87
Siyɔ̃ɔ̃ nwe iwuɔ nyimɔu yóó yɛ̀nnímɛ̀
Kodee bí kó fɛyɛ̀nfɛ̀.
 
Ti Yiɛ̀ nKuyie mpũ̀ṹtɛ́ Sedisɑdɛmmu ditɑ̃sɑ̀ɑ̀rì ĩ́nkɛ̀ nkɛ.
Siyɔ̃ɔ̃ ɛì ndi ti Yiɛ̀ nKuyie ndɔ́mɛ̀,
kɛ̀ dɛ̀ pɛ̃ɛ̃tɛ́ yɛhɛkɛ̀ tɛyɛ̀ yɛmɔu Sɑkɔbu yɑɑ̀bí bo yɛ̀.
 
Fɔ̃́ nKuyie nkó dihɛì,
bɛ̀ dɑ sɑ̃ntí kɛ̀ dɛ̀ dɛumu ɑ yetìrì kpɛ́í.
 
Kɛ̀ Kuyie ndɔ̀: N yóó kɑɑmmu bɛ̀ɛ̀ n yɛ̃́,
kɛ́kɑɑnnɛ̀ Esibiti kɔbɛ nɛ̀ Bɑbidɔnni kɔbɛ
nɛ̀ Fidisii ɛì kɔbɛ nɛ̀ Tiiri ɛì kɔbɛ nɛ̀ Etiopii ɛì kɔbɛ
kɛ dɔ̀ bɛ̀ pɛitɛ́ diɛ.
Siyɔ̃ɔ̃ ɛì diì yóó nɑɑ́ nyɛbotɛ̀ yɛmɔu kpɛri,
Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ kuù yóó dì mɑɑ́.
 
Ti Yiɛ̀ nKuyie nkuù yóó kɑɑ nyɛbotɛ̀,
kɛ́wɑ̃ri ku pɑ́tíri miɛkɛ kɛ dɔ̀:
bɛ̀ bɛ̀ pɛitɛ́ Sedisɑdɛmmu nwe.
 
Bɛhɑubɛ̀ nɛ̀ bɛdèmbɛ̀ kɛ̀ bɛ̀ ndiè kɛ dɑ sɑ̃ntí kɛ tú
bɛ kpɛrɛ dɛmɔu bonní ɑ borɛ̀ ndɛ.