20
Seba ikalomagigili Deibida koina
Na Seba ana susu Beniyamina bwagigi iyui yo iyoga iba, “O Isileli, Deibida iya nige ala kin besi. Meuloila tapileyoi ala yanuwa kolili.” Kabo tomo Isileli Deibida silogabaen silau Seba siyamuli kusuli. Na tomo Yuda nuwanuwali Deibida mwa sipileyoi Yelusalema mekalikava.
Tomna 1-3
Na kin Deibida Amasa iyawasa iba, “Kaliyate yaiyona kalona mena Yuda ali tokaleya kuyamiya-gogonagili na kwalaoma koliyau.” Kaliyate yaiyona imwawasi nige naga silalaoma mwa Deibida Abisai iyawasa mekanakavao Yowabi me ana tokaleyayao na silau tem Seba sikoyamate.
Tomna 4-7
Siya siyaele kamwasa mena mwa Amasa silobai yanuwa Gibiyon mekanakavao tokaleya tupwaliyao silaoma. Kabo Yowabi imwakota yakato Amasa inisoi na isakona diyana mena mwa iboita. Kabo Yowabi tokaleya meuloili ibagunayagili na Seba siloyai.
Tomna 8-13
Seba itakitakikili Isileli ali dedei meuloina mwa tokaleya ikatububunagili silau yanuwa Abeli Beti Maka. Kabo Yowabi yo ana tokaleyayao silau yanuwane simiya-takikilani yo siyatubu kana gana sisoke-gwaligwali.
Tomna 14-15
Mwa keduluma sonosonogana yabo iyoga Yowabi koina yo ineli tawae kaiwena siginauli bwaite besiele.
Tomna 16-19
Na Yowabi iwalo koina iwaloba, “Seba kutalamwan koliyau na yanuwa yalogabaeni.” Kabo keduluma iedeedede yanuwa tomonliyao kolili yo Seba galogalona sitom-gabaeni yo kulukulunane sigabae-lobiyen Yowabi koina. Kabo bwagigi iyui yo ana tokaleyayao yanuwane silogabaeni sipileyoima ali yanuwa kolili.
Tomna 20-22
Deibida ana topaisowao lalakili
23 Yowabi iya Isileli ali tokaleya meuloili ali tobaguna. Yeoyada natuna Benaiya iya boda Keleti yo boda Peleti ali tobaguna.
24 Adonilam iya topaisowa panpanna iloiloina-yagili. Ailudi natuna Yeosapati iya kin ana loinao kana togite-kalatan.
25 Seva iya tolelelele. Seidoki yo Ebayada siya topwaoli.
26 Na Ila iya Yaila gamena iya Deibida ana topwaoli yabo.