ⵓⴰ ⴶⴰ ⵗⵢⵙⴰ ⴹⵗ ⵢⵂⴹⵢⴰ
19
ⵗⵢⵙⴰ ⵂⴰ ⵜⵔⵢⵜ ⵏⵢⵔⵙⵍⵎ
ⵙⵏ⵿ⵜⵢ
1 ⴹⴼⵔ ⵙ ⵗⵔⴹ ⵗⵢⵙⴰ ⵍⴼⵢⴹⵜⵏ ⵛⵏ ⴼⵍ ⴾⵍ ⵏ⵿ⴶⵍⵍⵢⴰ ⴾⴰ ⴾⵍ ⵏⵢⵂⴹⵢⴰ ⵂⵏ ⴶⵏⴰ ⵓⴰ ⵂⴹⵏ ⵏⴶⵔⵓ ⵓⵏ ⵢⵔⴹⵏ⵰
2 ⵍⴾⵎⵏⵜⵙ ⵜⵎⵜⵓⵏ ⴶⵜⵏⵏ ⵜⵏⵜⵤⵤⵢ ⴹⵏ ⴹⴰ⵰
ⵤⵍⴼ ⴹⵎⵤⵢ
3 ⵂⵤⵏ⵿ⵜⵏ ⴼⵔⵙⵢⵜⵏ ⴶⵏⵙ ⵙⵙ⵿ⵜⵏ ⵎⵙⵏ ⵜⵏⴶⵎⵢⵜ ⵏⵏⵙ «ⵓⴾ ⵈⵍⵍ ⵢⵍⵙ ⵤⵎⵤⵢ ⵏ⵿ⵜⵏ⵿ⵜⵜⵏⵜ ⴼⵍ ⵆⵍ ⴹⵍⵍ⵰»
4 ⵏⵙⵏ ⵗⵢⵙⴰ «ⵓⵔⴶⵗ ⵜⵗⵔⵎ ⵙ ⵙ⵿ⵜⵤⵔⵜ ⵙ ⴹⵈⵍⴾ ⵎⵈⵍⴾ ⴹⵏⵜ
"ⵈⵍⴾⴹⵓ ⵢⵜⴹⵏ
ⵈⵍⴾⵏ⵿ⴹⵓ ⵎⵙⵏ ⵢⵢ ⴹⵜⵏ⵿ⵜⵢ⵰"»
5 «ⵏⴰ "ⴹⵢ ⴹⵗ ⴼⵍ ⴼⵍ ⵍⵙ
ⵀⵏⵜ ⴹⵏⵏⵜ
ⵔ⵿ⵜⵢ ⴹⵜⵏ⵿ⵜⵜⵏⵜ
ⵆⵍⵏ ⵔⵜ ⵢⵏ⵿ⴹⴰ⵰"»
6 «ⵎⴾⵏ ⴹⵗ ⵙ ⴹ ⵀⵙ ⵎⵙⵏ ⵛⵏ ⴾⵍⵔ ⴹ ⵆⵍⵏ ⵜⵗⵙⴰ ⵢⴹⴰ⵰ ⴹⵗ ⴹⵢ ⵓⴰ ⵙⵔ⵿ⵜⵢ ⵎⵛⵏⴰ ⵜⵓⵔⵤⵎⵤⵢ ⵓⴹⵏ⵰»
7 ⵏⵏⵙ «ⴹⵗ ⴹⵢ ⵎⴼⵍ ⵙ ⵎⵔ ⵏⵀⵢ ⵎⵙⴰ ⴹ ⵜⵜⵓⴾⴼⵓ ⵛⵔⵓⵜ ⵏⵎⵤⵢ ⵢ ⵜⵏ⵿ⵜⵜ ⵜⵜⵓⵤⵎⵤⵢ⵰»
8 ⵏⵙⵏ «ⵛⴹⵜ ⵏ ⵜⴶⵔⵎⵎ⵿ⵜ ⴼⵍ ⴾⵓⵏⴾⴼⴰ ⵎⵙⴰ ⵜⵔⴶⵜ ⵏⴹ ⵜⵤⵎⵤⵢⵎ ⵛⴹⴹⵏⵓⵏ⵰ ⵎⵛⵏ ⵔⵜ ⵓⴹⵢ ⵓⵔⴶⵗ ⵏ⵿ⵜⴰ ⴶⵏ ⵙ⵿ⵜⵤⵔⵜ⵰
9 ⵎⵔⵏ ⵏⴾ ⵙⵍⴾⵏⵗⵓⵏ ⵙ ⵢ ⵤⵎⵤⵢⵏ ⵜⵏ⵿ⵜⵜⵏⵜ ⴹⵙⵓⵔⵏⵜⴶⵓ ⵎⴹⵏ ⵤⵍⴼ ⵢⵜ ⵓⴹⵢ ⵤⵏⴰ ⴶⴰ ⴹⵢ⵰»
10 ⵏⵏⵙ ⵏⵜⵍⵀⵏⵜ «ⴹⵢ ⵤⴰ ⴾⴹ ⵓⵏ ⴹⵗ ⵍⵏ ⴶⵔ ⵍⵙ ⴹⵜⵏ⵿ⵜⵜ ⵓⴹⵢ ⴼⴰ ⵢ ⵓⵔ ⵏⵤⵍⴼ ⴼⴹⴰ⵰»
11 ⵏⵙⵏ «ⵓⵍ ⵓⴰ ⵓⵔⴶⵗ ⵢⵜⴹⵏ ⴾⵍ ⵆⵀⵍⵏ⵿ⵜⵓ ⴾⵍⵔ ⵓⵔ ⵜⵆⵀⵍ ⵔ ⵓⵏ ⴾⴼⴰ ⵎⵛⵏⴰ ⴼⵔⴶⵜ ⵏⵍⵆⵀⵍⵜⵏⵜ⵰
12 ⴼⵍⵙ ⵍⵏ⵿ⵜⵓ ⴹⵍⵍⵏ ⴶⴹⵍⵏⵏ ⵤⵍⴼ ⵎⵙⵏⵏ ⵙ ⵎⴹⵏ ⵓⵢⴹ ⵙ ⴹⵂⵓⵏ ⴹⴰ ⵓⵔ ⴼⵔⴶⵏ ⵤⵍⴼ ⵓⵢⴹ ⴹⴼⵔ ⴶⵏ ⴹ ⵜⵓⵤⵎⵏ ⵍⵏ⵿ⵜⵓ ⴹⵗ ⵓⵏ ⵙ ⵎⵏⵙⵏ ⵙ ⵙⵏⴼⵔⵏⵏ ⵀⴰ ⵏⵤⵍⴼ ⴼⵍ ⴹ ⵓⵔ ⵍⵏ ⴹⵗ ⵛⵗⵍ ⵔ ⵓⵏ ⵜⵗⵎⵔ ⵜⵏ ⵌⵏⵓⵏ⵰ ⵓⴰ ⴼⵔⴶⵏ ⵍⵆⵀⵍⵜ ⵏⴹⵢ ⵆⵀⵍⵜⵓ⵰»
ⴶⵢ ⵏ⵿ⵗⵢⵙⴰ ⵛⵓⵜⵔⵓⵏ ⵢ ⵀⵔⵔⵏ
13 ⵜⵤⵔ ⴹⵜⵓⵢⵏ ⵢⵜⴹⵏ ⵀⵔⵔⵏ ⴼⵍ ⵜⵏⵙⵓⵔ ⵗⵢⵙⴰ ⴼⵙⵏⵜ ⵜⵔⵙⵏ⵰ ⵛⵓⵍⵏ ⵏⵜⵍⵀ ⴼⵍ ⵢⵜⴹⵏ ⵓⵏ ⴹⵏ⵰
14 ⵎⵛⵏ ⵏⵙⵏ ⵗⵢⵙⴰ «ⵢⵓⵜ ⵀⵔⵔⵏ ⴹⴹⴾⵏ ⵜⵏⵏⵓⵔ⵿ⵜⵓⵗⵎ ⴼⵍⵢ⵰ ⴼⵍⵙ ⵜⵗⵎⵔ ⵜⵏ ⵌⵏⵓⵏ ⵛⵏ ⵢⵜⴹⵏ ⵓⵏ ⵛⵍⵜⵏⵙⵏ⵰»
15 ⵙⵓⵔ⵿ⵜⵏ ⴼⵙⵏⵜ ⵜⵔⵙⵏ ⴹⴼⵔ ⵓⵏ ⵀⵤ ⵜⵔⵢⵜⵏⵜ ⴶⵍⴰ⵰
ⵎⵛⵓⵍ ⵏ⵿ⵗⵢⵙⴰ ⴹⵍⵙ ⵢⵏ ⵢⵏⵢⵏ ⵏⵎⴶⵔⴶⵙ
16 ⵜⵤⵔ ⵂⵤⵏ ⵍⵙ ⵢⵏ ⵢⵏⵢⵏ ⵗⵢⵙⴰ ⵏⵙ «ⵛⵈ ⵎⴰ ⵎⵙ ⵔⵜ ⵍⵗⵏ ⵓⵙ ⵙ ⵜⴶⵗ ⴹ ⴶⵔⵓⵗ ⵜⵎⴹⵔ⵿ⵜ ⵜⴰ ⵜⵗⵍⵍⵜ⵰»
17 ⵏⵙ ⵗⵢⵙⴰ «ⵎⴼⵍ ⵙ ⴹⵜⵙⵙ⵿ⵜⵏⴰ ⴹⵗ ⵀⵜⵓ ⵏⵓⴰ ⵍⵗⵏ⵰ ⵎⵛⵏⴰ ⵗⵙ ⵍⵗⵏ⵰ ⵎⵔⵏ ⵙ ⵜⵔⵗ ⴹ ⵜⴶⵔⵓⴰ ⵜⵎⴹⵔ⵿ⵜ ⵜⴰ ⵜⵗⵍⵍⵜ ⵜⵍⴾⵎⴰ ⵢⵍⵓⵌⵀⵏⵜ⵰»
18 ⵏⵙ ⵍⵙ ⵓⵏ «ⵎⴰ ⵎⵙⵏ ⵤⴰ ⵍⵓⵌⵀⵏ ⵓⵏ ⴹⵏ⵰» ⵏⵙ ⵗⵢⵙⴰ «ⴹⵢ ⵤⴰ ⴹ ⵓⵔ ⵜⴶⵗ ⵎⵏ⵰ ⴹ ⵓⵔ ⵜⴶⵗ ⵤⵏⴰ⵰ ⴹ ⵓⵔ ⵜⴾⵔⴰ⵰ ⴹ ⵓⵔ ⵜⴶⴰ ⵜⴶⵢⴰ ⵏⵀⵂⵓ ⴼⵍ ⵓⴹⵏ ⵓⵍⵢⵏ⵰
19 ⵙⵗⵎⵔ ⵀⵏⴾ ⴹⵏⵏⴾ⵰ ⴶⵓ ⵢⵛⵆⵗⵏⴾ ⵜⵔⴰ ⵜⴰ ⵜⴶⵗ ⵢ ⵎⵏⴾ⵰»
20 ⵏⵙ ⵍⵙ ⵓⵏ «ⵔⵜⵏ ⵓⵏ ⴹⵢ ⴾⵍ ⵙⵀⴹⴹⵆⵏ⵰ ⵎⴰ ⴹⵏⵆⵎⵏ ⵂⵔⵓⴰ⵰»
21 ⵏⵙ ⵗⵢⵙⴰ «ⵙ ⵜⵔⵗ ⴹ ⵜⵆⵍⵗ ⵓⴹⵏ ⴾⵎⵍⵏ ⵜⴶⵍⴰ ⵜⵤⵏ⵿ⵤⵗⵏ ⵜⵍⵏⴾ ⵜⴾⴼⵗ ⵏⵤⵏⵜ ⵢ ⵜⵍⵆⵓⵏ ⴹⵢ ⴹ ⵜⴶⵔⵓⵗ ⵔⵤⵗ ⴹⴾⵤⵏ⵿ⵙⵏ ⴹⵗ ⵍⵈⵔⵜ⵰ ⴹⴼⵔ ⴹⵢ ⵎⵔⵏ ⵜⴶⵍⴹⵓ ⵜⵍⴾⵎⵗⵢ⵰»
22 ⵙ ⵙⵍⴰ ⵍⵙ ⵓⵏ ⵢ ⵀⵜⵓ ⵜⵏ ⵏ⵿ⴾⵔ ⴶⵍⴰ ⵗⵛⴹⵏ ⵎⵏⵜ ⴼⵍⵙ ⵔⵤⵗ ⴶⵏ ⵍⴰ⵰
ⴼⵙⵏ ⴹⵔⵤⵏ
23 ⴹⵏ ⴹⵗ ⴹ ⵏⴰ ⵗⵢⵙⴰ ⵢ ⵏⵜⵍⵀⵏⵜ «ⴶⵢⵗ ⵙⵍⴾⵏⵗⵓⵏ ⵙ ⵤⵓⵜ ⴼⵍ ⵎⴶⵔⴶⵙ ⴶⵤ ⵏ⵿ⵜⵗⵎⵔ ⵜⵏ ⵌⵏⵓⵏ⵰
24 ⵓⵍⴰ ⵙⵍⴾⵏⵗⵓⵏ ⵙ ⴶⵔ ⵜⵔⵗⵙⵢ ⵜⴰ ⴶⴰ ⴼⵍ ⵍⵎ ⵔⴹⵗ ⴹⵗ ⵜⵀⴹⵢ ⵏⵏⵤⵎⵢ ⵢ ⵜⴰ ⴶⴰ ⴼⵍ ⵎⴶⵔⴶⵙ ⴶⵤ ⵏ⵿ⵜⵗⵎⵔ ⵜⵏ ⵎⵛⵏⴰ⵰»
25 ⵙ ⵙⵍⵏ ⵏⵜⵍⵀ ⵢⵓⵏ ⵙⵎⴾⵍⵍ ⵙⵔⵙⵏ ⵓⵍⵏ ⵏⵏ «ⴹⵗ ⴹⵢ ⵎⴰ ⴼⵔⴶⵏ ⴹ ⵗⵍⵙ ⴹⵗ ⵜⵎ⵿ⵙⵢ⵰»
26 ⵙⵓⴹ ⴹⵗⵙⵏ ⵗⵢⵙⴰ ⵏⵙⵏ «ⵔⵜ ⵓⴹⵢ ⵎⵈⵍ ⵎⵙ ⵗⵔ ⵢⵜⴹⵏ ⵎⵛⵏ ⵗⵔ ⵎⵛⵏⴰ ⵔⵜ ⴾⵍ ⴼⵔⴶ ⴶⵢ⵰»
27 ⴹⵏ ⴹⵗ ⴹ ⵛⵓⵍ ⵀⵜⵔⵙ ⵏⴰ «ⵏⴾⵏⵢ ⵤⴰ⵰ ⵓⴾ ⵓⵔⴶⵗ ⵏⵢⴰ ⵔⵜ ⴾⵍ ⵏⵍⴾⵎⴾ⵰ ⴹⵗ ⴹⵢ ⵎⴰ ⴹⵗⵏⴰ ⵤⴶⵏ⵰»
28 ⵏⵙⵏ ⵗⵢⵙⴰ «ⴶⵢⵗ ⵙⵍⴾⵏⵗⵓⵏ ⵙ ⵙ ⵜⵓⵛⵛⵏⵢⵏ ⵔⵜⵏ ⴾⵍ ⵆⵎⴰ ⵏⴾ ⴶ ⴶⴹⵎ ⴹⵗ ⴹⴶⵏ ⵜⵎⵙⵏ ⵜⵈⵓⵜ ⵏ⵿ⵜⵗⵎⵔⵏ ⴹⵢ ⵜⵍⵜ ⵜⵏⵢⴰ ⴹⵢ ⴾⵓⵏⵢ ⴹⵍⴾⵎⵏⵏ ⴹ ⵜⵆⵎⵎ ⴼⵍ ⵎⵔⵓⵜ ⵜⵈⵓⴰ ⵏ⵿ⵜⵗⵎⵔ ⴹⵙⵏⵜⵜ ⵜⵛⵔⵗⵎ ⵢ ⵜⵓⵛⵜⵏ ⵏ⵿ⴾⵍⵙⵔⵢⵍ ⵏ ⵎⵔⵓⵜ ⴹⵙⵏⵜⵜ⵰
29 ⵓⴹⵏ ⴾⵍ ⵓⴰ ⴼⵍⵏ ⵗⵢⵓⵏⵙⵏ ⴹⵎⴹⵔⵢⵏⵜ ⴹⵜⵎⴹⵔⵢⵏⵜ ⴹⵀⵏⵜ ⴹⵏⵏⵜ ⴹⵀⵔⵔⵏⵜ ⵎⴹⵗ ⵎⴹⵍⵏⵜ ⴼⵍ ⴹⵍⵍⵏ ⵓⴹⵢ ⴹ ⴶⵔⵓ ⵜⵎⴹⵢ ⵏⵏⵜⴼⵙ ⵏⵔⵜⵏ ⵓⵏ ⴹⵏ ⴶⵔⵓ ⴹⵗ ⵜⵎⴹⵔ⵿ⵜ ⵜⴰ ⵜⵗⵍⵍⵜ⵰
30 ⴶⵏ ⴹⵗ ⵓⵏ ⵂⵏⵏ ⵗⴼ ⵎⵔⴹⴰ ⵍⴾⵎ ⴹ ⴶⵤⵏ ⵍⵆⵎ⵰ ⵎⵔⵏ ⴶⵏ ⴹⵗ ⵓⵏ ⵂⵏⵏ ⵍⵆⵎ ⵎⵔⴹⴰ ⵍⴾⵎ ⴹ ⴶⵤⵏ ⵗⴼ⵰»