2
Sɑkɔbu birɛ Sudɑɑ yɑɑ̀bí
Ntɛ Sɑkɔbu bɛ̀ do yu wè kɛ tú Isidɑyɛɛri o bí yètɛ̀: Dubɛnni nɛ̀ Simmɛɔ̃ɔ̃ nɛ̀ Defi nɛ̀ Sudɑɑ nɛ̀ Isɑkɑɑ nɛ̀ Sɑbunɔɔ, nɛ̀ Dɑnni nɛ̀ Sosɛfu nɛ̀ Bɛnsɑmɛɛ nɛ̀ Nɛfutɑdii nɛ̀ Kɑti nɛ̀ Asɛɛ.
Kɛ̀ Sudɑɑ puokɛ Kɑnnɑhɑ̃ɑ̃ ɛì kóo sɑpɑ̀ɑ̀ Suɑɑ, kòo ò pɛitɛ́ initidɑbí ìtɑ̃ɑ̃ti: Ɛɛ nɛ̀ Onɑnni nɛ̀ Sedɑ. Ɛdi weè do tú Mpo, kɛ́dɔɔ̀ ti Yiɛ̀ nKuyie nyí dɔ́ dɛ̀ kɛ̀ kùu ò kùɔ. Kɛ̀ dɛ̀ mboní kɛ̀ Sudɑɑ kóo dɑpɑ̀ɑ̀ mpokù Tɑmɑɑ ò pɛitɛ́ initidɑbí tɛì ìdɛ́ì, kɛ̀ bɛ̀ mbɛ̀ yu kɛ tú Pedɛsi nɛ̀ Sedɑ. O bí imɔu kɛ̀ ìi wɛ̃nnɛ́ kɛ́mbo initidɑbí ìnùmmù. Kɛ̀ Pedɛsi kó ibí ntú Ɛtisidonni nɛ̀ Amudi. Kɛ̀ Sedɑɑ pɛitɛ́ Simudi nɛ̀ Etɑnni nɛ̀ Emɑnni nɛ̀ Kɑdikɔɔdi nɛ̀ Dɑdɑ kɛ̀ bɛ̀ mbo initidɑbí ìnùmmù. Kɛ̀ Kɑdimii pɛitɛ́ Akɑɑ* weè do te kɛ̀ Kuyie mmiɛkɛɛ do Isidɑyɛɛribɛ, kɛ yɛ̃́ ò do sɔnnɛmɛ̀ Kuyie nyɛ̃ mbɛ̀ bɑ́ɑ́ túótɛ́ dɛ̀ kɛ́tiekɛ. Kɛ̀ Etɑnnii pɛitɛ́ Asɑdiɑ, kɛ̀ Ɛtisidonnii pɛitɛ́ Yedɑmɛyɛɛdi nɛ̀ Dɑmmu nɛ̀ Kɑdɛbu, kòo yètìrì tɛrì ntú Kedubɑii.
10 Kɛ̀ Dɑmmuu pɛitɛ́ Amminnɑdɑbu kɛ̀ Amminnɑdɑbuu pɛitɛ́ Nɑsɔ̃ɔ̃ weè do tú Sudɑɑ nɑɑ̀mùnkù kóo kótì. 11 Kɛ̀ Nɑsɔ̃ɔ̃ pɛitɛ́ Sɑdimɑ kɛ̀ Sɑdimɑɑ pɛitɛ́ Boɑsi, 12 kɛ̀ Boɑsii pɛitɛ́ Obɛdi, kɛ̀ Obɛdii pɛitɛ́ Sɛsee, 13 kɛ̀ Sɛsee pɛitɛ́ ibí ìyiekɛ̀. Kòo kóo po ntú Ediɑbu kòo nɑntɛ Abinnɑdɑbu kɛ̀ Aminnɑdɑbuu nɑntɛ Simmeɑ, 14 kɛ̀ Sɑmɑɑ nɑntɛ Nɛtɑnnɛyɛɛdi, kɛ̀ Nɛtɑnnɛyɛɛdii nɑntɛ Dɑdɑii. 15 Kòò mɛ ntó nɑntɛ Osɛmmu, kòo nɑntɛ Dɑfiti, 16 kɛ̀ bɛ tɑ̃bɛ̀ ntú Seduyɑ nɛ̀ Abikɑyɛɛdi, kɛ̀ Seduyɑɑ pɛitɛ́ Abikɑii nɛ̀ Soɑbu nɛ̀ Asɑyɛɛdi kɛ̀ bɛ̀ɛ wɛ̃nnɛ́ bɛ̀tɑ̃ɑ̃ti. 17 Kɛ̀ Abikɑyɛɛdii pɛitɛ́ dɛnitidɑbirɛ kɛ̀ bɛ̀ɛ dɛ̀ yu kɛ dɔ̀ Amɑsɑ o cicɛ do tú Yetɛɛ Isimɑyɛɛri wuɔ kou.
18 Kɛ̀ Ɛsidonni birɛ Kɑdɛbu pokù Asubɑ pɛitɛ́ ibí ìnɑ̀ɑ̀ kɛ̀ dɛnitipobirɛ yètìrì ntú Yediyoti nɛ̀ initidɑbí ìtɑ̃ɑ̃ti Yesɛɛ nɛ̀ Sobɑbu nɛ̀ Adidonni. 19 Asubɑ ku dìì mɔ̀nnì kɛ̀ Kɑdɛbuu puokɛ Efɑdɑti kɛ̀ Efɑdɑtii pɛitɛ́ Uuri. 20 Kɛ̀ Uuri pɛitɛ́ Udi kɛ̀ Udii pɛitɛ́ Besɑdɛdi.
21 Ɛtisidonni mɔ̀kɛ dìì mɔ̀nnì yɛbie nsipísìkuɔ̀, kɛ́puokɛ Kɑdɑɑdi cicɛ Mɑkidi kóo sɑpɑ̀ɑ̀ nkòo ò pɛitɛ́ Sekubu. 22 Kɛ̀ Sekubuu pɛitɛ́ Yɑii weè do tiekɛ yɛhɛkɛ̀ sipísìdɛ́ nɛ̀ yɛ̀tɑ̃ɑ̃ti Kɑdɑɑdi tempɛ̃ mmiɛkɛ. 23 Kesuu ɛì nɛ̀ Adɑmu ɛì kɛ̀ yɛ kpɑ̀ɑ̀tìbɛ̀ɛ fietɛ Yɑii kɛ́tiekɛ yɛhɛkɛ̀ nɛ̀ Kenɑti ɛidiɛ̀, nɛ̀ yɛhɛkɛ̀ yɛ̀ɛ̀ yɛ̀ tɔ̀kɛ́nɛ̀ yɛmɔu kɛ̀ yɛ̀ɛ wɛ̃nnɛ́ yɛhɛkɛ̀ sipísìkuɔ̀. Bɛ̀ɛ̀ do bo yɛ miɛkɛ bɛmɔu bɛ̀ do tú Kɑdɑɑdi cicɛ Mɑkiidì yɑɑ̀bí nyi. 24 Ɛtisidonni weè do po Abiyɑ kɛ́kú kɛ̀ Kɑdɛbuu duɔ́nɛ̀ o pokù tɔù Efɑdɑtɑ kòo ò pɛitɛ́ dɛnitidɑbirɛ, kɛ̀ bɛ̀ɛ dɛ̀ yu kɛ dɔ̀ Asuu, weè do ketɛ́ Tekoɑ ɛì.
25 Kɛ̀ Ɛtisidonni kóo po Yedɑmɛyɛɛdi piɛ́ ibí pɛ́u kɛ̀ Dɑmmu ntú o kóo po kɛ́nɑntɛ Bunɑ, kɛ̀ Bunɑ nɑntɛ Odɛni, kɛ̀ Odɛnii nɑntɛ Osemmu, kɛ̀ Osemmuu nɑntɛ Aiyɑ. 26 Kɛ̀ Yedɑmɛyɛɛdi puokɛ onitipòkù tɔù Atɑdɑ kòo ò pɛitɛ́ Onɑmmu. 27 Kɛ̀ Yedɑmɛyɛɛdi kóo po pɛitɛ́ Mɑsɑsi nɛ̀ Yɑminni nɛ̀ Ekɛɛ. 28 Kɛ̀ Onɑmmuu pɛitɛ́ Sɑmmɑii nɛ̀ Yɑdɑ. Kɛ̀ Sɑmmɑii pɛitɛ́ Nɑdɑbu nɛ̀ Abisuu. 29 Kɛ̀ Abisuu puokɛ Abiyɑii kòo ò pɛitɛ́ Abɑnni nɛ̀ Mɔdidi. 30 Kɛ̀ Nɑdɑbuu pɛitɛ́ Sedɛdi nɛ̀ Apɑyimmu, kɛ̀ Sedɛdii kú bɑ́ ò í mɔ̀ɔ̀tɛ dɛbirɛ. 31 Kɛ̀ Apɑyimmuu pɛitɛ́ Iseii, kɛ̀ Iseii pɛitɛ́ Sesɑ̃ɑ̃, kɛ̀ Sesɑ̃ɑ̃ pɛitɛ́ Adɑii. 32 Kɛ̀ Sɑmmɑii nɑntɛ̀ Yɑdɑ pɛitɛ́ Yetɛɛ nɛ̀ Sonnɑtɑ̃ɑ̃, kɛ̀ Yetɛɛ kú bɑ́ ò í mɔ̀ɔ̀tɛ dɛbirɛ. 33 Kɛ̀ Sonnɑtɑ̃ɑ̃ pɛitɛ́ Pedɛti nɛ̀ Sɑsɑ. Yedɑmɛyɛɛdi yɑɑ̀bí nyi mɛmmɛ.
34 Sesɑ̃ɑ̃ í mpɛitɛ́ initidɑbí, kɛ́pɛitɛ́ initipobí mɑ́ɑ̀, kɛ́mmɔkɛ o tɔ̃ntì Esibiti ɛì kou mɔù kɛ̀ bɛ̀ ò yu kɛ tú Yɑdɑ, 35 kòo ò duɔ́ nho kóo sɑpɑ̀ɑ̀ mmɔù kòo ò puokɛ kòo pɛitɛ́ dɛnitidɑbirɛ, kɛ̀ bɛ̀ɛ dɛ̀ yu kɛ dɔ̀ Atɑii. 36 Kɛ̀ Atɑii pɛitɛ́ Nɑtɑ̃ɑ̃, kɛ̀ Nɑtɑ̃ɑ̃ pɛitɛ́ Sɑbɑdi. 37 Kɛ̀ Sɑbɑdi pɛitɛ́ Efudɑdi, kɛ̀ Efudɑdii pɛitɛ́ Obɛdi. 38 Kɛ̀ Obɛdii pɛitɛ́ Yeu, kɛ̀ Yeuu pɛitɛ́ Asɑdiɑ. 39 Kɛ̀ Asɑdiɑ pɛitɛ́ Edɛsi, kɛ̀ Edɛsii pɛitɛ́ Edɑsɑɑ. 40 Kɛ̀ Edɑsɑɑ pɛitɛ́ Sisimɑii, kɛ̀ Sisimɑii pɛitɛ́ Sɑdummu. 41 Kɛ̀ Sɑdummuu pɛitɛ́ Yekɑmmiɑ, kɛ̀ Yekɑmmiɑ pɛitɛ́ Edisɑmɑɑ.
42 Kɛ̀ Kɑdɛbuu pɛitɛ́ o kóo po Mɛsɑ kòo nɑntɛ Yedɑmɛyɛɛdi, kɛ̀ Mɛsɑɑ pɛitɛ́ Sifi nɛ̀ Mɑdesɑ, kɛ̀ Mɑdesɑɑ pɛitɛ́ Ebunɔɔ. 43 Kɛ̀ Ebunɔɔ pɛitɛ́ Kodɑɑ nɛ̀ Tɑpuɑ nɛ̀ Dekɛmmu nɛ̀ Semɑ. 44 Kɛ̀ Semɑɑ pɛitɛ́ Dɑɑmmu, kɛ̀ Dɑɑmmuu pɛitɛ́ Yodikoɑmmu, kɛ̀ Dekɛmmuu pɛitɛ́ Sɑmmɑii. 45 Kɛ̀ Sɑmmɑii pɛitɛ́ Mɑɔ̃ɔ̃, kɛ̀ Mɑɔ̃ɔ̃ pɛitɛ́ Bɛti-Sudi. 46 Kɛ̀ Kɑdɛbuu puokɛ onitipòkù tɔù kɛ̀ bɛ̀ ò yu kɛ tú Efɑɑ, kòo ò pɛitɛ́ Anɑɑ nɛ̀ Mɔsɑ nɛ̀ Kɑsɛsi. Kɛ̀ Adɑɑ pɛitɛ́ dɛnitidɑbirɛ kɛ́ dɛ̀ yu kɛ dɔ̀ Kɑsɛsi. 47 Kɛ̀ Yɑdɑii pɛitɛ́ Dekɛmmu nɛ̀ Yotɑmmu nɛ̀ Kesɑ̃ɑ̃ nɛ̀ Pedɛti nɛ̀ Efɑɑ nɛ̀ Sɑɑfu. 48 Kɛ̀ Kɑdɛbuu yíɛ́ kɛ́puokɛ onitipòkù tɔù, kòo yètìrì tu Mɑɑkɑ, kòo pɛitɛ́ Sebɛɛ nɛ̀ Tidɑnɑ. 49 Kɛ̀ dɛ̀ m boní kòo yíɛ́ kɛ́pɛitɛ́ Sɑɑfu, kɛ̀ Sɑfuu pɛitɛ́ Mɑdimɑnɑ nɛ̀ Sefɑɑ, kɛ̀ Sefɑɑ pɛitɛ́ Mɑkibenɑ, kɛ̀ Mɑkibenɑɑ pɛitɛ́ Kibeɑ. Bɛ kó di fɔ̃̀nkúò kɛ̀ Kɑdɛbuu yíɛ́ kɛ́pɛitɛ́ dɛnitipobirɛ kɛ́ dɛ̀ yu kɛ dɔ̀ Akisɑɑ.
50 Ntɛ Kɑdɛbu yɑɑ̀bí kó yɛyètɛ̀: O pokù Efɑdɑtɑ kóo po do tú Uuri, kòo nɑntɛ Sobɑdi, weè do ketɛ́ Kidiyɑ-Yeɑdimmu kó dihɛì, bɛ yɔ̃fũ̀ɔ̃̀ bɛ̀ do bo bɛ̀tɑ̃ɑ̃ti ndi. 51 Sɑdimɑ weè do ketɛ́ Bɛtideɛmmu ɛì. Kɛ̀ Adɛfuu ketɛ́ Bɛti Kedɛɛ ɛì. 52 Kɛ̀ Sobɑdii ketɛ́ Kidiyɑ-Yeɑdimmu ɛì. Kɛ̀ Sobɑdi yɑɑ̀bí mbo Adowɛɛ nɛ̀ Mɛnuɔti kɔbɛ ɛì kó dikéè. 53 Bɛɛ̀ kó tinɑɑ̀mùntì do tú Iditiibɛ nɛ̀ Putibɛ nɛ̀ Sumɑtiibɛ nɛ̀ Misedɑiibɛ bɛ̀ɛ̀ do bo Sodɑɑ ɛì nɛ̀ Esitɑɔdi kpɛri yɛ miɛkɛ.
54 Sɑdimɑ yɑɑ̀bí do tú Bɛtideɛmmu ɛì kɔbɛ nɛ̀ Nɛtofɑɑ ɛì kɔbɛ nɛ̀ Adidoti-Bɛti-Yoɑbu ɛì kɔbɛ nɛ̀ Mɑnɑɑti ɛì kɔbɛ kó dikéè nɛ̀ Sodɑɑ ɛì kɔbɛ, 55 kɛ́yíɛ́nɛ̀ bɛ̀ɛ̀ yɛ̃́ yɛpɑ́tɛ bɛ kó tinɑɑ̀mùntì. Bɛ̀ɛ̀ do tú Yɑbɛsi ɛì kɔbɛ bɛɛ̀ do tú Tidɑtiibɛ nɛ̀ Simɑtiibɛ nɛ̀ Sukɑtiibɛ nɛ̀ bɛ̀ tu bɛ̀ Keniibɛ Amɑti kó kuwuɔ nkɔbɛ, bɛɛ̀ piɛ́ Dekɑbiibɛ.
2:4 +Tɑmɑɑ: Wéntɛ́ Tenketɛ́ 38. * 2:7 Akɑɑ: Sosuwee pɑ́tíri miɛkɛ bɛ̀ we nyu kɛ tú Akɑ̃ɑ̃.