15
Sabo’ i Davide
1 RyIehovà, ia ty himoneñe
an-Kivoho’o ao?
Ia ty hañialo am-bohi’o miavake eo?
2 Ty mañavelo an-kavantañañe,
naho mitoloñe an-kavañonañe;
vaho mitaron-to an-tro’e,
3 ty tsy miteratera am-pamele’e,
naho tsy mañinje i rañe’ey,
vaho tsy mifosa ondatio.
4 Mavo am-pihaino’e ty lo-tsereke,
fe iasia’e o mpañeveñe am’ Iehovào;
ie mifanta ndra te mijoy vatañe
vaho tsy ivaliha’e;
5 Tsy mitake ana’e t’ie mampisongo drala, tsy mandrambe vokàñe
haneseke ty vantañe;
le lia’e tsy hitroetroe ty manao zay.