ꠀꠟ-ꠎꠛꠥꠞ ১০০
ꠡꠥꠇꠥꠞꠣꠘꠣ ꠉꠤꠔ
1 ꠅꠞꠦ ꠎꠉꠔꠛꠣꠡꠤ ꠈꠥꠡꠤ-ꠛꠣꠡꠤ ꠇꠞꠅ,
ꠝꠣꠛꠥꠖꠞ ꠘꠣꠝꠦ ꠎꠥꠞ ꠉꠟꠣꠄ ꠇꠞꠅ।
2 ꠝꠣꠛꠥꠖꠞ ꠄꠛꠣꠖꠔ ꠇꠞꠅ ꠈꠥꠡ ꠖꠤꠟꠦ,
ꠈꠥꠡꠤꠞ ꠉꠎꠟ ꠉꠣꠁꠀ ꠉꠣꠁꠀ ꠀꠅ ꠔꠣꠘ ꠖꠞꠛꠣꠞꠦ।
3 ꠀꠟ꠆ꠟꠣꠃ ꠀꠍꠟ ꠝꠣꠛꠥꠖ, ꠝꠘꠅ ꠞꠣꠈꠤꠅ ꠔꠥꠝꠞꠣ,
ꠀꠝꠞꠣꠞꠦ ꠛꠣꠘꠣꠁꠟꠣ ꠔꠣꠁꠘ, ꠔꠣꠘ ꠛꠘ꠆ꠖꠣ ꠔ ꠀꠝꠞꠣ,
ꠀꠝꠞꠣ ꠔꠣꠘ ꠝꠦꠠꠣꠞ ꠙꠣꠟ, ꠔꠣꠘ ꠎꠝꠤꠘꠅ ꠈꠣꠘꠤ ꠈꠣꠅꠞꠣ।
4 ꠡꠥꠇꠥꠞ-ꠉꠥꠎꠣꠞ ꠇꠞꠤ ꠇꠞꠤ ꠢꠣꠝꠣꠅ ꠔꠣꠘ ꠖꠥꠀꠞꠅ,
ꠔꠣꠞꠤꠚ-ꠉꠤꠔ ꠉꠣꠁꠀ ꠉꠣꠁꠀ ꠀꠅ ꠔꠣꠘ ꠃꠑꠣꠘꠅ,
ꠔꠣꠘ ꠘꠣꠝꠦ ꠡꠥꠇꠞꠤꠀ ꠔꠣꠞꠤꠚ ꠀꠖꠣꠄ ꠇꠞꠅ।
5 ꠝꠣꠛꠥꠖꠃ ꠀꠍꠟ ꠜꠣꠟꠣ, ꠌꠤꠞꠇꠣꠟ ꠎꠣꠞꠤ ꠔꠣꠘ ꠖꠄꠀ-ꠝꠣꠄꠀ,
ꠔꠣꠘ ꠢꠇ-ꠢꠣꠟꠣꠟꠤ ꠌꠣꠟꠥ ꠞꠄ ꠛꠋꠡꠞ ꠙꠞ ꠛꠋꠡ ꠗꠞꠤꠀ॥