29
Sumkon Kut Thilto Ho
1 Kmseh a chavang kipattil nikho masapenni leh Sumkon Kut naman diu ahi. Khoppi theng adia nikho poimo tah hiding chule hiche nikho a chu natoh dang na bollou diu ahi.
2 Nanghon Pakai dinga gimnamtui pumgo thilto nahinto cheh diu, hichu bongchal gol khat kelngoi chal khat, kumkhat lhingsa cheh kelngoi chal sagi jaona nolnabei hi ding ahi.
3 Hicheng jouse toh totha ding chu olive thao a kisunou lhosoh changbong neldisel khon gup leh bongchalgol, khonli le kelchal,
4 kelngoi chal sagi ho khat cheh chutoh khon ni cheh hiding ahi.
5 Hiche chung chon'a chu chonset thilto Pakai anga nangho le nangho na kisuhthengna diuva kelchal khat na todoh diu ahi.
6 Hiche thilto hoitah ho hi lhaseh le niseh a pumgo thilto ding ho chung chon'a to ding ho chu ahin, chule akiminphah lhosoh thilto leh lengpitwi thilto jong peh ding ahi. Hiche thilto ho hi Pakai dia thilpeh hoitah, alunglhaina gimnamtui hi ding ahi.
Lhatdohna Nikho Thilto Ho
7 Nisom jou, chuche lha nisom lhinni teng, khoppi theng adang khat nakou ding ahi. Hiche nikho, Lhatdohna Nikho teng chuleh, mipi chu an nelouva che diu chule natoh dang atohlou diu ahi.
8 Pakai lunglhai sahna gimnamtui dinga pumgo thilto na todoh diu ahi. Hiche dinga chu bongchalgol khat, kelchal khat, chule kumkhat lhingsa cheh kelngoi chal sagi, aboncha nolnabei hi diu ahi.
9 Hiche thilto ho toh totha ding chu olive thao a kisunou lhosoh changbong neldisel khon gup leh bongchalgol, khonli le kelchal,
10 kelngoi chal sagi ho khat cheh chutoh khon ni cheh hiding ahi.
11 Chonset thilto adia kelchal khat jong na todoh ding ahi. Hiche hi lhatdohna dia chonset thilto le niseh pumgo thilto dia lhosoh thilto, chule lengpitwi thilto chung chon'a todoh ding chu ahi.
Lhambuh Kut Thilto Ho
12 Ni nga jou, chuche lha ni som le nga lhinni leh, nangman mijouse dia khoppi theng khat nakou ding, chule hiche nikho a chu na natoh lou diu ahi. Hichu Lhambuh Kut kipatna ahin, Pakaiya nisagi nanit diu ahi.
13 Nikho masapenni leh, Pakai lunglhai sahna gimnamtui dinga pumgo thilto nabol diu ahi. Hiche thilto dinga bongchalgol som le thum, kelchal, chule kumkhat lhingsa cheh kelngoi chal som le li hi ding, aboncha nolnabei hi ding ahi.
14 Hiche thilto ho toh totha ding chu bongchalgol som le thum ho khat cheh chutoh olive thao a kisunou lhosoh changbong neldisel khon gup, kelchal ni khat cheh chutoh khonli,
15 kelngoi chal som le li khat cheh chutoh khon ni hi ding ahi.
16 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi.
17 Nikho ni lhinni leh, bonchalgol som le ni, kelchal ni, chule kum khat lhingsa kelngoi chal som le li na todoh diu, aboncha nolnabei hi ding ahi.
18 Hiche thilto bongchal ho, kelchal teni, chule kelngoi chal hotoh totha ding chu lhosohga thilto le lengpitwi thilto toh todoh tha ding ahi.
19 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi.
20 Nithum lhinni leh, bongchal som le khat, kelchal ni, kumkhat lhingsa cheh kelngoi chal som le li na todoh diu, aboncha nolnabei hi ding ahiye.
21 Hiche bongchal ho, kelchal teni, chule kelngoi chal ho chu lhosohga le lengpitwi toh todoh tha ding ahi.
22 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi.
23 Nili lhinni leh, bongchalgol som, kelchal ni, kumkhat lhingsa cheh kelngoichal som le li na todoh diu, aboncha nolnabei hi ding ahiye.
24 Hiche bongchal ho, kelchal teni, chule kelngoi chal ho chu lhosohga le lengpitwi toh todoh tha ding ahi.
25 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi.
26 Ninga lhinni leh, bongchalgol ko, kelchal ni, kum khat lhing sa cheh kelngoi chal som le li na todoh diu, aboncha nolnabei hi ding ahiye.
27 Hiche bongchal ho, kelchal teni, chule kelngoi chal ho chule lhosohga le lengpitwi toh todoh tha ding ahi.
28 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi.
29 Nigup lhinni leh, bongchalgol get, kelchal ni, kum khat lhingsa cheh kelngoi chal som le li na todoh diu, aboncha nolnabei hi ding ahiye.
30 Hiche bongchal ho, kelchal teni, chule kelngoi chal ho chu lhosohga le lengpitwi toh todoh tha ding ahi.
31 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi.
32 Nisagi lhinni leh, bongchal sagi, kelchal ni, kum khat lhingsa cheh kelngoi chal som le li na todoh diu, aboncha nolnabei hi ding ahiye.
33 Hiche bongchal ho, kelchal teni, chule kelngoi chal ho chu lhosohga le lengpitwi toh todoh tha ding ahi.
34 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi.
35 “Niget lhinni chu, nikho theng dang khat din phongdoh in. Hiche nikho a chu na natoh lou diu ahi.
36 Pakai lunglhai sahna gimnamtui dinga pumgo thilto nato diu ahi. Hiche thilto dinga bongchalgol khat, kelchal khat, chule kum sagi lhingsa cheh kelngoi chal sagi hi ding, aboncha nolnabei hi ding ahi.
37 Hiche thilto jouse chutoh lhosohga le lengpitwi toh todoh tha ding ahi.
38 Chonset thilto dia kelchal khat na todoh ding, hiche hi niseh a kibol pumgo thilto dia lhosoh thilto le lengpitwi thilto chung chon'a todoh ding chu ahi..
39 Hiche thilto jouse hi kumlhah seh thilto a na todoh diu ahi. Hiche ho hi kitepna ahilouleh kipehna tah a to ding, pumgo thilto ho, lhosing thilto ho, lengpitwi thilto ho, ahilouleh chamna thilto ho dungjuiya to ding ahi,”
40 Chuti chun Pakaiyin Mose henga athupeh bang bang chun Mose’n jong Israel chate jouse henga aseipeh sohkei tan ahi.