3
Yona waya ku Ninawe
1 Kabili Yawe waamwanine Yona nangue,
2 “Lenga uye waya ku olia muzi ukata wa Ninawe, uye ubaane mpunda inakikwana.”
3 Yona waile ku Ninawe nga mwaalandiile Yawe. Ninawe waali wali muzi ukata wakwendamo nsiku itatu.
4 Yona waingiile mu muzi ni kwendamo busiku bumo walimukupunda walanda nangue, “Pa kyamba kya nsiku 40, we Ninawe wakaba kuloviiwa!”
5 Kupwako, bantu ba mu Ninawe bamuketekela Leza. Ba-aninue kuizilika bilio ni kuvwala masaaka, kubambila ku mukulu mpaka ku mwanike akeepeesie pakati kabo.
6 Likolo wa mu Ninawe lu-aunvwile ezio Mpunda, waabuukile mu kitebe kyakue kya bukolo, wavuula ngubo yakue ya bukolo, wavwala masaaka ni kwikala mu mito.
7 Likolo pamo ni masiiko akue a mu muzi wa Ninawe, baafumiizie mwano wakwana nangue, “Kubalua muntu tekuti atompe kantu, bisepe bya nama ni byo, nghombe ni mikooko tekuti bilie ni kumina menda,
8 kabili bantu pamo ni nama bavwale masaaka, ni kumulilila Leza na maka, evi kubalua muntu alekele misango yakue ya bikitua bibi.
9 Kubako mumanine nangue pange Leza kuti wapilibuka ni kwibwelamo, ni kulekela kikonko kyakue tekuti atulovie?”
10 Leza lu-aamwene nangue balekela misango ya bikitua byabo bibi, wa-alulwile malanga akue a kwinoona muzi nga mu-aalandiile.