128
1 Sabo-Pionjonañe
Hene haha ondaty mañeveñe
am’ Iehovà, ie mañavelo amo lala’eoo.
2 Ho kamae’o ty fitoloñam-pità’o,
le ho ehake vaho hierañerañe.
3 Hanahake ty vahe mirotrarotra
ty tañ’anjomba’o añ’akiba’o ao,
hoe zeite tora’e
miariseho ty fandambaña’o o ana’oo.
4 Eka, zay ty fitahiañe ondaty
mañeveñe am’ Iehovào.
5 Hañasoa azo boake Tsiône ao t’Iehovà
le ho oni’o ty hasoa’ Ierosalaime
amy ze hene andro hiveloma’o;
6 Eka, ho isa’o o anan’ ana’oo.
Fañanintsiñe am’ Israele.