115
Pathen Hi Dihtah a Loupi Ahi
1 Keiho a ahipoi, O Pakai keiho a ahipoi, amavang loupina jouse hi na mingailutna longlou jeh a chun nang ding jingbou ahi.
2 Chitin namtin ho hina Pathen'u Pathen hoi a umham tia aseidingu ham?
3 Ka Pathen'u Pathen hi vanho chunga aum'inthil adeidan dana abolji ahi.
4 Amaho semthu doihon vang sana le dangka a kisem ngenchang bou ahiuvin mihem khut in asemthu jeng ahiuve.
5 ama hon kam anei un ahinla apaothei pon , chuleh mit anei un kho amuthei pouvin,
6 kol aneiyun ajathei pouvin, nahkui anei un anahthei pouvin,
7 khut anei un ima tohnan amangthei pouvin chuleh keng anei un achele theipouvin, lolhom anei un ahin thucheng ahungdoh thei pon ahi.
8 Hitiachu doilimsemthu ho hi hiche tobang ahiuve, hiche ho tahsan ho jong hitobang machu ahiuve.
9 O Israel Pakai chu tahsan un! Ama chu napanhu na lum a pang ahi.
10 O thempuho Aaron ho Pakai chu tahsan un! Ama hi napanpia leh na lumdel a pang'a ahi.
11 Nangho Pakai gingjing ho Pakai chu tahsan un! Ama chu napanpi le nalumdal ahi.
12 Pakaijin nahin geldoh jingin phatthei nabohjing ding ahi. Aman Israel mipite hi phatthei aboh ding ahi, chuleh thempuho le Aaron chilhah ho jong phatthei aboh ding ahi.
13 Mithupi hihenlang milham hijongleh Pakai ging ho chu Aman phatthei aboh ding ahi.
14 Pakaijin nangma nahin nachate ahin phattheina lhingset in napehen,
15 Van le lei sem a Pakai chun phatthei naboh hen,
16 Vanho hi Pakai a ahin, leiset vanghi mihemte apeh ahi.
17 Mithin Pakai thangvah la asatheipoi, ajeh chu amaho chu lhan munthip gam a che ahiuve.
18 Ahinlah eihon tu le tonsot geija Pakai ithangvah theiju ahi. Pakai chu thangvah'in umhen!