4
Nsaala ya Lwagholo
Ewaa mukulu wa bilimbo, naakoleesi̱ya du̱ngu̱. Jabbu̱li̱ ya Dhau̱dhi̱.
1 Ai̱ Luhanga wanje ahi̱ki̱li̱i̱ye,
ninaakubilikiiye, onkuukemu.
Ompe kuhuumula mu kubona-bona kwanje.
Ongilile kisa kandi ooghu̱we kusaba kwanje.
2 Bantu enu̱we, mu̱ku̱hi̱ki̱ya haa kuhemula ki̱ti̱i̱ni̱sa kyanje?
Mu̱ku̱hi̱ki̱ya haa kukunda bighambo bitali na mughaso kandi bisubha?
3 Mumanye ngu Mukama eeteeleeye haakpengbu̱ bantu be.
Ninaabilikiiye Mukama, akunkuukamu.
4 Muntu alakakwatuwagha ki̱i̱ni̱gha eelinde atasi̱i̱sa.
Alangaalaghe haa bulili buwe mukilo,
ateekaane mutima kandi aholi̱ye.
5 Muhonge bihonguwa bisemeeye
kandi mwesighe Mukama.
6 Bantu bakani̱ye bakughilagha bati, “Ni ani̱ alileka tudheedhuwe?”
Mukama, otwoleke kyeleeli̱ kya maaso ghaawe.
7 Wampaaye kudheedhuwa kukani̱ye haa mutima ghwanje.
Kudheedhuwa kusaai̱ye kwa abahuluuye ngano ekani̱ye
kedha abahi̱i̱si̱i̱ye vi̱i̱ni̱ ekani̱ye.
8 Hatiini nkulangaala kandi ngwesaghile mpempa,
nanga uwe Mukama, nuuwe ondi̱ndi̱ye kusemeeye.