13
इस्राएल ङा पिप येहो-अहाज
येहू आ तौ येहो-अहाज सामरीयाम इस्राएल ङा पिप दुम्‍माक्‍त। मेना यहूदा ङा पिप अहाज्‍याह आ तौ योआशम सासन पशो २३ बर्स दुम्‍शो बाक्‍माक्‍त। मिनु येहो-अहाजम १७ बर्स सासन पवा बाक्‍त। २राजा १०:३५ मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त। १राजा १२:२८-३० मोपतीके परमप्रभु यावेमी इस्राएली आन कली तशा गाइक्‍ता बाक्‍त। मिनु मेकोमी मेको आन कली शुश खेयप अराम ङा पिप हजाएल नु मेको आ तौ बेन-हादाद आस गुइमी गेमी बाक्‍त। २राजा १०:३२ तन्‍न येहो-अहाजमी परमप्रभु यावे कली पुना बाक्‍त। मिनु परमप्रभु यावेम मेको आ पुंइशो नेना बाक्‍त। मारदे हना अराम ङा पिपमी इस्राएली आन कली दिप्‍शा श्‍येत गेशो तवा बाक्‍त। उत्‍पत्ती १६:१३ मिनु परमप्रभु यावेमी इस्राएली आन कली प्रोंइब का योव़ङा बाक्‍त। मिनु मेकोपुकी अरामी आन गुइ रे ब्रोंइमा बाक्‍त। मिनु इस्राएली ङोंइती ङा खोदेंशो पा आन आन खिंम बाक्‍चा तामे बाक्‍त। २राजा १४:२७ तन्‍न मेकोपुकीमी इस्राएली आन कली पाप पपाइक्‍ब येरोबाम आ पाप पतीके मप्रोंइथु, पना पन बाक्‍मा बाक्‍त। मिनु मूर्ति पाइश्‍शो थाम यो सामरीयाम बाक्‍स ङा बाक्‍स दुम्‍माक्‍त। १राजा १६:३३ येहो-अहाज के ५० जना शारा ङोइक्‍ब, १० ओटा बग्‍गी नु १० हजार खोइलीम गाक्‍ब लडाइ पाइब ङा लाक्‍शा अर्को मारेइ मलीशो बाक्‍माक्‍त। मारदे हना अरु आन कली अराम ङा पिपम साइश्‍शा, खप ङा फुरक खोदेंशो सेल्‍शो बाक्‍माक्‍त। येहो-अहाज आ पशो अरु गेय, मेको आ पशो नेल्‍ल नु आ सक्ति दोदेंशो बाक्‍मे, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा? मिनु येहो-अहाज बेक्‍माक्‍त। मिनु मुरपुकीम मेको कली आ किकी पिपी नु सामरीयाम थिम्‍मे बाक्‍त। मिनु मेको आ पा ङा आ तौ योआश पिप दुम्‍माक्‍त।
इस्राएल ङा पिप योआश
10 मिनु येहो-अहाज आ तौ योआश सामरीयाम इस्राएल ङा पिप दुम्‍माक्‍त। मेना योआश यहूदा ङा पिप दुम्‍शो ३७ बर्स दुम्‍शो बाक्‍माक्‍त। मिनु इस्राएल ङा पिप योआशमी १६ बर्स सासन पवा बाक्‍त। यहूदा ङा पिप नु इस्राएल ङा पिप आस नें खाल का ङा बाक्‍त।योआश नु येहो-आश नें का बाक्‍ब, येहो-आश कली योआश यो देंशो बाक्‍त। 11 मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। मिनु इस्राएली आन कली पाप पपाइक्‍ब नेबात आ तौ येरोबाम आ लांम गाक्‍माक्‍त। मिनु मेकोमी येरोबाम आ लां मप्रोना बाक्‍त। 12 योआश आ पशो अरु गेय, मेको आ पशो नेल्‍ल, यहूदा ङा पिप अमस्‍‍याह नु लडाइ पा सक्ति कोंइशो, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा? २राजा १४:८-१६ 13 मिनु योआश बेक्‍माक्‍त। मेको आ पा ङा येरोबाम पिप दुम्‍माक्‍त। योआश इस्राएल ङा पिपपुकी नु सामरीयाम थिम्‍चा पुंइसे बाक्‍त। २राजा १४:२३
एलीशा बेक्‍शो
14 एलीशा रोइ पवा बाक्‍त। मिनु नोले मेको रोइ रे बेक्‍माक्‍त। मिनु इस्राएल ङा पिप योआश मेको कली कोव़‍थ लमाक्‍त। मिनु मेको आ ङोंइती ङाक्‍शा “ए, आं आफ! ए, आं आफ! इस्राएल ङा बग्‍गी नु शारा ङोइक्‍बपुकी” देंमाक्‍त। २राजा २:१२ 15 मिनु एलीशामी मेको कली “लिब्रा का नु ब्रा गुपो” देंमाक्‍त। मिनु मेकोम लिब्रा नु ब्रा गुबा बाक्‍त। 16 मिनु मेकोमी इस्राएल ङा पिप कली “लिब्रा खुक्‍को” देंमाक्‍त। मिनु मेकोम खुक्‍गा बाक्‍त। मिनु एलीशामी आ गुइ पिप आ गुइ तार वोदा बाक्‍त। 17 मिनु एलीशामी “पूर्ब गे ङा झेल रोक्‍को” दे मदा बाक्‍त। मिनु रोक्‍गा बाक्‍त। मिनु एलीशाम मेको कली “ब्रा आ‍पो” दे मदा बाक्‍त। मिनु मेकोमी आबा बाक्‍त। मिनु एलीशाम “परमप्रभु यावे आ अराम रागी कली ग्रातीक ब्रा बाक्‍त। गे अफेक सहरमी अरामी आन कली लडाइ पा ग्रानीनी” दे मदा बाक्‍त। 18 मिनु लेंशा मेकोम “ब्रापुकी गुपो” देंमाक्‍त। मिनु मेकोमी गुबा बाक्‍त। मिनु मेकोमी इस्राएल ङा पिप कली “खप तुपो” देंमाक्‍त। मिनु पिपम खेयप सां तुप्‍शा नांइ‍से बाक्‍त। 19 मिनु परमप्रभु आ मुरुमी गाइश्‍शा मेको कली “गे खपीम ५, ६ खेयप तुप्‍‍चा माल्‍शो नवे। मिनु गे अराम कली गेना हना यो कली ग्राङे वा। तन्‍न मुल गे अराम कली खेयप सां ला ग्रानेवे” दे मदा बाक्‍त।
20 मेको नोले एलीशा बेक्‍माक्‍त। मुरपुकीम मेको कली थिम्‍मे बाक्‍त। मोआब ङा रोइक्‍बपुकी बर्स बर्समी मेको रागी ओव़बाक्‍मा बाक्‍त। 21 काले इस्राएलीपुकीम बेक्‍शो मुर का थिम्‍‍मेनु मोदेंशो रोइक्‍ब मोआबी आन कली तामे बाक्‍त। मोपतीके मेकोपुकीम मेको बेक्‍शो मुर एलीशा वोइक्‍तीकेमी ताइश्‍शा, प्रोक्‍मा बाक्‍त। मिनु मेको बेक्‍शो मुरुम एलीशा आ रुश थिवा चोटी सेस दुम्‍शा बोक्‍‍माक्‍त।
22 मिनु अराम ङा पिप हजाएलमी इस्राएल कली श्‍येत गेस ङा गेस बाक्‍माक्‍त। मेना येहो-अहाजम इस्राएलम सासन पशो बाक्‍माक्‍त। 23 तन्‍न परमप्रभु यावेमी अब्राहाम, इसहाक नु याकूब नु पशो कबलम पतीके, मेको आन कली शिशी पाइक्‍मी बाक्‍त। मेकोम मेको आन कली मिम्‍तीमी बाक्‍त। मिनु परमप्रभु यावेमी मेको आन कली साइक्‍चा नु आ ङोंइती रे तिल्‍चा थुं मपवा बाक्‍त। लेवी २६:४२
24 मिनु अराम ङा पिप हजाएल बेक्‍माक्‍त। मिनु मेको आ पा ङा आ तौ बेन-हादाद पिप दुम्‍माक्‍त। 25 मिनु येहो-अहाज आ तौ योआशमी आ आफ रे हजाएल आ तौ बेन-हादादम लडाइ पा ग्राशो सहरपुकी लेंशा ताक्‍गा बाक्‍त। योआशमी खेयप सां मेको कली ग्रामाक्‍त। मिनु मोपा मेकोमी इस्राएल ङा सहरपुकी लेंशा आं के सेला बाक्‍त। २राजा १३:१९