128
Tomo Yudiya sisasae Nume Tabu sabi tapwalolo kabo same bwaite siwaliyan
Yeoba kani iwalo-muloloiwo tem kuyakasisiyan na ana loina kuobigai.
Am paisowa uwena koina kani ukekan kabo kuyaliyaya na kani ginauli meuloina idudulai yo inamwanamwa.
 
Wainem sine kani iya besiele oine lagalagana iuweuwe am nume kalona mena yo natumwao kani sibaibaiwa am teibele simiya-takikilan besiele udi sulusuluna silinao sitolo-takikilan.
Bwaite iya maisanaele tem yaiya Yeoba iyakasisiyan.
 
Saiyon koina Yeoba iwalo-muloloiwo, na kumiya-namwanamwa yo kuwasawasa Yelusalema koina yawasim kana sauga meuloina koina.
Na tabe sowasowana kumiyamiya kanasiga natumwao natuliyao ugitaili. Yakawanoi na Isileli imiya daumwali.