142
1 Fañòha’ i Davide; ty Halali’e tan-dakato ao
Mitoreo am-peo am’ Iehovà raho,
hihalaly tretre am’Iehovà ty feoko.
2 Adobako añatrefa’e ty toreoko;
volañeko añatrefa’e o mahaferenaiñe ahikoo.
3 Ie nitoirañe añ’ovako ao ty troko,
niarofoana’o ty liako,
amy lalan-tsileke fijelanjelañakoy
ty nañetaha’ iareo fandrike.
4 Toliho mb’an-tañan-kavanako
le vazohò, te tsy eo ty mañaoñ’ ahy.
tsy eo ty hipalirako;
tsy ahoa’ondaty ty fiaiko.
5 Nitoreo ama’o raho ry Iehovà,
ami’ty hoe : Ihe ro fitsolohako, ty anjarako an-tanen-kaveloñ’ ao.
6 Janjiño ty fikaikaihako
fa loho mirèke; hahao amo mpanao
samporerak’ ahiio, fa fatratse te amako.
7 Akaro am-balabey ao ty fiaiko hibangoako ty tahina’o;
hiropak’ amako o vañoñeo
ami’ty fatariha’o amako.