3
मारेइ मारेइ आन पतीक ना बाक्‍ब
मारेइ मारेइ के पतीक ना बाक्‍ब। रागीमी मारेइ मारेइ आन के पतीक ना बाक्‍ब। उपदेसक ८:६; भजन संग्रह ३१:१६ जरमेतीक ना बाक्‍ब। मिनु बेक्‍तीक ना बाक्‍ब। ख्रुम्‍तीक ना बाक्‍ब। मिनु तुल्‍तीक ना बाक्‍ब। साइक्‍तीक ना बाक्‍ब। मिनु सापाइक्‍तीक ना बाक्‍ब। प्रेत्‍तीक ना बाक्‍ब। मिनु सेल्‍तीक ना बाक्‍ब। ङाक्‍तीक ना बाक्‍ब। मिनु रित्‍तीक ना बाक्‍ब। रोंका पतीक ना बाक्‍ब। मिनु सिल पतीक ना बाक्‍ब। फुल्‍लु फ्रतीक ना बाक्‍ब। मिनु मेको खुप्‍तीक ना बाक्‍ब। मुप्‍तीक ना बाक्‍ब। मिनु ममुप्‍तीक ना बाक्‍ब। माल्‍तीक ना बाक्‍ब। मिनु साम्‍तीक ना बाक्‍ब। वोइक्‍तीक ना बाक्‍ब। मिनु ताइक्‍तीक ना बाक्‍ब। खाक्‍तीक ना बाक्‍ब। मिनु फेरतीक ना बाक्‍ब। सिक्‍सी पा बाक्‍तीक ना बाक्‍ब। मिनु लोव़ पतीक ना बाक्‍ब। दाक्‍तीक ना बाक्‍ब। मिनु मदाक्‍तीक ना बाक्‍ब। लडाइ पतीक ना बाक्‍ब। मिनु दुशा बाक्‍तीक ना बाक्‍ब।
गेय पाइबमी आन श्‍येत पा गेय पशो रे मार ताइनीमी ङा? 10 परमप्रभुमी मुर नेल्‍ल आन कली श्‍येत ङा गेय गेप्‍तु। गो मुर मेको गेय पस ङा पस तातामी। 11 मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७ 12 मुर ब्रोंइमा सम्‍म ग्‍येरशा नु रिम्‍शो पा बाक्‍चा माल्‍नीम। मेको क्‍येङा रिम्‍शो अरु मारेइ यो मबाक्‍ब, दे तुइक्‍नुङ। उपदेसक २:२४ 13 परमप्रभु आ दाक्‍शो मार बाक्‍ब देंशा हना, मुर नेल्‍लेमी जशा, तूशा आन गेयम ग्‍येरशा बाक्‍मल, देंशो बाक्‍ब। 14 परमप्रभुमी मार पाइबा, मेको गेना हना यो लीब, दे गो तुइश्‍शो बाक्‍नुङ। मेकेर मारेइ तेम्‍ने नु ग्रुंइने मचाम्‍सीब। मुर नेल्‍लेमी परमप्रभु कली हिंशा मान पामेक्‍ल, दे मोदेंशो पाप्‍तु। 15 मार बाक्‍मे, मेको ङोंइती रेन बाक्‍त। मेको मुल दुम्‍ब ङोंइती रेन बाक्‍त। मिनु परमप्रभुमी ङोंइती दुम्‍शो लेंशा दुम्‍पाइक्‍ब।
रागी ङा ठीक निसाफ पतीके
16 मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त। 17 गो आं थुंमी “परमप्रभुमी ठीक पाइब नु आ अरेशो लोव़ मटीब निम्‍फा आस कली निसाफ पाइब। मारदे हना मेकोमी मारेइ मारेइ नेल्‍ल कली नु गेय नेल्‍ल कली आ पतीक ना सेल्‍तु। उपदेसक १२:१४ 18 गो आं थुंमी मुरपुकी बस्‍तु भाव खोदेंशो नकी, दे तुइक्‍तमेक्‍ल, दे परमप्रभुमी मेको आन कली नाक्‍शा कोव़ब” दे यो मिम्‍ताक्‍ङ। 19 मुर नु बस्‍तु भाव आन लां खाल का ङा बाक्‍ब। मेको खाल का ङा पा बेक्‍नीम। का दोपा बेक्‍बा, अर्को यो मोपान बेक्‍ब। मेको नेल्‍ल खाल का ङा पा सोक्‍त कीनीम। मुर आन ततीके बस्‍तु भाव आन क्‍येङा रिम्‍शो मबाक्‍ब। मारदे हना नेल्‍ल जाम्‍शा लाइब बाक्‍नीम। भजन संग्रह ४९:१३,२१ 20 मेको नेल्‍ल बेक्‍‍नीम। मारदे हना मेको नेल्‍ल खप रे दुम्‍शो नम। मोपतीके मेको नेल्‍ल लेंशा खप दुम्‍नीम। 21 मिनु मुर आन सोक्‍त चहिं ग्‍येत्‍थ नु बस्‍तु भाव आन सोक्‍त चहिं खप लुक्‍च लाइब, दे सुम तुइश्‍शो बाक्‍बा ङा? 22 मोपतीके मुर नेल्‍ले आंम गेयमी ग्‍येरसीशा बाक्‍कीन। मेको नेल्‍ल क्‍‍येङा रिम्‍शो बाक्‍ब। मारदे हना मुरुमी आ नोले मार दुम्‍बा, दोपा तुइक्‍ने चाप्‍बा ङा?