10
عَلَ شَ هِننّ
1 وٌ شَ عَلَتَلَ مَشَندِ حّمّ تّمُي.
عَلَتَلَ قَمَ نّ تُنّ بٍلٍبٍلٍ رَ وٌ بّ،
عَلَكٌ وٌ شَ شّيٍ شَ قَن.
2 كُيٍيٍ وُلٍ قَلَمَ،
سٍمَتٌييٍ مُ نْندِ تٌمَ،
عٍ شِيٍيٍ قَسَرِ مَ وُلٍ رَ،
عٍ شَ مَدُندُي قُقَقُ نَ عَ رَ.
نَ بِرِن بَرَ عَ نِيَ حَمَ شَ لْي عَلْ شُرُ سٍيٍ.
عٍ نَ تْورّ كُي بَرِ مَ شُرُ سٍ دّ مَدٌنيِ مُ نَ عٍ بّ.
3 ﭑ بَرَ شْنْ نَ شُرُ سٍ دّ مَدٌنيِيٍ مَ.
ﭑ عٍ شَ يَرٍرَتِيٍ حَشَنكَتَمَ نّ.
يُدَيَ لُمَ نّ عَلْ مَنفّ عَلَتَلَ شَ شُرُ سٍيٍ،
عَ مّينِمَ نّ عٍ مَ.
عٍ قَمَ نّ بِنيّ سْتْدٍ،
عَلْ سْورِ مَنفّ شَ سٌي.
4 مِشِ ندٍ كٍلِمَ نّ يُدَيَ
نَشَن مِسَالِمَ فّمّ رَ بَنشِ تِشِ نَشَن قَرِ،
نَشَن مِسَالِمَ وُرِ رَ كِرِ بَنشِ شِرِشِ نَشَن نَ،
نَشَن مِسَالِمَ شَلِ فٍرٍ سٌسٍ رَ.
مَنفّ بِرِن قَتَنشِ يُدَيَ بْنسْي نَن نَ.
5 يُدَيَكَيٍ قِندِ مَ نّ سّنبّمَيٍ رَ،
نَشٍيٍ عٍ يَشُييٍ مَبٌرٌنمَ فٍرٍ كُي،
بَرِ مَ عَلَتَلَ نَ عٍ قّ مَ.
عٍ يَشُييٍ شَ سٌي رَفِمَيٍ لُمَ نّ يَافِ كُي.
6 «ﭑ يُدَيَ بْنسْي شُن نَكٍلِمَ نّ،
ﭑ يُسُقُ بْنسْي رَكِسِ،
ﭑ عٍ شَ تَايٍ يَءِلَن،
بَرِ مَ ﭑ بَرَ كِنِكِنِ عٍ مَ.
عٍ قَمَ نّ لُدٍ عَلْ ﭑ مُ عٍ رَبّحِن.
عٍ مَرِفِ عَلَتَلَ نَن ﭑ نَ،
ﭑ عٍ شَ دُبَ سُشُمَ نّ.
7 عٍقِرَ مِ بْنسْي قَن قِندِ مَ نّ سّنبّمَيٍ رَ.
عٍ سّيوَ مَ نّ دَنفِقٍ سِيسِلَيٍ رَ.
عٍ شَ دِيٍ نَ بِرِن تٌمَ نّ، عٍ قَن حّلّشِن.
عٍ بِرِن بْحّ سّيوَ مَ نّ عَلَتَلَ شَ قٍ رَ.
8 ﭑ نَن ﭑ مَ حَمَ مَشِلِمَ نّ،
ﭑ شَ عٍ شُن سَرَ،
عٍ شَ وُيَ دَنفِقٍ سِنفٍ رَ.
9 هَلِ ﭑ تٌ عٍ رَيٍنسٍنشِ سِيٍ يَ مَ،
عٍ عٍ رَتُمَ نّ ﭑ مَ قٍ مَ يِرٍ مَكُيٍ.
عٍ تَن نُن عٍ شَ دِيٍ كِسِمَ نّ،
عٍ مَن قَ فبِلٍن عٍ شْنيِ.
10 ﭑ عٍ رَقَمَ نّ كٍلِقٍ مِسِرَ بْشِ مَ،
ﭑ عٍ مَلَن كٍلِقٍ عَسِرِيَ بْشِ مَ.
ﭑ مَن فَلَدِ نُن لِبَن بْشِ قِمَ نّ عٍ مَ،
كْنْ عٍ كْنتِ دَنفِمَ نّ نَ بِرِن نَ.
11 عٍ شَ تْورّ بَرَ لُ عَلْ بَا مْرْنيِيٍ،
كْنْ عَلَ نَ مْرْنيِيٍ رَفٌرٌ مَ نّ.
نِلِ شُرٍ بَرَ عَ نِيَ عٍ شَ لُ كٌنيِيَ كُي،
كْنْ نَ شُرٍ بَرَ شْرِ.
عَسِرِيَ شَ يّتّ عِفبٌحَ فٌرٌ مَ نّ،
مِسِرَ شَ مَنفّيَ حْن.
12 ﭑ تَن نَن عٍ سّنبّ سٌمَ،
عٍ قَمَ نّ حّرّدٍ ﭑ شِلِ رَ.»
عَلَتَلَ شَ مَسٍنيِ نَن نَ كِ.