ عَلَ مَشَندِ ﭑ بّ عَ شَ ﭑ نَتَنفَ يُدَيَ دَنشَنِيَتَرٍيٍ مَ، عَ نُن مَن، دَرِ سَلَمُ سّنِيّنتْييٍ شَ حّلّشِن عٍ مَلِسٍ رَ ﭑ سِفَقٍ نَشَن نَ عٍ شْن.
32 نَ كُي، شَ عَلَ تِن، ﭑ وٌ يِرٍ لِمَ سّيوّ كُي، وٌن نْ وٌن بٌرٍ سّنبّ سٌدٍ.
33 عَلَ، عَ تَن نَشَن بْحّسَ قِمَ، عَ شَ لُ وٌ بِرِن سّيتِ مَ. عَمِنَ.