19
Simeon Phung Mite Gam Kipe
1 Ani channa a alo diuva gam kipe chu Simeon phung sunga phung bahkaiho chu ahiuve.
2 Simeon gamlo dinga kipe ho chu Beersheba, Sheba, Moladah,
3 Hazar-shual, Belah, Ezem,
4 Eltolad, Bethul, Hormah,
5 Ziklag, Beth-marcaboth, Hazar-susah,
6 Beth-lebaoth chuleh Sharuhen khopi som le thum toh avella khoho puma ahop ahi.
7 Hichun Ain, Rimmon, Ether, chule Ashan khopi li hotoh akhoneo ho jong ahop in,
8 avel uva khohop jouse toh Baalath-beer (Negev a Ramah jong akitin ahi) ahi.
Hiche ho hi Simeon phung le abahkhai ho gamlo dinga kipea chu ahi.
9 Amaho kipe gam hi Judah te gamphabep kikahlha a kipe ahi. Ajeh chu Judah gam chu amaho dinga analen valla ahi. Hijeh chun Judah gamsunga kon'in Simeon phungin gam chan phabep aneijin ahi.
Zebulun Mite Gam Kipe
10 Athum channa gamlo ding chan kipe chu: Zebulun phung sunga abahkhai ho ahiuve.
Zebulun chenna gamgi chu Sarid a hung kipan ahi.
11 Hichea kon chun lhumlam'a achen Maralah ahopan Dabbesheth akhokhellin Jokneam vadungneo lang ajonin ahi.
12 Sarid apat chun agamgi hi gamchom jep a akiheijin, Kishloth-tabor gamgi lang nisolam'a nisa hung sodohna lam ajontai. Chuin Daberath lang ajon kitnin, Japhia langa akilhung touve,
13 Japhia apat chun nisolam ahin lhah in nisa hung sodohjina Gath-hepher gal Eth-kazin geijin ahung kilhung paiyin chuin Rimmon chanin akilhung doh peh in Neah lang jonin ahung kiheikon tai.
14 Abanin sahlam'a agamgi chu Hannathon langa akiheijin Iphtah-el phaiya abeitai.
15 Khopi ho chu Kattath ahin, Nahalal ahin, Shimron ahin, Idalah ahin, chuleh Bethlehem toh ahi, khopi som le ni toh akhoneo jouse toh ahithai.
16 Hicheng hi Zebulun chate chan agam goulo ahin a insung dungjui uva khopi hicheng toh akhoneo jouse toh chantha ahiuve.
Issachar Phung Mite Gam Kipe
17 Ali channa gamlo ding chan kipe chu Issachar phung mite le asunga abahkhai ho ahiuve.
18 Agamgi hop sunga chun Jezreel jong, Kesulloth jong Shunem jong.
19 Hapharaim jong, Shion jong, Anaharath jong,
20 Rabbith jong Kishion jong, Ebez jong,
21 Remeth, En-gannim jong En-haddah jong, Beth-pazzez jong ahopdoh tai.
22 Agamgi chun Tabor jong, Shahazuman jong, chule Beth-shemesh jong ahopan, Jordan vadungah chun agamgi abeitai. Khopi som le gup toh akhoneo jouse toh ahiye.
23 Hiche hi Issachar chate phung miho goulo achan diu ahin, a insung dungjuijin khopi chujat chutoh khoneo chengse toh achantha tauve.
Asher Phung Mite Gam Kipe
24 Anga channa gamlo ding chan kipe chu Asher phung mite le asunga abahkhai ho ahiuve.
25 Agam chu Helkath jong Hali jong , Beten jong, Achshaph jong,
26 Allammelech jong, Amad jong chule Mishal jong ahoptai, nilhum lam'a Carmel le Shihor-libnath jong ahopsoh keijin,
27 chuin agamgi’n nisolam ajotnin, Beth-dagon geijin akilhungin, Zebulun leh Iphtahel phaicham ahopan, sahlam alhah in, Beth-emek leh Neiel geijin akilhung lut in ahi. Chujouvin jong agamgi chu Cabul sahlam'a achen,
28 Ebron lam, Rehob lam, Hammon lam, Kanah lam ajonin, Sidon lenpa geijin akilhung lutne.
29 Hichun Ramah lam'a agamgi chu ahung kihei kitnin Tyre khopi kulpi kikai khum chu ahinpha peh in ahi. Chujouvin Hosah lam jonin akihei kitnin chule Mediterranian twilen a atangtai. Mehebel jong, Achzib jong,
30 Ummah jong, Aphek jong, chule Rehob jong ahin, khopi somninle nintoh akhoneo jouse jong ahi.
31 Hiche hi a insungu dungjuiya Asher chate phung goulo ahin, khopi hijat leh akhoneo jouse toh ahiye.
Naphtali Phung Mite Gam Kipe
32 Agup channa gamlo ding chan kipe chu Naphtali phung mite le asunga abahkai ho ahiuve.
33 Agamgi chu Heleph a kipat, Zaanannim gangpi phung'a pat, chule Adami-nekeb apat, Jabneel apat Lakkum chan geijin akilhung lut peh in, chuin Jordan vadunga atangtai.
34 Chujouvin agamgi chu nilhum lam'a akiheijin, Aznoth-tabor lam ajonnin chua kon'in Hukkok lam ajonpai paijin lhanglam'a Zebulun ahopan nilhum langa Asher gamgi ahopa kitnin nisolam'a Jordan vadung ajuijin ahi.
35 Kulpi kikaikhum ho chu, Ziddim ahin, Zer ahin, Hammath ahin, Rakkath ahin, Kinnereth ahi.
36 Adamah ahin, Ramah ahin, Hazor ahin,
37 Kedesh ahin, Edrei ahin, En-hazor ahin,
38 Yiron ahin, Migdal-el ahin, Beth-anath ahin, chule Beth-shemesh ahi, khopi som le ko toh khoneo chengse toh ahiye.
39 A insung utoh kithuh bepma hicheng hi Naphtali chate phung chan agam u ahi, khopi ho hi ahin khoneo ho ahin akisim than ahi.
Dan Phung Mite Gam Kipe
40 Asagi channa gamlo ding chan kipe chu Dan phung mite le asunga abahkai ho ahiuve.
41 Chule Dan phung chan agoulo gam chu: Zorah jong, Eshtaol jong Ir-shemesh jong,
42 Shalabbin jong, Aijalon jong, Ithlah jong,
43 Elon jong Timnath jong, Ekron jong ahin,
44 Eltekah jong, Gibbethon jong, Baalath jong,
45 Jehud jong, Bene-berak jong, Gath-rimmon jong,
46 Chule Me-jarkon le Rakkon toh Joppa to kimai ngat gamsung se-se jong ahop sohkeijin ahi.
47 Dan chaten agamsung achanlou phat uvin akon touvun Laish khopi agasat uvin, alah jouvun chemjamin asat gamhel uvin atoupha uvin asunga acheng tauve. Laish jong chu apu apau min aputsah uvin Dan asah tauve.
48 Hicheng hi a insung tohkham bepma Dan chate phunggoul achan u khopi ho jong khoneo ho jong ahithai.
Joshua Gam Kipe
49 Gamsung chu abih-bih a gouloa chenpha dia akihopsoh phat uvin, Israel chaten Nun chapa Joshua jong chu alah uva goulo ding gam apeuvin ahi.
50 Pakai thusah in Israel ten Joshua chu athumpen pen khopi Timnath-serah kiti, Ephraim thinglhang gamsunga khopi chu ape tauve. Aman jong akhopi chu akisah phatnin chennan aneitan ahi.
51 Eleazer thempupa leh Nun chapa Joshua chule Israel aphungkhai leh a insung dungjui uva alamkai houvin Shiloh munna Pakai angsung laitah a vang asan uva ana hopdoh peh nau gam ahin, hichu Pakai chenna ponbuh kotpi phunga anahop u ahiye. Hiti chun ama hon agam chu ahomsoh tauvin ahi.