ꠎꠛꠥꠞ ꠡꠞꠤꠚ
ꠎꠛꠥꠞ ꠡꠞꠤꠚꠞ ꠙꠄꠟꠣ ꠍꠤꠙꠣꠞꠣ (ꠎꠛꠥꠞ ১-৪১)
ꠀꠟ-ꠎꠛꠥꠞ ১
1 ꠡꠥꠈꠤ ꠢꠃ ꠎꠘ,
ꠘꠣꠚꠞꠝꠣꠘꠞ ꠍꠣꠟ꠆ꠟꠣꠄ ꠎꠦ ꠌꠟꠦ ꠘꠣ,
ꠙꠣꠙꠤꠞ ꠙꠕꠅ ꠎꠦ ꠃꠛꠣꠄ ꠘꠣ,
ꠝꠡꠇꠞꠣ ꠇꠞꠞꠣꠞ ꠀꠒ꠆ꠒꠣꠔ ꠛꠄ ꠘꠣ।
2 ꠅꠁꠟꠦ ꠝꠣꠛꠥꠖꠞ ꠖꠦꠅꠀ ꠢꠦꠖꠣꠄꠅꠔꠃ ꠔꠣꠞ ꠈꠥꠡꠤ,
ꠁ ꠢꠦꠖꠣꠄꠅꠔꠞꠦ ꠗꠤꠀꠘ ꠇꠞꠦ ꠢꠦ ꠖꠤꠘ-ꠞꠣꠁꠔ ꠗꠞꠤ।
3 ꠔꠣꠞ ꠎꠤꠘ꠆ꠖꠦꠉꠤ ꠔ ꠙꠣꠘꠤꠞ ꠚꠥꠔꠞ ꠗꠣꠞꠞ ꠉꠣꠍꠞ ꠟꠣꠈꠣꠘ,
ꠎꠦ ꠉꠣꠍꠦ ꠡꠑꠤꠇ ꠡꠝꠄꠄ ꠚꠟ ꠗꠞꠦ,
ꠈꠞꠣꠞ ꠖꠤꠘꠅ ꠔꠣꠞ ꠙꠣꠔꠣ ꠢꠥꠇꠣꠄ ꠘꠣ,
ꠢꠦ ꠎꠦꠔꠣꠔꠃ ꠀꠔ ꠖꠦꠄ, ꠅꠔꠣꠔꠃ ꠟꠣꠜꠛꠣꠘ ꠅꠄ।
4 ꠅꠁꠟꠦ ꠈꠛꠤꠍ-ꠛꠎ꠆ꠎꠣꠔꠞ ꠌꠟꠣ ꠔ ꠅꠟꠣ ꠘꠣꠄ,
ꠁꠔꠣꠞ ꠎꠤꠘ꠆ꠖꠦꠉꠤ ꠗꠣꠘꠞ ꠍꠥꠍꠣꠞ ꠟꠣꠈꠣꠘ ꠛꠣꠔꠣꠡꠦ ꠃꠠꠦ।
5 ꠢꠣꠡꠞꠞ ꠖꠤꠘ ꠃꠛꠣꠁꠔ ꠔꠣꠞꠣꠞ ꠅꠟꠣ ꠡꠣꠅꠡ ꠘꠣꠁ,
ꠙꠣꠇ-ꠙꠞꠦꠎꠉꠣꠞꠞ ꠝꠎꠟꠤꠍꠅ ꠘꠣꠚꠞꠝꠣꠘꠞ ꠘꠣꠁ ꠇꠥꠘꠥ ꠑꠣꠁ।
6 ꠙꠞꠦꠎꠉꠣꠞ ꠛꠘ꠆ꠖꠣꠞ ꠌꠟꠣ-ꠚꠤꠞꠣꠞ ꠙꠕꠅ ꠝꠣꠛꠥꠖꠦ ꠘꠎꠞ ꠞꠣꠈꠂꠘ,
ꠅꠁꠟꠦ ꠈꠛꠤꠍ-ꠛꠎ꠆ꠎꠣꠔꠞ ꠙꠕꠅ ꠀꠍꠦ ꠡꠞ꠆ꠛꠘꠣꠡ॥