आमोस
ब्रेक्‍ब मुर: आमोस आ नें आ अर्थ “कुरब मुर” बाक्‍ब। एको किताब मेकोमीन ब्रेक्‍शो बाक्‍ब। आमोस ७:८; आमोस ८:१-२
गेना ब्रेक्‍शो: आमोस यहूदा रागी ङा बाक्‍त हना यो, उत्तर रागी, इस्राएल ङा मुर आन कली “होस पा बाक्‍कीन” देंत। परमप्रभु यावेमी मेको कली सोइश्‍शो बाक्‍त। मेकोमी यहूदा ङा पिप उज्‍जीयाह ७९२-७४० बि. सी. नु इस्राएल, उत्तर रागी ङा पिप येरोबाम ७९३-७५३ बि. सी. क्‍येङा ङोंइती ब्रेक्‍शो बाक्‍त। मेको उत्तर रागी रे खेरचा पुंइसे नोले ब्रेक्‍शो बाक्‍ब, दें‍नीम।
मारदे ब्रेक्‍शो: आमोसमी मुर आन मरिम्‍शो पतीके आ पर्बम ब्रेक्‍शो बाक्‍ब। मेना शोंप पाइश्‍शो वोंइश मुर नु मीश मुर आन शुश जचा तूचा, दूली निसाफ पचा नु प्रुङग आन कली दिप्‍चा आ पर्बम ब्रेक्‍शो बाक्‍ब। आमोसमी मेको आन कली हिंचा ङा सजाइ ताइनीम, दे ब्रेक्‍शो बाक्‍ब। मिनु मेको सजाइ मार बाक्‍ब, दे यो ब्रेक्‍शो बाक्‍ब। तन्‍न नोले श्‍येत रे प्रोंइतीक आ पर्बम यो ब्रेक्‍शो बाक्‍ब। आमोस ४:१; ६:४-६ आमोस ७:१-९; आमोस ८:१-१४; आमोस ९:१-६; आमोस ९:७-१५
1
सजाइ ताइब रागी
एको आमोस आ लोव़ बाक्‍ब। आमोस तेकोहा सहरमी बाक्‍ब गोठला आन दाते ङा का बाक्‍त। परमप्रभु यावेमी मेको कली इस्राएल आ पर्बम लोव़ कोंइताक्‍व। मेना यहूदा ङा पिप उज्‍जीयाह नु इस्राएल ङा पिप योआश आ तौ येरोबाम बाक्‍ताक्‍स। एको ख्रिनु कुचा क्‍येङा बर्स निक्‍शी ङोंइती ङा लोव़ बाक्‍ब। आमोस ७:१४; २राजा १५:१; जकरिया १४:५; २राजा १४:२३ मिनु मेकोमी “परमप्रभु यावे सियोन रे ठेयब सेंदा पा ग्री‍ब। मेकोम यरूसलेम रे पा ठेयब सेंदाम लोव़ पाइब। गोठला आन बी ब्‍यफ आन जोतीक रू नेल्‍ल सोव़ब। मिनु कारमेल डांडा आ ङर यो सोव़ब” देंत। येरमीया २५:३०; योएल ४:१६
दमस्‍कस कली सजाइ गेशो
मिनु परमप्रभु यावेमी मार देंत देंशा हना “गो दमस्‍कस आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी गिलाद ङा मुर आन कली फलाम के ख्रुइ पाइश्‍शो दांदेमी दांइ पाम्‍तेक्‍म। यसैया १७:१-३ मोपतीके गो हजाएल आ खिंमी मी सुइक्‍नुङ। मेकोमी बेन-हादाद आ बोल्‍यो दरवार नेल्‍ल खतम पोक्‍ब। गो दमस्‍कस ङा ठेयब लाप्‍चो ङा आग्‍लो जिक्‍नुङ। मिनु आवेन माइश्‍शो दिंमम बाक्‍ब मुर नेल्‍ल आन कली नु बेथ-एदेन ङा पिप कली क्‍याम्‍‍नुङमी। अराम ङा मुर आन कली ग्‍याइक्‍पाइश्‍शा कीर सहरमी लाइक्‍पाइक्‍नुङमी” दे परमप्रभु यावेमी देंत। २राजा १६:९
गाजा कली सजाइ गेशो
मिनु परमप्रभु यावेमी “गो गाजा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली ग्‍याइश्‍शा लाइश्‍शा एदोम आ गुइमी लेयतु। २इतिहास २१:१६-१७; २इतिहास २८:१८; येरमीया ४७:१ मोपतीके गो गाजा ङा गारोम मी सुइक्‍नुङ। मेकोमी मेको आ बोल्‍यो दरवार खतम पोक्‍ब। गो अश्‍दोद सहरम बाक्‍ब मुर आन कली नु अश्‍कलोन ङा पिप कली क्‍याम्‍‍नुङमी। गो एक्रोन कली युक्‍नुङ। मिनु लीशो पलिस्‍ती नेल्‍ल जाम्‍शा लाइनीम” दे परमप्रभु यावेमी देंत।
टायर कली सजाइ गेशो
मिनु परमप्रभु यावेमी “गो टायर आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शुश मुर आन कली एदोम आ गुइमी गेप्‍तु। मिनु आंम लोक्‍ब आन दातेम पशो कबल प्रेंताक्‍व। यसैया २३:-; योएल ४:४; १राजा ५:२६ 10 मोपतीके गो टायर ङा गारोम मी सुइक्‍नुङ। मिनु मेकोमी मेको आ बोल्‍यो दरवार खतम पोक्‍ब” दे परमप्रभु यावेमी देंत।
एदोम कली सजाइ गेशो
11 मिनु परमप्रभु यावेम “गो एदोम आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोमी शिशी मपथु, आ लोक्‍ब आन कली तरवार शेशा, खेदा पाप्‍तु। मेको आ गाइश्‍शो गेना हना यो लीशा, ईख कुरशा बाक्‍त। ओबदिया १०:-; ब्‍यवस्‍था २३:८; येरमीया ४९:७ 12 मोपतीके गो तेमानम मी सुइक्‍नुङ। मेकोमी बोज्रा ङा बोल्‍यो दरवार खतम पोक्‍ब” दे परमप्रभु यावेमी देंत।
अम्‍मोन कली सजाइ गेशो
13 मिनु परमप्रभु यावेमी “गो अम्‍मोन आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीम गिलाद ङा आल कुरशो मीश मुर आन कोव़ज तरवारम चेत्‍तेक्‍म। मेको आन रागी ठेयब सेल्‍चा कली मो पाम्‍तेक्‍म। येरमीया ४९:१-६ 14 मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम। 15 मेकेर ङा पिप नु मेको आ ठेयब गेय पाइब मुर नेल्‍ल ग्‍याइश्‍शा लाइक्‍चा पुंइसीनीम” दे परमप्रभु यावेमी देंत।