Salmu
1
Dalan ksolok nian
1 Ema nebee hetan ksolok mak ema nebee la moris tuir ema aat sira nia lia menon,
la sama sala nain sira nia ain fatin,
la tuur hamutuk ho ema kontra door sira,
2 maibee nia gosta teb-tebes NAI Maromak nia lei;
loron-kalan nia medita ba lei nee.
3 Ema nee hanesan ai huun ida nebee kuda besik iha bee dalan,
nia foo fuan tebar tuir nia tempu,
nia tahan nunka namlaik.
Nia halo saida deit, hetan rezultadu diak.
4 Ema aat sira nee oin seluk;
sira hanesan hare kulit mamuk nebee anin huu lakon tiha.
5 Entaun ema aat sira nee sei la aguenta iha loron justisa;
sala nain sira nee la bele tama hamutuk ho ema nebee moris loos.
6 Tanba NAI Maromak kuidadu lalaok ema moris loos nian,
maibee ema aat sira nia lalaok lori sira ba mate.