121
Sabo-Pionjonañe
1 Andrandrako mb’amo vohitseo
o masokoo,
aia ty hiboaha’ ty fañimbañ’ ahiko?
2 Hirik’am’ Iehovà o fañolorañ’ ahikoo,
I namboatse i likerañey naho ty tane toiy.
3 Tsy henga’e hasitse o fandia’oo,
tsy hirotse i Mpañaro azoy;
4 Eka, tsy hidròdreke, tsy hirotse
ty Mpitamiri’ Israele.
5 Iehovà ro Mpañambeñ’ azo,
Iehovà ro fialofa’ ty fitàn-kavana’o;
6 Tsy hipisañe ama’o i tariñandrokey,
ndra i volañey te haleñe.
7 Hañaro azo amy ze fonga haratiañe
t’Iehovà;
vaho ho tamirie’e ty fiai’o.
8 Harova’ Iehovà ty fiengà’o
naho ty fiziliha’o
henane zao vaho nainai’e donia.