70
Nsaala ya kusaba bu̱kooneli̱
Ewaa mukulu wa bilimbo. Jabbu̱li̱ ya Dhau̱dhi̱, haabwa kihonguwa kya kuusukilʼo.
1 Ai̱ Luhanga, gutu onjune!
Mukama wiise bwangu onkoonele!
2 Oleke abakubbala kunjita,
bahemuke kandi bakwatuwe nsoni̱.
Oleke aba boona abadheedheeu̱we haabwa bijibu byanje,
bakuuke enu̱ma baswaji̱bu̱u̱we.
3 Oleke abakungilagha bati, “Ahaa! Twamu̱gu̱bhi̱ye!”
Bakuuke enu̱ma nsoni̱ sibakwete.
4 Bhaatu oleke boona abakukubbalagha
badheedhuwe kandi basemeeleluwe.
Oleke abaku̱ku̱si̱i̱magha haabwa kubajuna, baghilaghe bati,
“Luhanga ni mukulu!”
5 Si̱ye ndi munaku kandi museeghe.
Ai̱ Luhanga onjisʼo bwangu.
Nuuwe mu̱kooneli̱ kandi mu̱ju̱ni̱ wanje.
Ai̱ Mukama, otakeesekeeleluwa kunkoonela!