8
عَلَ شَ لَايِدِ دَرِ سَلَمُ شَ قٍ رَ
1 مَنفّ عَلَتَلَ شَ مَسٍنيِ نَن يَ؛
2 مَنفّ عَلَتَلَ نَشَ عَ مَسٍن، «ﭑ مُ وَ مَ ﭑ قِرِن ندٍ شْن سِيٌن. ﭑ مَ حَمَ شَ قٍ شْرْشْ ﭑ مَ كِ قَنيِ.»
3 عَلَتَلَ نَشَ عَ مَسٍن، «ﭑ مَن قَمَ نّ سِيٌن، ﭑ شَ لُ وٌ تَفِ دَرِ سَلَمُ. دَرِ سَلَمُ قَمَ نّ شِلِدٍ ‹تَا نْندِلَ.› مَنفّ عَلَتَلَ شَ فٍيَ قَمَ نّ شِلِدٍ ‹فٍيَ سّنِيّنشِ.›»
4 مَنفّ عَلَتَلَ شَ مَسٍنيِ نَن يَ؛ «شّمْشِيٍ نُن حّلّشّقٌرِيٍ مَن لُمَ نّ دَرِ سَلَمُ مَلَن يِرٍ، يِسُشُوُرِ سُشُ عٍ يِ عٍ شَ سِمَيَ شْننَكُيٍ شَ قٍ رَ.
5 دِ مّدِيٍ قَن لُمَ نّ بٍرٍ رَ تَا مَلَندٍيٍ.»
6 مَنفّ عَلَتَلَ شَ مَسٍنيِ نَن يَ، «هَلِ عَ قَ قِندِ تّرّننَ رَ يِ وَشَتِ حَمَ دْنشْي بّ، مَنفّ عَلَتَلَ مُ نْمَ كَابَدٍ نَ قٍ مَ.»
7 مَنفّ عَلَتَلَ شَ مَسٍنيِ نَن يَ، «ﭑ نَن ﭑ مَ حَمَ رَكِسِمَ نّ حَمَنّيٍ مَ نَشٍيٍ كٍلِمَ سٌفٍتٍدٍ نُن سٌفٍفٌرٌدٍ.
8 ﭑ عٍ رَفبِلٍنمَ نّ دَرِ سَلَمُ. عٍ قِندِ مَ نّ ﭑ مَ حَمَ رَ، ﭑ قَن قِندِ عٍ مَرِفِ عَلَ رَ نْندِ نُن تِنشِنيِ كُي.»
9 مَنفّ عَلَتَلَ شَ مَسٍنيِ نَن يَ، «وٌ وٌ سّنبّ سٌ، وٌ تَن نَشٍيٍ نُ بَرَ يِ مَسٍنيِ مّ نَمِحْنمّيٍ سَابُي رَ مَنفّ عَلَتَلَ شَ بَنشِ كْورِن تّمُي نَشّ. وٌ وٌ سّنبّ سٌ عَلَكٌ يِ بَنشِ شَ حْن.
10 بٍينُ نَ وَلِ شَ قْلْ، وَلِ سَرٍ يٌ مُ نُ نَ وَلِكّيٍ بّ. هَلِ نِنفٍيٍ مُ دٌنسٍ سْتْ عٍ شَ وَلِ كُي. وَلِ بِرِن مُ نُ نْمَ سْونّيَدٍ، بَرِ مَ ﭑ نُ بَرَ يَشُيحَ رَ مِنِ مِشِيٍ تَفِ.
11 كْنْ يَكْسِ ﭑ مُ يِ حَمَ دْنشْي تْورْ مَ عَلْ سِنفٍ.» مَنفّ عَلَتَلَ شَ مَسٍنيِ نَن نَ كِ.
12 «بْحّسَ لُمَ نّ بْشِ مَ. وّنِ بِلِيٍ بٌفِمَ نّ، بْشِ دَشَمُي رَ مِنِمَ نّ، تُنّ يٍ قَمَ نّ. ﭑ نَ بِرِن سٌمَ نّ يِ حَمَ دْنشْي يِ رَ عٍ كّ رَ.
13 سِنفٍ يُدَيَ بْنسْي نُن عِسِرَيِلَ بْنسْي قِندِ نّ دَنكّ رَ سِيٍ تَفِ، كْنْ يَكْسِ، ﭑ تٌ وٌ رَكِسِ، وٌ قِندِ مَ نّ عٍ بّ سَابُي رَ عٍ بَرَكّ سْتْ. وٌ نَشَ فَاشُ، وٌ وٌ سّنبّ سٌ.»
14 مَنفّ عَلَتَلَ شَ مَسٍنيِ نَن يَ، «وٌ بٍنبَيٍ تٌ ﭑ نَشْنْ، ﭑ نَشَ نَتّ تٌنفٌ ﭑ شَ وٌ حَشَنكَتَ. ﭑ مُ تِن فبِلٍندٍ نَ نَتّ قْشْ رَ.
15 كْنْ يَكْسِ ﭑ بَرَ نَتّ تٌنفٌ، ﭑ شَ قٍ قَنيِ رَبَ وٌ بّ، دَرِ سَلَمُ نُن يُدَيَ بْنسْي. وٌ نَشَ فَاشُ.
16 وٌ شَ يِ مَسٍنيِ رَبَتُ؛ وٌ شَ نْندِ قَلَ وٌ بٌورٍ بّ، وٌ شَ كِيتِ سَ نْندِ نُن تِنشِنيِ كُي.
17 حَاشُيحَ نَشَ لُ وٌ بْحّ كُي وٌ بٌورٍيٍ مَبِرِ. وٌ نَشَ وٌ كَلِ وُلٍ كُي، بَرِ مَ نَ قٍ مْولِ مُ رَقَن ﭑ مَ.» مَنفّ عَلَتَلَ شَ مَسٍنيِ نَن نَ كِ.
18 مَنفّ عَلَتَلَ شَ مَسٍنيِ نَن يَ،
19 «مَنفّ عَلَتَلَ نَشَ عَ مَسٍن وٌ سُنيِ نَشٍيٍ سُشُمَ كِكٍ نَانِ ندٍ، كِكٍ سُولِ ندٍ، كِكٍ سٌلٌقٍرٍ ندٍ، نُن كِكٍ قُ ندٍ رَ، نٍيٍ شَ قِندِ سَلِ سّيوّ دَاشِيٍ رَ. نْندِ نُن بْحّسَ شَ رَقَن وٌ مَ.»
20 مَنفّ عَلَتَلَ شَ مَسٍنيِ نَن يَ، «مِشِ فبٍفبٍ قَمَ نّ قَدٍ كٍلِقٍ حَمَنّ فبّتّيٍ مَ.
21 مِشِيٍ لُمَ سِفَ رَ يِرٍ فبّتّ عٍ سَ عَ قَلَ مّننِكَيٍ بّ، ‹وٌن شّي مَنفّ عَلَتَلَ مَشَندِدٍ، وٌن بِرِن نَ عَ رَ.›
22 سّنبّمَ وُيَشِيٍ كٍلِقٍ حَمَنّ فبّتّيٍ مَ، عٍ قَمَ نّ مَنفّ عَلَتَلَ قٍندٍ دَرِ سَلَمُ، عٍ عَ مَشَندِ.»
23 مَنفّ عَلَتَلَ شَ مَسٍنيِ نَن يَ، «نَ لْشْييٍ حَمَنّ فبّتّيٍ مِشِ قُ قَمَ نّ كَنكَندٍ يُوِقِ كٍرٍن مَ، عٍ قَ عَ قَلَ عَ بّ، ‹وٌن بِرِن نَ عَ رَ، بَرِ مَ مُشُ بَرَ عَ كٌلٌن عَلَ نَ وٌ قّ مَ.›»