7
Issachar Chilhah Ho
1 Issachar chapa li ho chu Tol'a, Puah, Jashub, chule Shimron ahiuve.
2 Tol'a chapa te chu Uzzi, Rephaiah, Jeriel, Jahmai, Ibsam, le Shemuel ahiuve. Amaho hi apau Tol'a insung kon mite lah a upa cheh ahiuve. Daniel lal laiyin amaho hi gal-hang mihat jeng ahiuvin, sepai 22,600 alhing uvin ahi.
3 Uzzi chapa chu Izrahiah ahi. Izrahiah chapa te chu Michael, Obadiah, Joel, chule Isshiah ahiuve. Amaho mi nga hi aphung sung uva lamkai cheh in apang uve.
4 Amaho hin numei ji tampi le chapa tamtah anei uvin, hijeh chun amaho chapa te sunga galsat thei sepai hi agomin mi 36,000 alhing uve.
5 Issachar insung mite mong-mong jong gal-hang mihat jeng jong abonchauvin 87,000 alhing uvin ahi. Amaho cheng chu akhanggui lekhabu uva kijih lut ahitai.
Benjamin Chilhah Ho
6 Benjamin chapa thum ho chu Bela, Beker chule Jediael ahiuve.
7 Bela chapa nga ho chu Ezbon, Uzzi, Uzziel, Jerimoth, chule Iri ahiuvin ahi. Amaho hi amau insung apu apau lhah a phung upa cheh ahiuve. Chujongleh akhangguiyu kisimna akisut dol chun gal-hang sepai agomin 22,034 alhinguve.
8 Beker chapa te chu Zemirah, Joash, Eliezer, Elioenai, Omri, Jeremoth, Abijah, Anathoth, chule Alemeth toh ahiuve.
9 Amaho hi apu apateu lhah a insung upa cheh ahiuve. Amaho hi akhangguiya lekhabua kisut lut dungjuijin mihat gal-hang se-se le lamkai se-se chu agomin mihem 20,200 alhing uvin ahi.
10 Jediael chapa chu Bilhan ahi. Bilhan chapa te chu Jeush, Benjamin, Ehud, Kenaanah, Zethan, Tarshish, chule Ahishahar ahiuve.
11 Amaho cheng hi apu apateu insunga phung upa cheh ahiuve. Hichengse phung sunga hin gal-hang mihat galbol thei cheh agomin 17,200 alhing uve.
12 Ir chapa teni chu Shuppim le Huppim ahi lhon'e. Hushim chu apa Aher ahi.
Naphtali Chilhah Ho
13 Naphtali chapa te chu Jahzeel, Guni, Jezer, chule Shillem ahiuve. Amaho chengse hi Jacob thaikemnu Bilhah chilhah jeng ahiuve.
Manasseh Chilhah Ho
14 Manasseh chilhah ho lah a Aram numei athaikemnu toh ahin chu Asriel ahi. Amanu hin Gilead hingpa Makir jong ahinge.
15 Makir hin Huppim le Shuppim jong ji apuipeh cheh’e. Makir hin sopi numei khat aneijin amin chu Macaah akiti. A chilhah ho lah a khat chu Zelophehad ahin, amapa hin chanu jeng bou ahingin ahi.
16 Makir jinu Macaah chun chapa khat ahingin amin jong Peresh asah e; chule asopipa min chu Sheresh ahi. Peresh chapa teni chu Ulam le Rakem ahi lhon'e.
17 Ulam chapa chu Bedan ahi. Hichengse hi Manasseh chapa Makir son chilhah ho lah a Gilead insung mite jeng ahiuve.
18 Makir sopinu Hammoleketh kitinu chun Ishod, Abiezer, chule Mahlah ahingin ahi.
19 Shemida chapa te chu Ahian, Shechen, Likhi, chule Aniam ahiuvin ahi.
Ephraim Chilhah Ho
20 Ephraim son chilhah ho chu Shuthelah, Bered, Tahath, Eleadah, Tahath,
21 Zabad, Shuthelah, Ezer, le Elead ahiuve. Amani hi Gath kimvella cheng loulhou mihon ana that tauvin ahi: ijeh-inem itileh amani hi aganchau guhpeh dinga hung konsuh jeng ahi lhon'e.
22 Apau Ephraim chun nikho phabep sungin amaho pul adou jengin, alhem lungmong din asopite jong ahung uvin ahi.
23 Chujouvin Ephraim hin ajinu aluppi kit in ahileh amanu ahung gaiyin chapa khat ahing kit e. A insunga chutobang vangsetna alhun jeh in Ephraim in achapa apengthahpa chu Beriah akisah in ahi.
24 Aman chanu khat ahingin amin jong Sheerah akitin ahi. Amanu hin Beth-horon chungnung le anoinung chu ana sadoh in chule Uzzer-Sheerah jong ana sadoh e.
25 Ephraim son chilhah ho chu Rephah, Resheph, Telah, Tahan,
26 Ladan, Ammihud, Elishama,
27 Nun, chule Joshua ahiye.
28 Ephraim son chilhah hon gam alouva achenphana mun’u chu Bethel khopi le lhanglam'a kholen dom jouse toh, niso lama Naaran, nilhum lama Gezer le akholen jouse jong ahithan, chule Shechem khopi le akho len-len ho jong ahin, Ayyah khopi le akho len jouse chan gei jong ahithai.
29 Chutengleh Manasseh mite gamgi dunga hung kilhah ahipeh in, Beth-shan, Taanach, Megiddo le Dork ho leh le akho len dom jouse toh ahitha cheh e. Khopi hijat sunga hi Israel chapa Joseph son chilhah chengse ana cheng ahiuve.
Asher Chilhah Ho
30 Asher chapa te chu Imnah, Ishvah, Ishvi, chule Beriah ahiuve. Ama hon sopi numei khat aneiyuvin amin Serah ahi.
31 Beriah chapa teni chu Heber le Malkiel ahi (Malkiel hi Birzaith pa ahiye).
32 Heber chapa te chu Japhlet, Shomer, chule Hotham ahiuve. Amaho hin sopi numei khat bou aneiyuvin amin Shua akiti.
33 Japhlet chapa te hi Pasach, Bimhal, chule Ashvath ahiuve.
34 Shomer chapa te chu Ahi, Rohgah, Hubbah, chule Ram ahiuve.
35 Asopipa Helem chapa te chu Zophah, Imma, Shelesh, chule Amal ahiuve.
36 Zophah chapa te chu Suah, Harnepher, Shual, Beri, Imrah,
37 Bezer, Hod, Shamma, Shilshah, Ithran, chule Beera ahiuve.
38 Jether chapa te chu Jephunneh, Pispah, le Ara ahiuve.
39 Ulla chapa te chu Arah, Hanniel, chule Rizia ahiuve.
40 Asher son achilhah mi hichengse hi, aphungkhai cheh a phung upa jeng ahiuve. Mihat gal-hang mi jeng leh milen milal jeng ahiuve, ti phatea photchetsa cheh ahi tauve. Akhanggui lekhabua galsat a manthei cheh mihing kisimdoh chengse chu 26,000 alhing uvin ahi.