5
دَنشَنِيَتْي حّرّ كِ
1 عِ نَشَ وْيّن شْرْشْي قَلَ قٌرِيٍ بّ. عِ شَ عٍ رَلِمَنِيَ عَلْ عِ بَبَ. عِ شَ شّمّ قٌنِكٍيٍ رَلِمَنِيَ عَلْ عِ شُنيَ شّمّمَيٍ.
2 عِ شَ حّلّشّقٌرِيٍ رَلِمَنِيَ عَلْ عِ نفَ. عِ شَ قٌنِكٍ فِنّمَيٍ رَلِمَنِيَ عَلْ عِ مَافِنّيٍ سّنِيّنيِ كُي.
3 عِ شَ كَاحّ فِنّيٍ بِنيَ، نَشٍيٍ نَ عٍ كٍرٍنيِ مَ.
4 شَ كَاحّ فِنّ شَ دِيٍ نَ نَ، شَ نَ مُ عَ رَ عَ شَ مَمَدِيٍ، عٍ تَن شَ عَلَ وَشْنقٍ مَتِنكَن عٍ شَ دٍنبَيَ بّ. دِيٍ بَرِ مِشِيٍ نَشَن نَبَشِ عٍ بّ، عٍ شَ نَ سَرٍ رَفبِلٍن عٍ مَ. عَلَ وَ مَ نَ نَن شْن.
5 كَاحّ فِنّ يَتِ يَتِ، نَشَن لُشِ عَ كٍرٍن، عَ عَ شَشِلِ تِمَ عَلَ نَن نَ. عَ سَلِمَ، عَ عَلَ مَشَندِ مَ تّمُي بِرِن.
6 كْنْ كَاحّ فِنّ نَشَن بِرَ مَ عَ يّتّ وَشْنقٍ قْشْ رَ، عَ تَن بَرَ قَشَ هَلِ عَ حِحّ تٌ عَ رَ.
7 عِ شَ يِ يَامَرِيٍ مَسٍن مِشِيٍ بّ، عَلَكٌ عٍ شَ لُ تِنشِنيِ كُي.
8 مِشِ نَشَن مُ مّينِمَ عَ شَ مِشِيٍ مَ، عَ فبٍنفبٍنيِ عَ شَ دٍنبَيَ مَ، نَ كَنيِ بَرَ دَنشَنِيَ بّحِن. عَ حَاشُ دَنفِقٍ كَاقِرِ رَ.
9 كَاحّ فِنّ نَشَن شِلِ لَنمَ عَ شَ سّبّ كَاحّ فِنّيٍ شِلِيٍ يَ مَ، عَ لَنمَ عَ شَ سِمَيَ شَ دَنفِ حّ تٌنفٌ سٍننِ رَ. عَ شَ عَ لِ عَ نُ دْشْشِ شّمّ كٍرٍن فبَنسَن نَن شْن مَ،
10 عَ نُن مَن عَ كٌلٌنشِ تِنشِنتْي رَ عَ شَ وَلِ قَنيِيٍ شَ قٍ رَ، عَلْ دِ شُرُقٍ، شْحّ رَ سّنّقٍ، سّنِيّنتْييٍ سَنيِ مَشَقٍ، تْورْ مِشِيٍ مَلِقٍ، عَ نُن بِرَقٍ قٍ قَنيِ مْولِ بِرِن قْشْ رَ.
11 كْنْ كَاحّ فِنّ نَشٍيٍ قِندِشِ سُنفبُتُنيِيٍ رَ، عٍ شِلِ نَشَ سّبّ، بَرِ مَ شَ عَ سَ لِ عٍ وَشْنقٍيٍ عٍ رَفبِلٍنمَ نّ عَلَ شَ مِشِ سُفَندِشِ قْشْ رَ، عٍ قَ دْشْ شّمّ تَا،
12 نَ تّمُي عٍ بَرَ يُنُبِ سْتْ، بَرِ مَ عٍ بَرَ عٍ شَ لَايِدِ سِنفٍ كَنَ.
13 بَقٍ نَ رَ، عٍ مَن قِندِ مَ تُننَشْنّيٍ نَن نَ، عٍ نُ قَ لُ عٍ مَحّرّ رَ نَاقِشِيَ رَبَدٍ، عٍ مِشِ مَقَلَمَ، عٍ قٍ قَلَ نَشَن مُ لَنمَ عَ شَ قَلَ.
14 نَ كُي، عَ شْلِ ﭑ مَ كَاحّ فِنّ سُنفبُتُنيِيٍ شَ دْشْ شّمّ تَا، عٍ قَ دِيٍ بَرِ، عٍ مّينِ عٍ شَ دٍنبَيَ مَ، عَلَكٌ وٌن يَشُييٍ نَشَ نْ قٍ حَاشِ قَلَدٍ عٍ شُن مَ.
15 ندٍيٍ حَن بَرَ عٍ كٌبٍ رَ سٌ، عٍ بِرَ سٍنتَنّ قْشْ رَ.
16 شَ دَنشَنِيَتْي فِنّ بَرَ كَاحّ فِنّ ندٍيٍ سْتْ عَ شَ مِشِيٍ يَ مَ، عَ شَ عَ يِفِيَ عَلَكٌ عَ نَشَ قِندِ كٌتٍ رَ دَنشَنِيَتْي حَمَ بّ. نَ كُي، دَنشَنِيَتْي حَمَ نْمَ نّ كَاحّ فِنّيٍ مَلِدٍ نَشٍيٍ نَ عٍ كٍرٍنيِ مَ.
17 دَنشَنِيَتْي حَمَ شَ قٌرِيٍ، نَشٍيٍ قٍيٍ رَحّرّ مَ عَ قَنيِ رَ، عٍ شَ بِنيّ شُنفبٍ سْتْ، عَ فبٍنفبٍنيِ نَشٍيٍ كَوَندِ نُن شَرَنيِ تِمَ.
18 عَ سّبّشِ كِتَابُي كُي، «نِنفٍ نّ مّنفِ تُرُشُنمَ، وٌ مُ لَن وٌ شَ عَ دّ شِرِ.» عَ مَن سّبّشِ، «وَلِكّ شَ عَ وَلِ سَرٍ سْتْ.»
19 عِ نَشَ كَلَمُي رَ مّ دَنشَنِيَتْي حَمَ شَ قٌرِ ندٍ شَ قٍ رَ، شَ سٍيدٍ قِرِن، شَ نَ مُ عَ رَ سَشَن، مُ نَ قٍ تٌشِ.
20 نَشٍيٍ بَرَ يُنُبِ رَبَ، عِ شَ عِ يَشَسٍرِ مَسَ عٍ شَ قٍ رَ، بِرِن يَ شْرِ، عَلَكٌ بٌورٍيٍ قَن شَ فَاشُ.
21 ﭑ بَرَ يِ يَامَرِيٍ قِ عِ مَ، عَلَ، عَ شَ مِشِ سُفَندِشِ عِسَ، نُن مَلٍكّ سُفَندِشِيٍ يَ شْرِ. عِ شَ يِ يَامَرِيٍ رَبَتُ تِنشِنيِ كُي. عِ نَشَ مِشِ يٌ رَقِسَ عَ بٌورٍ بّ.
22 عِ نَشَ فبَتَ مِشِيٍ سُفَندِدٍ، عِ قَ عِ بّلّشّ سَ عٍ مَ، شَ نَ مُ عَ رَ عِ قَن لُمَ نّ عٍ شَ يُنُبِيٍ كُي. عِ شَ لُ سّنِيّنيِ كُي.
23 عِ نَشَ يٍ فبَنسَن شَ مِن. عِ شَ وّنِ ندٍ مِن سٍرِ رَ عِ قُرِ شَ قٍ رَ، بَرِ مَ عِ لُمَ قُرَ رَ.
24 مِشِ ندٍيٍ شَ يُنُبِيٍ مَكّنّنشِ بٍينُن عٍ شَ مَكِيتِدٍ لِ، كْنْ بٌورٍ فبٍيٍ مُ تٌمَ قٌ يَرٍ.
25 وَلِ قَنيِ قَن مَكّنّنمَ نَ كِ نّ، وَلِ حَاشِ مُ نْشُنمَ.