136
1 Andriaño t’Iehovà
amy te Ie ro soa;
nainai’e ty fiferenaiña’e.
2 Andriaño t’i Andrianañaharen-
droandriañe.
Nainai’e ty fiferenaiña’e.
3 Andriaño ty Talèn-talè:
Nainai’e ty fiferenaiña’e.
4 Ama’e, toe ie avao ro mitolon-
draha ra’elahy tsitantane,
Nainai’e ty fiferenaiña’e.
5 Ie nanao i likerañey amy hilala’eiy,
nainai’e ty fiferenaiña’e.
6 Ie namelatse ty tane toy
ambone’ i riakeiy,
nainai’e ty fiferenaiña’e.
7 Ie namboatse o hazavàñe jabajabao,
nainai’e ty fiferenaiña’e,
8 i àndroy hamehe te antoandroo,
nainai’e ty fiferenaiña’e,
9 i volañey naho o vasiañeo
hifelek’ an-kàleñe;
nainai’e ty fiferenaiña’e.
10 Ie nanjamañe o tañoloñoloñan-
te Mitsraimeo,
nainai’e ty fiferenaiña’e.
11 vaho nañakatse Israele am’ iereo ao,
nainai’e ty fiferenaiña’e.
12 an-dela-pità’e maozatse
naho an-tsirañe natora-kitsi’e;
nainai’e ty fiferenaiña’e.
13 Ie nampisalahañe i Riake Menaiy,
nainai’e ty fiferenaiña’e.
14 vaho nampisorohe’e mb’añivo’e
mb’eo t’Israele,
nainai’e ty fiferenaiña’e.
15 Fe naopo’e amy Riake Menay
t’i Parò naho o lahin-defo’eo;
nainai’e ty fiferenaiña’e.
16 Ie niaolo ondati’eo hiranga i tane
babangoañeiy,
nainai’e ty fiferenaiña’e.
17 Ie nandrotsake
o mpanjaka fanalolahio,
nainai’e ty fiferenaiña’e.
18 naho nanjevoñe
o mpanjaka nanan-kasiñeo:
nainai’e ty fiferenaiña’e.
19 i Sikone mpanjaka’ o nte Emoreo,
nainai’e ty fiferenaiña’e.
20 i Oge mpanjaka’ i Basane,
nainai’e ty fiferenaiña’e.
21 vaho natolo’e ho lova ty tane’ iareo,
nainai’e ty fiferenaiña’e.
22 ho lova’ Israele mpitoro’ey.
nainai’e ty fiferenaiña’e.
23 Ie nahatiahy antika
amo hasotrian-tikañeoy,
nainai’e ty fiferenaiña’e.
24 naho nañaha antika
amo rafelahin-tikañeo,
nainai’e ty fiferenaiña’e.
25 Ie mamahañe ze hene raha veloñe.
nainai’e ty fiferenaiña’e.
26 Andriaño t’i Andrianañahare’
i likerañey!
Nainai’e ty fiferenaiña’e.