113
1 Treño t’Ià.
mandrengea, ry mpitoro’ Iehovà,
bangò ty tahina’ Iehovà.
2 onjoneñe ty tahina’ Iehovà,
henane zao naho nainai’e donia.
3 Boak’ ami’ty fanjiriha’ i àndroy
pak’ami’ty fitsofora’e,
le bangoañe ty tahina’ Iehovà.
4 Andigiligi’ ze hene fifeheañe t’Iehovà,
andindi’ o likerañeo ty enge’e.
5 Ia ty mañirinkiriñe Iehovà
Andrianañaharentika,
Mpiambesatse an-dindìñe añe,
6 Mibotreke re hivazohoa’e
o likerañeo naho ty tane toy.
7 Ampitroare’e boak’ an-debok’ ao
o rarakeo vaho ongaha’e
am-botren-ditsak’ ao ty mpisotry,
8 hampindreza’e fiambesatse
amo roandriañeo,
amo ana-dona’ ondati’eo
9 Ampitaiae’e añ’anjomba’e ao
ty betsiterake, hifalea’e te renen’ anake. Treño t’Ià !