30
परमप्रभु यावे गे लेत्चा
1 मिनु गो इन कली देंशो लोव़, दोपा आसीक राइनीनी नु दोपा सराप राइनीनी, गे मेको नोले आंमा तशो, परमप्रभु यावे, इन परमप्रभुमी इन कली रागी रागी ङा मुर आन दाते रे खेरा नु ला तुइक्नीनी। ब्यवस्था २८:-
2 मिनु गो मुलाक्ती इन कली अरेशो खोदेंशो पा गे नु इन तमी तौ इन थुं नु सोक्त नेल्लेमी परमप्रभु यावे, इन परमप्रभु गे लेश्शा टिचा दाक्तीनी हना, ब्यवस्था ४:३०; लेवी २६:४०
3 मेना परमप्रभु यावे, इन परमप्रभुमी इन रिम्शो नाक्ती लेप्पाइक्ब। मिनु परमप्रभु यावे, इन परमप्रभुमी इन कली शिशी पाइश्शा, जात जात ङा मुर आन दातेमी ब्रपाइक्तीके रे खुप्शा चाक्ब। इजीकीएल १६:५३; येरमीया २९:१४; आमोस ९:१४; येरमीया ३२:३७
4 मिनु गे शुश ङोन रागी सम्म खेरचा पुंइसाक्नी हना यो परमप्रभु यावे, इन परमप्रभुमी इन कली खुप्शा एक चाक्ब। ब्यवस्था २८:६४; नेहेम्याह १:९
5 मिनु परमप्रभु यावे, इन परमप्रभुमी इन कली इन किकी पिपी आन रागीमी चाक्ब। मेको रागी इन के बाक्ब। मिनु मेकोमी इन कली इन किकी पिपी क्येङा शुश नु रिम्शो सेल्ब।
6 मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्तीक चिनु खोदेंशो पा ख्रोइक्ब। मोपा ला गे परमप्रभु यावे, इन परमप्रभु कली इन थुं नु सोक्त नेल्लेमी दाक्शा, ब्रोंइने चाप्नीनी। ब्यवस्था १०:१६; येरमीया ४:४; इजीकीएल ११:१९; रोमी २:२९
7 मिनु परमप्रभु यावे, इन परमप्रभुमी मेको सराप नेल्ल इन कली खेदा पाइब, इन कली गेहे पाइब जोरी सत्रु आन कली रपाइक्ब।
8 मुलाक्ती गो इन कली माइश्शो गे लेश्शा परमप्रभु यावे आ शेंशो नेल्ल टीनीनी।
9 मिनु परमप्रभु यावे, इन परमप्रभुमी इन पतीके नेल्लेमी इन कली आसीक गेब। मेकोमी इन कली शुश तमी तौ, बी ब्यफ, क्यारश भेडा नु इन रू ङा अन्न शुश सेल्ब। मारदे हना परमप्रभु यावेमी इन किकी पिपी आन कली रिम्शो पशो खोदेंशो पा इन कली यो रिम्शो पचा दाक्ब।
10 गेपुकीम परमप्रभु यावे, इन परमप्रभु आ देंशो टीतीनी हना, आ शेंशो, आ फुल्लुम मुशा ब्रेक्शो लोव़ नु मेको अरेशो लोव़ ङा किताबम ब्रेक्शो लोव़ पाइतीनी हना, गे इन थुं नु सोक्त नेल्लेमी परमप्रभु यावे, इन परमप्रभु गे लेत्तीनी हना, गे लेंशा आसीक राइनीनी।
परमप्रभु आ लोव़ इन नेक्था बाक्शो
11 मिनु गो मुलाक्त इन कली माइश्शो परमप्रभु यावे आ शेंशो मरुप्चा ङा नु इन पने मचाप्चा ङा मबाक्ब। मेको इन नेक्था बाक्ब।
12 मेको लोव़ इर सरीङमी मबाक्ब। मिनु गेपुकीमी “सु सरीङ लशा मेको लोव़ आंइ कली चाक्बा? मिनु मेको नेंशा, पाइनीकी” देंचा ममाल्नीनी। रोमी १०:६-८
13 मिनु मेको समुन्द्र आ आइक्ची हांबु यो मबाक्ब। गेपुकीमी “सुम आंइ कली समुन्द्र आइक्ची हांबु मेको ब्रथ लाइबा? मिनु मेको नेंशा, पाइनीकी” देंचा ममाल्नीनी।
14 मेको अरेशो लोव़ इन नेक्था बाक्ब। गे मेको आ पर्बम लोव़ पाइनीनी। मिनु मेको पचा कली इन थुंमी बाक्ब।
ब्रोंइचा नु बेक्चा
15 मिनु मुलाक्ती गो ब्रोंइतीक नु रिम्शो दुम्तीक, बेक्तीक नु मरिम्शो दुम्तीक इन कली कोंइशो बाक्नुङ। ब्यवस्था ११:२६
16 मिनु गोम मुलाक्त इन कली माइश्शो परमप्रभु यावे आ शेंशो, आ फुल्लुम मुशा ब्रेक्शो लोव़ नु आ निसाफ पतीक लोव़ टीतीनी हना, परमप्रभु यावे, इन परमप्रभु कली दाक्ताक्नी हना, मेको आ लां गाक्तीनी हना, गे ब्रोंइशा, सोशा बोशा, शुश दुम्शा बाक्नीनी। मिनु परमप्रभु यावे, इन परमप्रभुमी इन ओव़चा चिक्शो रागीमी आसीक गेब।
17 तन्न गे इन थुं हिरशा मटीब दुम्तीनी हना, नु देवी देवता आन ङोंइती बाप्शा, गेय पाइतीनी हना,
18 गो इन कली मुलाक्ती “गेपुकी थमा पा बेक्नीनी। मिनु यर्दन आइक्ची हांबु इन के सेल्शो रागीमी गे शुश नाक्ती मब्रोंइनीनी” देंनुङ। ब्यवस्था ८:१९
19 गो मुलाक्ती सरीङ नु रागी कली इन ङोंइती सांकछी वोइक्नुङ। गो इन कली ब्रोंइचा नु बेक्चा, आसीक नु सराप इन कली कोंइताक्ङ। गे नु इन चच युइ ब्रोंइतीक योव़ङीन। ब्यवस्था ४:२६
20 परमप्रभु यावे, इन परमप्रभु कली दाक्तीन। आ देंशो टिने। मेको कली मप्रोंइथु बाक्कीन। मारदे हना मेकोम इन कली ब्रोंइचा नु शुश नाक्ती बाक्चा गेब। मिनु गेपुकी परमप्रभु यावेमी इन किकी पिपी अब्राहाम, इसहाक नु याकूब आन कली कसम जशा गेशो रागीम बाक्ने चाप्नीनी।