16
चिन्‍ड कोव़कोव़ दाक्‍‍शो
मर्कूस ८:११-१२; लूका १२:५४-५६
मिनु फरिसी नु सदुकीपुकी जाक्‍शा, येसु आ थुं थाम्‍चा कली “स्‍वर्ग ङा चिन्‍ड का कोंइदीकी” देंतेक्‍म। मत्ती १२:३८ मिनु येसुमी मेको आन कली “नां पेरचावानु ‘दीसा हाक्‍ब। मारदे हना सरीङ लल जिशो बाक्‍ब’ देंनीनी। मिनु नां दाम्‍मेनु ‘मुलाक्‍त फश गिवार पाइब। मारदे हना गोस्‍सुम सुम्‍‍शा, सरीङ लल जिशो बाक्‍ब’ देंनीनी। सरीङ कोव़शा हाक्‍बा, दे रेउ यीबा देंने चाप्‍नीनी। तन्‍न मुल मार दुम्‍चशो बाक्‍बा मेको आ चिन्‍ड मरुप्‍नीनी। मत्ती ११:४ मरिम्‍शो पाइब नु देवी देवता नु परमप्रभु यावे खाल्‍ब पालाम चिन्‍ड कोव़कोव़ दाक्‍नीम। मेको आन कली योना आ चिन्‍ड ङा लाक्‍शा मारेइ चिन्‍ड मकोंइनुङमी” देंशा, मेको आन कली प्रोंइशा गाक्‍त। मत्ती १२:३९-४०
लोव़ नेंशा होस पांइसीने
मर्कूस ८:१४-२१
मिनु समुन्‍द्र शोक्‍शा, आइक्‍ची हांबु जाक्‍दीम्‍मानु, शेंसीबपुकीमी “ला, शोब्‍ले कुरचा प्रेंसे बाक्‍त” दे ति फ्रुक्‍शा देंमुम्‍तेक्‍म। मिनु येसुमी “फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने” दे माइक्‍तीमी। लूका १२:१ मिनु “शोब्‍ले कुरचा प्रेंदया बाक्‍त, दे तुइश्‍शा, मो देंम कों” देंमुम्‍तेक्‍म। मिनु येसुमी मेको आन लोव़ तुइश्‍शा “ए, गे थमा पा थमा सुइक्‍ने मचाप्‍बपुकी, शोब्‍ले मबा, दे मारदे शुश लोव़ पमुनी? मुल यो मारेइ मरुप्‍नीनी? ५ ओटा शोब्‍लेमी ५ हजार मुर आन कली रूथ्री जचा गेशा, गिश डालो हेंम? मत्ती १४:१७-२१ 10 मिनु ७ ओटा शोब्‍लेमी ४ हजार मुर आन कली जचा गेशा, दोशो हेंम, दे ममिम्‍नीनी? मत्ती १५:३४-३५ 11 फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने देंशो चहिं शोब्‍ले आ पर्बम शेंशो ममाइ। मुल यो मरुप्‍नीनी?” दे माइक्‍मीनु, 12 “गे फरिसी नु सदुकी आन शेंतीक लोव़ नेंशा, होस पांइसीन, दे शेंशो बाक्‍माक्‍त” दे रुप्‍तेक्‍म।
पत्रुसम “ख्रीस्‍त ननी” देंशो
मर्कूस ८:२७-३०; लूका ९:१८-२१
13 मिनु सिजरिया फिलिप्‍पी रागीम जाक्‍दीश्‍शा, येसुमी आ शेंसीब आन कली “मुरपुकीमी रागीम जरमेशो आ पर्बम मार देंनीमी?” दे हिल्‍लो पवानु 14 “का निक्‍शीमी ‘ब्‍वाक्‍कुम ख्रुम्‍शा ग्रुंइब यूहन्‍ना बाक्‍माक्‍त’ देंनीम। का निक्‍शीमी ‘एलीया बाक्‍माक्‍त’ का निक्‍शीमी ‘येरमीया बाक्‍म कों, परमप्रभु यावे आ लोव़ पाइब अर्को का बाक्‍म कों’ देंनीम” देंतेक्‍म। मत्ती १४:२; मत्ती १७:१०; लूका ७:१६ 15 मिनु येसुमी “गेपुकी चहिं आं कली सु सुइक्‍यीनी?” देंमेनु, 16 सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९ 17 मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६ 18 गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२० 19 गो स्‍वर्ग ङा राज्‍य आ सांचो गेनन। एको रागीम मार कली फ्रेंनेवे, स्‍वर्गमी यो फ्रेंशो बाक्‍नीम। एको रागीमी मार कली प्रोंइनेवे, स्‍वर्गमी यो प्रोंइशो बाक्‍नीम” दे माइक्‍तु। मत्ती १८:१८ 20 मिनु आ शेंसीब आन कली “ख्रीस्‍त एकोन बाक्‍माक्‍त दे सुइ आन कली मशोव़ङीने” दे माइक्‍तीमी। मत्ती १७:९
येसु श्‍येत जचा माल्‍ब, दे शेंशो
मर्कूस ८:३१-३३; लूका ९:२२
21 मेना रे येसुमी आ शेंसीब आन कली “यरूसलेम लशा, जोक्‍ब तुइक्‍ब खाल्‍पा, ठेयब चढ़ेब नु सास्‍त्रीपुकी रे पा शुश श्‍येत जशा साइक्‍चा पुंइसीनुङ। मिनु बेक्‍शा आ नित्‍थ नाक्‍त सेंसीनुङ” दे शेंचा गोप्‍तु। मत्ती १२:४०; यूहन्‍ना २:१९ 22 मिनु काबु लेंशा शेंदानु, पत्रुसमी येसु कली आइक्‍ची ब्रेश्‍शा लाइश्‍शा “परमप्रभु यावेमी इन कली शिशी पवल। प्रभु, इन देंशो खोदेंशो गेनायो मदुम्‍ल” देंमाक्‍त। 23 मिनु येसुमी नोले हिरशा पत्रुस कली कोव़शा “ए सैतान, इ कुल मकोंइदी। मारदे हना आं लां तेक्‍ब बाक्‍ङे बाक्‍त। गे परमप्रभु यावे आ मिम्‍शो मपथु, मुरुमी मिम्‍शो लोव़ कका पाप्‍तीवी” दे हुइक्‍ताक्‍व।
येसु आ नोले खोइक्‍बपुकी
मर्कूस ८:३४-९:१; लूका ९:२३-२७
24 मिनु येसुमी आ शेंसीब आन कली “सुमी आं नोले खोइक्‍चा थुं पाइबा, मेकोमी आंम दला दाक्‍स पचा प्रोंइशा, श्‍येत जचा महिंथु, आ नोले खोइय्‍यील। मत्ती १०:३८-३९; १पत्रुस २:२१ 25 आ गिंम प्रोंइचा दाक्‍बमी मेको साम्‍‍ब। आं पर्बम आ गिंम साम्‍बमी आ गिंम प्रोंइब। प्रकाश १२:११ 26 रागी नेल्‍ल आंम के सेल्‍शा, आ गिंम चहिं खतम दुम्‍त हना, मार रिम्‍शो दुम्म ङा? खतम दुम्‍शो गिंम मार गेशा लेन्‍ने चाप्‍बा ङा? लूका १२:२०; भजन संग्रह ४९:९ 27 रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६ 28 नोफा दाइश्‍शा नेनीने, मुल गो नु काथा बाक्‍ब का निक्‍शीमी रागीम जरमेशो आ राज्‍य जाक्‍शो मतथु मबेक्‍नीम” दे शेंताक्‍मी। मत्ती १०:२३