थिस्सलुनीकियों को लिखी हुई पौलुस की दूसरी चिट्ठी
थिस्सलुनीकियों कै लिखी भइ पौलुस की दुसरी चिट्ठी
परिचय
थिस्सलुनीकियन सहर कै दुसरी चिट्ठी प्रेरितो पौलुस के जरिया लिखो गौ रहै 1:1। बौ जौ चिट्ठी ईसु के जनम के लमसम 51 साल के बाद 1 थिस्सलुनीकियन के तुरंत बाद लिखी गई रहै। पौलुस कुरिन्थ सहर मैं तब भी रहै जब बौ थिस्सलुनीके मैं कलीसिया कै जौ चिट्ठी लिखी रहै, एक कलीसिया जोकै बौ अपनी दुसरी मिसनरी सफर मैं बनाई रहै प्रेरितो 17:1-10। जौ अधिनियम की किताब मैं कहो गौ है कि कलीसिया कुछ यहूदियन और कुछ यूनानियन से बनी रहै। थिस्सलुनीकियन कलीसिया को अंत काल और ईसु के दुबारा आन से जुड़ो होगो, काहैकि पौलुस थिस्सलुनीकियन कै लिखी अपनी चिट्ठी मैं जाके बारे मैं भौत कछु लिखी है। 2 थिस्सलुनीकियन को लमसम आधो समय खतम होथै। पौलुस आलस के खिलाप चितौनियो दै है। हर आदमी कै अपने खान के ताहीं काम करनो चहाईये। 3:6-10
रूपरेखा
1. मैं अपनो और अपने संग बारेन को परिचय देत भै चिट्ठी की सुरुवात करी। 1:1-2
2. तौ बौ थिस्सलुनीकियन मैं कलीसिया के ताहीं परमेस्वर को धन्यवाद करथै और उनके ताहीं प्रार्थना करथै। 1:3-12
3. पौलुस आखरी समय के बारे मैं कहथै। 2
4. फिरौंकी बौ आलस और काम करन की जरूरत के खिलाप है। 3:1-15
5. फिरौंकी पौलुस कलीसिया कै नमस्ते करकै खतम करथै। 3:16-18
1
1 पौलुस, सीलास और तीमुथियुस से थिस्सलुनीकियों मैं कलीसिया के लोगन के ताहीं, जो हमरे परमेस्वर दऊवा और प्रभु ईसु मसीह के हैं:
2 हमरे परमेस्वर दऊवा और प्रभु ईसु मसीह तुमकै अनुग्रह और सांति देत रहबै।
मसीह को न्याय करन ताहीं आनो
3 हमरे भईय्यौ और बहेनियौ, हमकै तुमरे ताहीं हर समय परमेस्वर को धन्यवाद करनो चाहिए। हमरे ताहीं ऐसो करनो सई है, तुमरो बिस्वास बढ़त जाथै, और तुम्मैं से सबन को प्रेम दुसरेन के ताहीं जद्धे होत जाथै।
4 तभई हम खुदै परमेस्वर की कलीसिया मैं तुमरे बारे मैं घमंड करथैं कि जित्ते दुख और कलेस तुम सहथौ, उन सब मैं तुमरो सकारनो और बिस्वास दिखाई देथै।
5 जौ सब साबित करथै कि परमेस्वर को न्याय सई न्याय है और सिरफ तुम बाके राज्य के काबिल बनैगे, जोके ताहीं तुम दुख उठाए।
6 परमेस्वर बहे करथै जो ठीक है: बौ सिरफ बे लोगन के ऊपर दुख लागो जो तुमकै दुखी करथैं,
7 और बौ तुम जो कलेस पाथौ, तुमकै सांति देगो। बौ समय जब प्रभु ईसु अपनी सामर्थ्य से स्वर्गदूतन के संग स्वर्ग से दिखाई देगो,
8 धधकत भइ आगी की लपटन के संग, बे लोगन कै सजा देन ताहीं जो परमेस्वर कै अपनात नाय हैं और जो हमरे प्रभु ईसु के बारे मैं सुसमाचार नाय मानथैं।
9 जो प्रभु की मौजूदगी से और उनकी महिमा से अलग हुई जागो, बे अनंत बिनास की सजा भुगतंगे,
10 जब बौ दिन अपने सब पवित्र लोगन से महिमा और विस्वासिन से आदर लेन ताहीं आगो। तुम्हऊँ उनमैं से गभा होगे, तुम बौ सुसमाचार मैं बिस्वास करे हौ जो हम तुमकै बताए रहैं।
11 जहे बजह है कि हम हमेसा तुमरे ताहीं प्रार्थना करथैं। हम अपने परमेस्वर से तुमकै बौ जीवन के काबिल बनान ताहीं कहथैं जो बौ तुमकै जीन के ताहीं कही है, हुई सकथै, कि बौ अपनी सामर्थ्य से तुमरी भलाई की सबै इच्छन कै पूरी करै और तुमरे बिस्वास को काम पूरो करै।
12 जौ तरीका से हमरे प्रभु ईसु को नाओं तुमसे और तुमरे जरिया, हमरे महिमामय परमेस्वर और प्रभु ईसु मसीह की किरपा से तुम्हैं अनुग्रह मिलै।