120
Tomo Yudiya sisasae Nume Tabu sabi tapwalolo kabo same bwaite siwaliyan
1 Yagu nuwapolowe koina yavalam yo yayoga Yeoba koina yo kainagu iyamaisa.
2 Yawaloba, “O Yeoba, kuleboyau tomwakomwakota bodaliyao kolili.”
3 Tawae kani Yaubada iginauli kolimiu komiu tomwakomwakota? Gubesi ana yamayamaisamiu kana koleya?
4 Maisamiu besiele gipoyo matamatagena manna mena gibwala wedowedolina.
5 O kategu yau, yagu miyamiya luwamiu mena inaesosi kabo muli mena tomo naenaeli Meseki yo Kedai luwali mena.
6 Yagu sauga imamalawesosi yayavenuwan siya tomwakomwakotane luwali mena nuwadaumwali sikalomagigilan.
7 Yau nuwanuwagu miya daumwali na tem kaiwena yaedeedede siya nuwanuwalimo kaleya.