33
मोसामी आसीक गेशो
उत्‍पत्ती ४९:-
परमप्रभु आ मुर, मोसामी आ बेक्‍चा क्‍येङा ङोंइती इस्राएली आन कली मार आसीक गेप्‍तु देंशा हना “परमप्रभु यावे सीनै रे जाक्‍शो बाक्‍ब। मेको सेइर रे पा आंइ ङोंइती ग्रूत। मेको पारान डांडा रे पा टल्‍केसाक्‍व। मेको नु लाख लाख आ मुर बाक्‍तेक्‍म। आ ग्‍युरा गे आंम मुर ङा ठेयब हुल बाक्‍तेक्‍म। न्‍यायाधीस ५:४ थमा पा, मुर आन दातेमी आ मुर शुश दाक्‍शो मुर बाक्‍नीम। गे इन मुर नेल्‍ल आन कली कोव़ब बाक्‍तीनी। मेकोपुकी इन खोइल आ नेक्‍था गाक्‍शो बाक्‍तेक्‍म। इन देंशो नेल्‍ल पाम्‍तेक्‍म। मोसामी आंइ कली इन अरेशो लोव़ ‘पचा माल्‍नीनी’ दे माइक्‍तु। मेको अरेशो लोव़ याकूब आ जात ङा मुर नेल्‍ल आन के दुम्‍त। मिनु येशुरुन पिप का दुम्‍त। मुर आन ठेयब मुरपुकी बुक्‍तेक्‍म। मिनु इस्राएल आन थर थर नेल्‍ल ग्रुम्‍तेक्‍म। येशुरुन याकूब-इस्राएल कली मान पतीक नें बाक्‍ब।प्रस्‍थान १५:१८; ब्‍यवस्‍था ३२:१५; प्रस्‍थान १९:७
रूबेन आ मुर शुश मदुम्‍तेक्‍म हना यो, ब्रोंइशा बाक्‍ल, मबेक्‍ल” देंत।
मिनु यहूदा आ पर्बम मार देंशो बाक्‍त, देंशा हना “परमप्रभु यावे, यहूदा आ लोव़ नेनीन। मेको कली आ मुर आन बाक्‍तीक चाक्‍कीन। मेको कली सक्ति गेने। मेको आ जोरी सत्रु आन पर्बम मेको कली वारच पतीन” देंत। मिनु लेवी आ पर्बम मार देंशो बाक्‍त, देंशा हना “गे लेवी कली इन थुम्‍मीम गेने। इन ऊरीम इन थमा सुइक्‍चा ङा गेय पाइब कली गेने। गे मेको कली मास्‍साहम नाक्‍ताक्‍नी। गे मेरीबा ङा ब्‍वाक्‍कुम मेको नु जीतीनी” देंत। प्रस्‍थान २८:३०; १सामुएल १४:४१; प्रस्‍थान १७:२,७; भजन संग्रह ९५:८ मेकोमी आ आम आफ आस पर्बम “गो मेको आस कली ममिम्‍नुङ। मेकोमी आं खिं ङा मुर आन कली प्रोंइतु। आ तौ आन कली मतुइक्‍त। मारदे हना मेकोमी इन लोव़ टिप्‍तु। मिनु गे नु कबल पशो बाक्‍त। प्रस्‍थान ३२:२७-२९; मत्ती १०:३७ 10 मेकोपुकीमी याकूब कली इन पतीके लोव़ नु इस्राएली आन कली इन अरेशो लोव़ शेंनीम। मेकोपुकीमी इन ङोंइती धूप चोइनीम। इन कली इन चढ़ेतीके तार नेल्‍ल चोशा चढ़ेतीके चढ़ेनीम। 11 परमप्रभु यावे, गे मेको कली आसीक गेने। मेको आन गेय ताक्‍कीन। मेको कली काइ मदाक्‍ब आन कली नु आ जोरी सत्रु आन कली लेंशा मबोक्‍चा ङा पा खतम सेलीन” देंत।
12 मिनु बेन्‍यामीन आ पर्बम मार देंशो बाक्‍त, देंशा हना “परमप्रभु यावे आ दाक्‍शो महिंचा ङा पा नाइक्‍ब। नेल्‍ल क्‍येङा ठेयबमी मेको कली नाक्‍त रे कोव़ब। मेको आ दाक्‍शो मुर आ बला आस दातेम नाइक्‍ब” देंत। 13 मिनु योसेफ आ पर्बमी मार देंशो बाक्‍त, देंशा हना “परमप्रभु यावे आ रू आन कली आसीक गेवल। मेकोमी इर सरीङ नु उइ रागी ङा नेल्‍ल क्‍येङा रिम्‍शो तवल। उत्‍पत्ती ४९:२५ 14 नांम सिश्‍शो फल फुल तवल। महिना महिना ङा रिम्‍शो फल फुल तवल। 15 माइत पहाड ङा नेल्‍ल क्‍येङा रिम्‍शो अन्‍न नु गेना हना यो लीब डांडा ङा शुश बाली नाली तवल। 16 मेको रू ङा नेल्‍ल क्‍येङा रिम्‍शो सिश्‍शो शुश तवल। मिनु सीनै डांडाम बाक्‍ब आ दाक्‍शो तवल। मिनु मेको आसीक योसेफ आ पिया तार दुम्‍ल। प्रस्‍थान ३:२-४; उत्‍पत्ती ४९:२६ 17 मेको आ लोक्‍ब आन दाते ङा नेल्‍ल क्‍येङा ठेयब मुर, योसेफ आ पिया तार दुम्‍ल। मेको ङोंइती जरमेशो बाछा खोदेंशो बाक्‍ब। मेको ताइब बाक्‍ब। मेको आ ग्रोव़ ब्‍वाकी ङा ब्‍यफ आ ग्रोव़ खोदेंशो बाक्‍ब। मेकोमी जात जात ङा मुर आन कली खेरशा, रागी आ सुर सम्‍म नेप्‍ब। मेकोपुकी एफ्राइम आ लाख लाख ङा मुर नु मनस्‍से आ हजार हजार ङा मुर बाक्‍नीम” देंत। उत्‍पत्ती ४६:२०
18 मिनु जबूलून आ पर्बम मार देंशो बाक्‍त, देंशा हना “जबूलून, लाङगा लशा ग्‍येरसो। मिनु इस्‍साकार इ ताम्‍बुम बाक्‍शा ग्‍येरसो। 19 मेकोपुकीमी जात जात ङा मुर आन कली डांडाम ब्रेत्‍नीम। मेकेर ठीक दुम्‍शो चढ़ेतीक चढ़ेनीम। मारदे हना मेकोपुकीमी समुन्‍द्र ङा शोंप नु बाल्‍वाम ख्रुइश्‍शो शोंप जाइ‍नीम” देंत।
20 मिनु गाद आ पर्बम मार देंशो बाक्‍त, देंशा हना “गाद कली सोशो बोशो दुम्‍शा ग्‍येरसो। गाद गुप्‍स खोदेंशो पा बाप्‍शा बाक्‍ब। मेकोमी गुइ नु पिया रेप्‍ब। 21 मेकोमी आंम कली नेल्‍ल क्‍येङा रिम्‍शो रागी योव़तु। मारदे हना मेको कली कप्‍तान आ भाग वोइश्‍शो बाक्‍त। मेको नेल्‍ल इस्राएली आन ङोंइती गाक्‍त। परमप्रभु यावेमी देंशो ठीक पतीके पाप्‍तु” देंत। गन्‍ती ३२:२९-३२
22 दान आ पर्बम मार देंशो बाक्‍त, देंशा हना “दान बाशान रे प्रेक्‍शा, जाक्‍ब, गुप्‍स आ चाइक्‍ब बाक्‍ब” देंत।
23 मिनु नाप्‍ताली आ पर्बम मार देंशो बाक्‍त, देंशा हना “नाप्‍ताली, गे परमप्रभु यावे आ दाक्‍शो, आसीक ताइब बाक्‍नेवे। गे पच्‍छिम नु दक्‍खिन इ के सेलो” देंत।
24 मिनु आशेर आ पर्बम मार देंशो बाक्‍त, देंशा हना “मुर आन दातेमी नेल्‍ल क्‍येङा आसीक राइब आशेर बाक्‍ब। मेको आ लोक्‍बपुकीमी मेको कली दाक्‍तमेक्‍ल। मेको आ खोइल तेलम चिक्‍सेक्‍ल। 25 इ आग्‍लोपुकी फलाम नु कांसा के बाक्‍नीम। इ नाक्‍त दोदेंशो बाक्‍मे इ सक्ति यो मोदेंशोन बाक्‍ल” देंत।
26 मिनु “येशुरुन आ परमप्रभु खोदेंशो सुइ मबाक्‍ब। मेको इ कली वारच पाइक्‍चा कली स्‍वर्ग रे पीब। मेको सरीङ मेर रे मान पचा पुंइसीशा पीब। येशुरुन याकूब-इस्राएल कली मान पतीक नें बाक्‍ब। आ अर्थ ठीक पाइब बाक्‍ब।ब्‍यवस्‍था ३२:१५ 27 साइ नेसी ङा परमप्रभु ख्रुइश्‍शा बाक्‍तीक बाक्‍ब। इन ङोंइती इन जोरी सत्रु आन हुल कली खेरतु। मिनु मेको आन पर्बम खतम सेलीन, देंत। 28 मोपतीके इस्राएली मारेइ मदुम्‍थु, रिम्‍शो पा बाक्‍ब। याकूब आ बाक्‍तीकेमी श्‍येत मजाइनीम। मेको अन्‍न नु अङगुर आ रागीमी सीत यीब। लेवी २५:१८; १राजा ५:५; भजन संग्रह ६८:२७-२८; यसैया ५१:१-२; उत्‍पत्ती २७:२८ 29 गे इस्राएली, ग्‍येरसीने। परमप्रभु यावेमी प्रोंइचा पुंइसीशो इन खोदेंशो जात सु बाक्‍बा? परमप्रभु यावे इन कली वारच पाइब नु तेक्‍तीक बाक्‍ब। मेको इन ग्रातीक तरवार बाक्‍ब। इन जोरी सत्रु इन ङोंइती बाप्‍नीम। मिनु गे मेको आन चीमी थेक्‍शा गाक्‍नीनी” दे आसीक गेशा, देंत। ब्‍यवस्‍था ४:७-८; भजन संग्रह ३३:१२; भजन संग्रह १४४:१५