124
Sabo-Pionjonañe. A i Davide.
1 Naho tsy Iehovà ty nañimba antika —ano ty hoe r’Israele—
2 Naho tsy nañolotse’ antika t’Iehovà,
ie naname an-tikañe ondatio,
3 le ho nagodra’ iereo veloñe
ami’ty fisolebaran-kabosehañe;
4 le ho nandempotse antika o ranoo,
ho nisorotombak’ amo ain-tikañeo
i torahañey,
5 Eka ho nalipo’ o rano mitroñeo
o ain-tikañeo,
6 Andriaño t’Iehovà, fa tsy napò’e tika
ho fitsatsàm-pamotsi’ iareo.
7 Niborofotse tika hoe voroñe
am-bitsom-pitsindro-boroñe,
nipototse i fandrikey, le nibotafotse tika.
8 Fañimbàn-tikañe ty tahina’ Iehovà,
Andrianamboatse i likerañey
naho ty tane toy.