3
1 تِدٍ مُندُن قَ نَ قِندِقٍ يُوِقِ رَ؟ سُننّ تِدٍ نَ نَ يِرٍ؟
2 عِيٌ، يِ قٍيٍ تِدٍ فبٌ كِ قَنيِ. عَ قْلّ رَ، عَلَ عَ شَ مَسٍنيِ تَشُ يُوِقِيٍ نَن نَ.
3 كْنْ شَ عَ سَ لِ فٌ، ندٍيٍ نَ عٍ يَ مَ عٍ كٌبٍ رَ سٌشِ عَلَ رَ، نَ نْمَ عَ نِيَدٍ عَلَ قَن شَ عَ كٌبٍ رَ سٌ عٍ رَ؟
4 عَستْقُلَهِ. عَدَ مَدِ بِرِن قِندِشِ وُلٍ قَلّ نَن نَ، كْنْ عَ شَ كٌلٌن عَ عَلَ نْندِ كَنيِ مُ نْمَ وُلٍ قَلَدٍ. عَ سّبّشِ كِتَابُي كُي؛
«نَ كُي، عِ شَ وْيّنيِ قِندِ مَ نْندِ نَن نَ.
كِيتِ لُمَ عِ تَن نَن بّ تّمُي بِرِن.»
5 كْنْ شَ وٌن مَ تِنشِنتَرٍيَ قَ عَ مَسٍنمَ نّ مِشِيٍ بّ عَ عَلَ تِنشِن، وٌن قَ نَ مَ دِ؟ عَلَ نَ شْنْ وٌن مَ، وٌن شَ عَ قَلَ عَ مُ تِنشِن؟ ﭑ وْيّنقٍ نّ عَلْ مِشِيٍ وْيّنمَ كِ نَشّ.
6 عَستْقُلَهِ! شَ عَلَ مُ تِنشِن، عَ دُنِحَ مَكِيتِمَ دِ؟
7 ندٍ نْمَ عَ قَلَدٍ، «شَ ﭑ مَ وُلٍ عَلَ شَ نْندِ مَكّنّنمَ دُنِحَ بّ عَلَكٌ عَلَ شَ تَنتُي سْتْ، مُنقٍ رَ عَ قَ ﭑ قِندِ مَ يُنُبِتْي رَ؟»
8 وٌن حَن شَ عَ قَلَ، «وٌن شَ قٍ حَاشِ رَبَ عَلَكٌ عَ شَ سَ قِندِ قٍ قَنيِ رَ.» مُشُ شِلِ كَنّيٍ نَ نَن قَلَمَ مُشُ شُن مَ، عَ مُشُ شَ مَسٍنيِ نَن نَ كِ. كْنْ عَلَ نَ عٍ مَكِيتِ، عٍ قَن عٍ سَرٍ سْتْمَ نّ.
عَدَ مَدِيٍ شَ تِنشِنتَرٍيَ
9 وٌن مُنسٍ قَلَمَ قَ؟ وٌن شَ عَ قَلَ عَ وٌن تَن يُوِقِيٍ تِنشِن دَنفِ سِ فبّتّيٍ رَ؟ عَدٍ، نَ مُ عَ رَ قٍوٌ، بَرِ مَ عَلْ وٌن حَن بَرَ عَ تٌ، يُوِقِيٍ بَ، سِ فبّتّيٍ بَ، بِرِن نَ يُنُبِ نَن شَ نْي بُن مَ.
10 عَ سّبّشِ؛
«مِشِ يٌ مُ تِنشِن،
هَلِ مِشِ كٍرٍن.
11 قٍ كٌلٌنيِ يٌ مُ نَ،
مِشِ يٌ مُ عَلَ قٍنقٍ.
12 بِرِن بَرَ كِرَ قَنيِ بّحِن،
عٍ بِرِن شُن بَرَ رَكَنَ.
مِشِ يٌ مُ نَ نَشَن قٍ قَنيِ رَبَمَ،
هَلِ مِشِ كٍرٍن، عَ مُ نَ.
13 عٍ دّ قِندِشِ فَبُرِ دّ عِبِشِ نَن نَ،
عٍ نّنيِ قِندِشِ مِشِ مَيٍندٍن سٍ نَن نَ.
بْشِمَسٍ شْنّ نَن مِنِمَ عٍ دّ كِرِ رَ،
14 دَنكّ نُن وْيّن شْنّ نَن عٍ دّ رَقٍشِ.
15 عٍ سَنيِ شُلُن وُلِ رَ مِنِقٍ رَ،
16 عٍ دَنفِ دّدّ، عٍ كَنَرِ نُن نِمِسّ نَن لُمَ عٍ شَنبِ رَ.
17 عٍ مُ بْحّسَ كِرَ كٌلٌن،
18 عٍ مُ عَلَ يَرَفَاشُي كٌلٌن.»
19 وٌن عَ كٌلٌن عَلَ شَ سّرِيّ نَشَن بِرِن مَسٍنشِ، عَ عَ مَسٍنشِ مِشِيٍ نَن بّ نَشٍيٍ نَ عَ شَ سّرِيّ نْي بُن مَ، عَلَكٌ دّ بِرِن شَ بَلَن، سّرِيّ شَ بِرِن سُشُ عَلَ يَ عِ.
20 نَ كُي، عَدَ مَدِ يٌ مُ قِندِ مَ تِنشِنتْي رَ عَلَ يَ عِ سّرِيّ رَبَتُقٍ سَابُي رَ، بَرِ مَ سّرِيّ تَن يُنُبِ نَن تُن مَكّنّنمَ، عَدَ مَدِ شَ عَ كٌلٌن عَ يُنُبِتْي نَ عَ رَ.
تِنشِنيِ نَشَن كٍلِمَ عَلَ مَ،
نَشَن سْتْمَ دَنشَنِيَ سَابُي رَ
21 كْنْ يَكْسِ، تِنشِنيِ بَرَ مَكّنّن نَشَن مُ كٍلِمَ سّرِيّ رَبَتُقٍ مَ. عَ كٍلِمَ عَلَ يّتّ نَن مَ، عَلْ عَ سّبّشِ سّرِيّ نُن نَمِحْنمّيٍ شَ كِتَابُييٍ كُي كِ نَشّ.
22 يِ تِنشِنيِ نَشَن كٍلِمَ عَلَ مَ عَ سْتْمَ دَنشَنِيَ نَن سَابُي رَ، بِرِن عَ سْتْ نَشٍيٍ دَنشَنِيَشِ عَلَ شَ مِشِ سُفَندِشِ عِسَ مَ. عَلَ مُ مِشِ يٌ رَقِسَشِ عَ بٌورٍ بّ،
23 بَرِ مَ بِرِن قِندِشِ يُنُبِتْي نَن نَ، بِرِن بَرَ فَن عَلَ شَ نْرّ رَ،
24 بِرِن تِنشِنيِ سْتْمَ عَلَ شَ هِننّ نَن تُن سَابُي رَ. عَلَ عَدَ مَ كِمَ يِ تِنشِنيِ رَ وٌن شُنسَرَ مَ عِسَ نَن سَابُي رَ، عَ شَ مِشِ سُفَندِشِ.
25 عَلَ عَ تَن نَن قِندِ سّرّشّ رَ، عَ وُلِ رَ مِنِشِ نّ عَلَكٌ نَشٍيٍ نَ دَنشَنِيَ عَ مَ، عٍ شَ يُنُبِيٍ شَ شَقَرِ. يِ عَ مَسٍنشِ نّ عَ عَلَ تِنشِن، بَرِ مَ عَ شَ دِحّ كُي، عَ نُ بَرَ عَدَ مَدِيٍ شَ يُنُبِيٍ لُ نَ عٍ مُ مَكِيتِ، عٍ نَشٍيٍ رَبَشِ وَشَتِ دَنفِشِ.
26 كْنْ يِ وَشَتِ عَلَ بَرَ عَ شَ تِنشِنيِ مَسٍن عَلَكٌ بِرِن شَ عَ كٌلٌن عَ عَ تِنشِن، عٍ مَن شَ عَ كٌلٌن عَ عَ تَن نَن تِنشِنيِ قِمَ مِشِ مَ نَشَن دَنشَنِيَشِ عِسَ مَ.
27 نَ كُي، مِشِ قَ عَ يّتّ عِفبٌمَ مُنسٍ شَ قٍ رَ؟ قٍقٍ! مُنقٍ رَ؟ مِشِ نْمَ عَ يّتّ مَتْشْدٍ عَ تٌ دِينّ سّرِيّ رَبَتُشِ؟ عَدٍ، بَرِ مَ تِنشِنيِ سْتْمَ دَنشَنِيَ نَن تُن سَابُي رَ.
28 وٌن عَ كٌلٌن عَ دَنشَنِيَ نَن مِشِ مَتِنشِنمَ عَلَ يَ عِ، سّرِيّ شَ كّوَلِيٍ شَ مُ عَ رَ.
29 كَ عَلَ قِندِشِ يُوِقِيٍ فبَنسَن نَن مَرِفِ عَلَ رَ؟ سِ فبّتّيٍ قَن مَرِفِ عَلَ شَ مُ عَ رَ؟ عِيٌ، سِ فبّتّيٍ قَن مَرِفِ عَلَ نَن يَتِ عَ رَ،
30 بَرِ مَ عَلَ كٍرٍن ثٍتِ نَ عَ رَ. عَ تَن نَن مِشِ سُننَشِيٍ مَتِنشِنمَ عَ يَ عِ دَنشَنِيَ سَابُي رَ، عَ مَن تِنشِنيِ قِمَ سُننَتَرٍيٍ قَن مَ نَ دَنشَنِيَ كٍرٍنيِ نَن سَابُي رَ.
31 وٌن قَ نَ مَ دِ؟ وٌن شَ عَ قَلَ عَ عَلَ شَ سّرِيّ تِدٍ مُ نَ وٌن تٌ دَنشَنِيَشِ عِسَ مَ؟ عَستْقُلَهِ! وٌن حَن بَرَ عَلَ شَ سّرِيّ تِدٍ رَ مِنِ.