2
سَلِ سّرِيّ
1 ﭑ مَ مَرَ سِ سِنفٍ نَ يِ نَن نَ؛ وٌ شَ عَلَ مَكُلَ، وٌ شَ عَلَ مَشَندِ، وٌ شَ مِشِيٍ شَ كْنتْقِلِ مَسٍن عَلَ بّ، وٌ شَ عَلَ تَنتُ مِشِ بِرِن شَ قٍ رَ.
2 وٌ شَ نَ رَبَ مَنفّيٍ نُن يَرٍرَتِ بِرِن بّ، عَلَكٌ وٌن شَ لُ بْحّسَ كُي، وٌن مَ دُنِحّءِفِرِ شَ رَشَرَ، وٌن شَ لُ عَلَ شَ كِرَ شْن مَ، وٌن شَ شِلِ قَنيِ سْتْ.
3 نَ نَن قَن، نَ نَن لَنشِ وٌن نَكِسِمَ عَلَ وَشْنقٍ مَ.
4 عَلَ وَ مَ عَدَ مَدِيٍ بِرِن شَ كِسِ، عٍ شَ نْندِ كٌلٌن.
5 عَلَ كٍرٍن نَ عَ رَ. شَرِ سَ قَن كٍرٍن نَن عَ رَ، عَلَ نُن عَدَ مَدِيٍ تَفِ. نَ شَرِ سَ قِندِشِ عَلَ شَ مِشِ سُفَندِشِ عِسَ نَن نَ، نَشَن قِندِ عَدَ مَدِ رَ،
6 عَ قَ عَ يّتّ قِ شُنسَرٍ رَ مِشِ بِرِن بّ. نَ نُ قِندِشِ سٍيدٍحْشْيَ نَن نَ عَلَ نُ وَ مَ عَ شْن مَ تّمُي نَشّ.
7 عَ ﭑ تَن نَن تِشِ كَوَندِلَ، شّيرَ، نُن كَرَ مْشْ رَ سِ فبّتّيٍ بّ دَنشَنِيَ نُن نْندِ شَ قٍ رَ. ﭑ نَ نَ نْندِ نَن قَلَقٍ، وُلٍ مُ عَ رَ.
8 نَ نَن عَ تٌشِ، عَ شْلِ ﭑ مَ عَدَ مَدِيٍ شَ عٍ بّلّشّ سّنِيّنشِيٍ عِتَلَ عَلَ مَشَندِ كُي يِرٍ بِرِن شْنّ نُن سْنشْ مُ نَشَن نَ.
9 ﭑ مَن وَ مَ نّ فِنّيٍ شَ دُفِيٍ نَن سٌ نَشٍيٍ عٍ سُتُرَ مَ. عٍ نَشَ عٍ يّتّ رَشُنمَ شُنسّشّ دّنبّشِ رَ، شّيمَ رَ، فّمّ تٌقَنيِيٍ رَ، شَ نَ مُ عَ رَ دُفِيٍ رَ، نَشٍيٍ سَرٍ شْرْشْ.
10 عَ لَنمَ عٍ شَ عٍ يّتّ رَشُنمَ كّوَلِ قَنيِ نَن نَ، نَشَن لَنمَ فِنّيٍ مَ نَشٍيٍ بِرَ مَ عَلَ قْشْ رَ.
11 فِنّيٍ شَ نُ قٍ شَرَن سَبَرِ نُن مَفٌرٍ كُي.
12 ﭑ مُ عَ لُمَ فِنّيٍ شَ شّمّيٍ شَرَن، شَ نَ مُ عَ رَ عٍ شَ عٍ يَمَرِ. فِنّيٍ شَ لُ سَبَرِ كُي،
13 بَرِ مَ عَدَ مَ نَن سِنفٍ دَا، بٍينُن مَهَوَ شَ دَا.
14 عَدَ مَ شَ مُ مَدَشُ. فِنّ نَن مَدَشُ، عَ قَ قِندِ يُنُبِتْي رَ.
15 كْنْ عَلَ فِنّ رَكِسِمَ عَ شَ دِ بَرِ نَن كُي، شَ عَ لُمَ دَنشَنِيَ، شَنُنتٍيَ، نُن سّنِيّنيِ كُي، عَلْ عَ لَنمَ كِ نَشّ.