110
1 Ko e puleʻanga, 4 Mo e ngāue fakataulaʻeiki, 5 Mo e māfimafi, 7 Pea mo e mamahi ʻa Kalaisi.
Ko e Saame ʻa Tevita.
Naʻe pehē ʻE Sihova ki hoku ʻEiki, “Nofo koe ki hoku nima toʻomataʻu,
kaeʻoua ke u ngaohi ho ngaahi fili ko ho tuʻungavaʻe.”
‌ʻE fekau ʻe Sihova ʻae tokotoko ʻo ho mālohi mei Saione:
“Ke ke pule ʻi he lotolotonga ʻo ho ngaahi fili.”
‌ʻE loto matala ʻa hoʻo kakai ʻi he ʻaho ʻo ho mālohi, ʻi he ngaahi teunga matamatalelei ʻoe māʻoniʻoni mei he manāva ʻoe pongipongi:
ʻoku ʻiate koe ʻae hahau ʻo hoʻo talavou.
Kuo fuakava ʻa Sihova, pea ʻe ʻikai liliu ia,
“Ko e taulaʻeiki koe ʻo lauikuonga ʻi he lakanga ʻo Melikiseteke.”
Ko e ʻEiki ʻaia ʻoku ʻi ho nima toʻomataʻu,
te ne taaʻi ʻae ngaahi tuʻi ʻi he ʻaho ʻo hono houhau.
Te ne fakamaau ʻi he ʻao ʻoe hiteni,
te ne fakapito ʻae ngaahi potu ʻaki ʻae ngaahi ʻangaʻanga;
ʻe lavea ʻiate ia ʻae ʻulu ʻoe ngaahi fonua lahi.
‌ʻE inu ia ʻi he vaitafe ʻi he hala: ko ia te ne hiki hake ai ʻae ʻulu.