43
Hedudurai eo Saguhai Urana
1 Egu laulau dudurai u hemasaraha, Eaubada e, eo enagu u toro
ganamuri tataodi matadi eai;
ao borabora eo laulau gewagewa tataodi nimadi eai
u lebohaigu!
2 Paana oa Eaubada egu aba ailogulogu ede;
paana saha u gabahesuaragu?
Paana saha ea nuadubu
waiunu ena hebahebaaea debana eai?
3 Em mara eo em riba mamohoina bena u hetamaridima bena abo se woeaigu,
abo se woeaigu em oea tupi tabuna eo em abamia arinai!
4 Murina eai abo ea lau Eaubada ena aitalasam hatahatana arinai,
Eaubada egu abanuawoiwoina;
eo abo ea aihelahuim huelele arinai,
Eaubada e, egu Eaubada.
5 Earuagu e, paana saha u nuadobidobi
paana saha nuaboeagu eai u heunaboisaha?
Eaubada u sunumaei, paana ia abo ea hedebasaeuioi,
ia agu sagu ede eo egu Eaubada.