94
Yahweh Pakaiyin Amite Dinga Phu Alah Ding
1 O Yahweh Pakai, phulaji Pathen Pathen, O phula ji Pathen Pathen nathutanna dihtah chu loupitah chu hung kilang doh hen.
2 Hungthou doh in, vainoi thutan pa. Mi kiletsah ho chu achanding dol u chansah in!
3 Miphalou ho hi itih chanpi kipah diuham, ichan gei in em Yahweh Pakai?
4 Itih chan kiletsah tah a thu asei diu ham? Hiche migilou ho hi itih chanpi kihatsah diu ham?
5 Yahweh Pakai ama hon namite asuchip gam tauve. Nangma mite ho hi ama hon asugenthei'un ahi.
6 ama hon meithai ho leh gamdang mi chule chaga ho athat gam un ahi.
7 ama hon aseiyun, “Yahweh Pakaiyin eive pouve chule, Israel Pathen Pathen'in anasah poi.”
8 Kigel pha kit un, mingol ho! Itihleh tahle nahin hethei diuvem?
9 Na nakol sempa chu a nangong ham? Namit sempau chu amitcho a ham?
10 Aman chitin namtinte ana engbol in ahi, nangjong na engbol louding ham? Aman ima jouse ahesoh kei in ahi, nangin ipi naboljong ahetsohkei louding ham?
11 Yahweh Pakaiyin mitin lunggel ahesoh kei e, imacha phatchomna neilou ahi ahesoh kei e.
12 Yahweh Pakai, nadanthu a nahil ho leh nasuhdih ho chu iti kipah u hitam?
13 Migilou te kimat nading leiko tong akilai kah sen nangman amaho chu boina a konin lung ol na nape e.
14 Yahweh Pakaiyin amite nungsun ponte; Aman ami deitumte donlou in koi ponte.
15 Thutan na mun a thudih kimu ding chuleh michonpha ho jousen apanhu diu ahi.
16 Gitlou na akon a koiham eidal ding? Miphalou ho masang a ei din peh ding koi ham?
17 Yahweh Pakaiyin eina kithopi lou hile, keima thina lhankhuh mun a thipchet a ana kicholdo tading kahi.
18 “Keima kalhutai” tin kakap jah in, O Yahweh Pakai nami ngailutna longlou chun eiphong dingin ahi.
19 Keima lungdon na a kadim teng, nami lungmon nachun kinep na le kipa na eipe ji e.
20 Dandih lou a natong lamkai ho chun Yahweh Pakai kalang a pangding hi ati ngam nadiu vem?
21 Themmo nabei ho dou din amaho akipun khom un mona neilou chungah thina chan in athepmo sah uve.
22 Ahin Yahweh Pakai, ka Pathen Pathen hi kakisel na songpi kakulpi chu ahi.
23 Pathen Pathen'in migiloute achonset nau chu ale thuh ding ahi. Achonset nau jeh a asuh gam ding ahi. Yahweh Pakai, iPathen uvin asuh gam ding u ahi.