113
1 Ko e enginaki ho fakamālō ki he ʻOtua koeʻuhi ko ʻene lelei, 6 Mo ʻene ʻaloʻofa.
Mou fakamālō kia Sihova.
Fakamālō, ʻakimoutolu ko e kau tamaioʻeiki ʻa Sihova,
fakamālō ki he huafa ʻo Sihova.
Fakafetaʻi ki he huafa ʻo Sihova mei he ʻaho ni ʻo taʻengata.
Ke fakamālō ki he huafa ʻo Sihova, mei he hopo hake ʻoe laʻā ʻo aʻu ki heʻene tō hifo.
‌ʻOku māʻolunga hake ʻa Sihova ʻi he ngaahi puleʻanga kotoa pē, mo hono nāunau ʻoku māʻolunga hake ʻi he ngaahi langi.
Ko hai ʻoku na tatau mo Sihova ko hotau ʻOtua, ʻaia ʻoku ʻafio ʻi ʻolunga,
‌ʻOku ne fakamoʻulaloaʻi ia ke ʻafio ki he ngaahi meʻa ʻoku ʻi he langi, pea mo māmani!
‌ʻOku ne fokotuʻu hake ʻae masiva mei he efu,
mo ne hiki hake ʻae paea mei he tuʻunga ʻotoʻota;
Koeʻuhi ke ne fakataha mo e ngaahi ʻeiki,
pea ke kautaha mo e houʻeiki ʻo hono kakai.
‌ʻOku ne ngaohi ʻae fefine paʻa ke tauhi ʻae fale,
pea ke hoko ʻi he fiefia ko e faʻē ʻae fānau.
Mou fakamālō kia Sihova.