123
Bɛ̀ sènkɛ̀rì bɛ̀ kuɔ̀nnɛ̀mɛ̀ Kuyie
1 Bɛ̀ ɔ̃ nkɔri Kuyie ncĩ́ɛ̃̀tɛ̀ kɛ dentì fɛ̀ɛ̀ yɛ̀nfɛ̀.
M búɔ́ fɔ̃́ɔ̃̀ bíɛ́kɛ̀,
fɔ̃́ nwèè kɑ̀ri ɑ kpɑ̀ɑ̀tìkɑ̀rì kɛĩ́nkɛ̀.
2 Tidɑɑtì ɔ̃ mbúɔ́ mɛ̀ɛ̀ botí ti yɛmbɛ̀,
kunitipodɑɑkù ɔ̃ mbúɔ́ mɛ̀ɛ̀ botí ku yiɛ̀,
mɛɛ̀ botí nku ti búɔ́mɛ̀ ti Yiɛ̀ nKuyie,
kunku ti tũ nkù,
kɛ̀ kù bo ti kuɔ́ mmɛsémmɛ̀.
3 Tí kuɔ́ mmɛsémmɛ̀ ti Yiɛ̀ nKuyie!
Ti kuɔ́ mmɛsémmɛ̀!
Mɛsenkùmɛ̀ mɛɛ̀ ti bi.
4 Sipɔɔ yɛmbɛ̀ kó mudɑɑ́ nti bimu,
sifeí yɛmbɛ̀ ti cɛ̃̀ ndiyuu ndi mɛdiɛ̀.