12
मचाप्‍ब सक्ति पाइश्‍शा दुम्‍शो
नें बोरपाइक्‍तीक लोव़ शोर गाक्‍शो बाक्‍त हना यो, गो आं नें बोरपा लोव़ पचा मप्रोंइनुङ। मारदे हना प्रभुमी छेङछेङ पा तपांइसीशा तुइक्‍पाइक्‍ती, दे मुल सम्‍म इन मतुइश्‍शो लोव़ तुइक्‍पाइक्‍नन्‍नी। गो ख्रीस्‍त आ मुर का कली तुइक्‍नुङ। १४ बर्स ङोंइती मेको स्‍वर्गम लाइक्‍चा पुंइसाक्‍व। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब। मिनु गो मेको मुर परमप्रभु यावे आ बाक्‍तीके लाइक्‍चा पुंइसाक्‍व, दे तुइक्‍नुङ। रांम बाक्‍म, कों मबाक्‍म, गो मतुइक्‍नुङ। परमप्रभु यावेमी ला तुइक्‍ब। मिनु मेको मुरुमी ख्रुइश्‍शो लोव़ नेंतु। मेको लोव़ मुरुम देंचा मदुम्‍ब। मेको मुर आ पर्बम आं नें बोरपाइक्‍नुङ। आं पर्बम चहिं आं नें मबोरपाइक्‍नुङ। तन्‍न गो आं मचाप्‍शो आ पर्बम आं नें बोरपाइक्‍नुङ। २कोरिन्‍थी ११:३० मारेइ पने मचाप्‍ब दुम्‍तीके आं नें बोरपाइक्‍नुङ देंशोमी निप्‍स ग्राइश्‍शो लोव़ पाइब मदुम्‍नुङ। मारदे हना गो थमा लोव़ पाइनुङ। मारदे हना मुरपुकीमी आं कली तशा, आं लोव़ नेंशा आं पर्बम मार मिम्‍चा माल्‍बा, दे आंमा तुइक्‍तमेक्‍ल, दे मिम्‍शा बाक्‍नुङ। २कोरिन्‍थी १०:८ गो शुश कोंइतीके तशा, मेको आ पर्बम ठेयब लेश्‍शा, नें मबोरपदुल, दे सैतान आ चू आं रांम गेती। मेको आं कली श्‍येत गेचा कली नु आं ठेयब लेत्‍तीक तेक्‍चा कली बाक्‍ब। खेयप सां गो प्रभु कली “मोदेंशो चू रे प्रोंइयीनी” दे पुंइता। तन्‍न मेकोमी आं कली “आं शिशी इ कली गारब। मारदे हना मचाप्‍ब मुर आगाम आं सक्ति नेल्‍ल क्‍येङा ठीक बाक्‍ब” देंत। मोपा तुइक्‍तु रे ख्रीस्‍त आ सक्ति गो नु बाक्‍शो तांइसेक्‍ल, दे गो मारेइ पने मचाप्‍ब दुम्‍शोमी, थाम्‍पा ग्‍येरसीशा आं नें बोरपाइक्‍नुङ। 10 मोपतीके ख्रीस्‍त आ सक्ति तांइसेक्‍ल, दे मारेइ पने मचाप्‍ब दुम्‍ती हना यो, शुक्‍शी लोव़ पाइक्‍चा पुंइसाक्‍यी हना यो, जचा फेक्‍चा मारेइम मजाक्‍दीत्‍ती हना यो, खेदा पचा पुंइसाक्‍यी हना यो नु दोदेंब श्‍येत गेचा पुंइसाक्‍यी हना यो, आं थुं नाइश्‍शा हेम्‍म पा बाक्‍नुङ। मारदे हना गो मारेइ पने मचाप्‍ब दुम्‍ङानु, सक्ति पाइश्‍शो बाक्‍नुङ, दे रुप्‍ता। फिलिप्‍पी ४:१३
थमा सुइक्‍ब आन कली शेंशो
11 गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५ 12 ख्रीस्‍त आ सोइश्‍शोन बाक्‍माक्‍त, दे कोंइचा कली गेपुकी नु बाक्‍ङानु, चिन्‍ड नु छक लाक्‍चा ङा गेय कोव़चा ताइतीनी। रोमी १५:१९; हिब्रू २:४ 13 तेइ तेइ येसु आ नेंमी खुम्‍सीशा बाक्‍ब आन कली मारेइ मारेइ शेंशा, मारेइ मारेइ पशा कोंइशो खोदेंशो पा इन कली यो पशा कोंइताक्‍न्‍नी। मिनु मार लीम ङा? लोव़ का चहिं मार लीत देंशा हना, गेपुकी नु गो मारेइ मताक्‍गु। आं मताक्‍शोमी माफ गेयीनी। २कोरिन्‍थी ११:७-९ 14 मुल इन कली ग्रुम्‍थ पिङानु, खेयप सां दुम्‍ब। गो इन कली श्‍येत मगेनुङ। इन बाक्‍शो मारेइ मताक्‍नुङ। तन्‍न इन कली माल्‍नुङ। मारदे हना आलपुकीम आंम आफ कली शोंप मउप्‍नीम। तन्‍न आम आफोमी आन आल आ पर्बम शोंप उप्‍नीमी। 15 गो दोपा इन कली वारच पा रिम्‍शो थुं सेल्‍चा कली ग्‍येरसीशा, आं थुं गेनन्‍नी, मोपा इन कली दाक्‍चा ङा गेय पाता। मिनु गो चहिं इच्‍का ला दाक्‍चा पुंइसीनुङा ङा? फिलिप्‍पी २:१७ 16 इन मुर का निक्‍शीमी मार देंतेक्‍म देंशा हना “मारेइ मताक्‍नुङ देंशा, जोल पा शुश ताक्‍बाक्‍त” देंतेक्‍म। 17 मार, आं सोइश्‍शो आन गुइ रे गो मारेइ ताक्‍गु ङा? मार ताक्‍शा, इन कली श्‍येत गेमे ङा? 18 गो तीतस कली कोरिन्‍थी आन कली ग्रुम्‍थ लावो, दे सोइक्‍ताक्‍ङ। तीतस नु लोक्‍ब का यो सोइक्‍ताक्‍ङ। मिनु तीतसमी गेपुकी नु मारेइ ताक्‍गा ङा? आंस सोक्‍त का पा गेय मपस्‍कु ङा? २कोरिन्‍थी ८६,१६-१८
19 “पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क। 20 मुल ग्रुम्‍यानु, मार दुम्‍बा, दो दुम्‍ब, दे थुं ग्‍येत्‍थ लुक्‍च पा बाक्‍नुङ। मारदे हना ग्रुम्‍यानु, आं दाक्‍शो खोदेंशो मपाइनीनी कों, गो यो इन दाक्‍शो खोदेंशो मपाइनुङा कों? मिनु मगारथु, जिचा बोक्‍शा, गेहे पमुशा, गाइश्‍शा, आंम कली ठेयब सेल्‍मुशा, शुक्‍शी पमुशा, मुर आन पर्बम मरिम्‍शो लोव़ पा नोफा मुइक्‍मुशा, ठेयब लेश्‍शा, खडङ मडङ दुम्‍नया कों? २कोरिन्‍थी १०:२ 21 गो लेश्‍शा जाक्‍ङानु, परमप्रभु यावेमी आं कली आइक्‍च सेल्‍बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्‍ब आन पर्बम सुर्ता पचा माल्‍नुङा कों? ङोंइती मेकोपुकीमी ग्रांग्रा दिचा ङा, तेल्‍लेम नु हेंथे गेय पाम्‍तेक्‍म। २कोरिन्‍थी १३:२