136
Maaron lolo ineep tuŋia ila to tamtoghon toni ve iuluul di
1 Lolomim poia pa Yoova ve apaiti. Pasa, ye poia le poia kat.
Lolo ineep tuŋia ila to tamtoghon toni ve iuluul di irau sawa isob.
2 Lolomim poia pa Maaron ve apaiti. Pasa, ye ilib pa ndimaronŋa tisob.
Lolo ineep tuŋia ila to tamtoghon toni ve iuluul di irau sawa isob.
3 Lolomim poia pani ve apaiti. Pasa, ye Maaron Tiina To Ilib Pa Ndimaronŋa Tisob.
Lolo ineep tuŋia ila to tamtoghon toni ve iuluul di irau sawa isob.
4 Ye moghon to ighamgham mbeb gharatooŋadi to tintina kat.
Lolo ineep tuŋia ila to tamtoghon toni ve iuluul di irau sawa isob.
5 Muuŋ, ye ighur mbeb tisob to tineep ila sambam paroŋania. Uraat toni tonowen, ye ighami toman ŋgar le ivot kat.
Lolo ineep tuŋia ila to tamtoghon toni ve iuluul di irau sawa isob.
6 Ye ighur taan izala te pogho.
Lolo ineep tuŋia ila to tamtoghon toni ve iuluul di irau sawa isob.
7 Ve ighur mbeb tintina tineep ila sambam paroŋania, leso tigham ndug ighazooŋ.
Lolo ineep tuŋia ila to tamtoghon toni ve iuluul di irau sawa isob.
8 Ye ighur ndag, leso ighaaz pa ndag.
Lolo ineep tuŋia ila to tamtoghon toni ve iuluul di irau sawa isob.
9 Ve ighur kaiyo ve pitum, leso tisul pa mboŋ.
Lolo ineep tuŋia ila to tamtoghon toni ve iuluul di irau sawa isob.
10 Ye to irab yes Isipa ndinatudi aidaba.
Lolo ineep tuŋia ila to tamtoghon toni ve iuluul di irau sawa isob.
11 Ve igham yes Israela tipul yes Isipa ve tivot.
Lolo ineep tuŋia ila to tamtoghon toni ve iuluul di irau sawa isob.
12 Sawa tonenen, ye ipatooŋ tapiri tiina ivot ighazooŋ.
Lolo ineep tuŋia ila to tamtoghon toni ve iuluul di irau sawa isob.
13 Ye ivalag te le pida ila pa ŋas, ve pida ila pa waan, ve taan mamaasa ivot.
Lolo ineep tuŋia ila to tamtoghon toni ve iuluul di irau sawa isob.
14 Ve ighereb yes Israela, ve tilaagh ila taan mamaasa to ineep bodbodaaŋ to te, ve tivool tila pa dige ite.
Lolo ineep tuŋia ila to tamtoghon toni ve iuluul di irau sawa isob.
15 Ve igham Te Kaviaaŋa itatab kinik to yes Isipa toman ndaaba toni, le tisob tighun te ve timatmaat.
Lolo ineep tuŋia ila to tamtoghon toni ve iuluul di irau sawa isob.
16 Ye imuuŋ pa tamtoghon toni, ve yesŋa tilaghlaagh izi ndug balim.
Lolo ineep tuŋia ila to tamtoghon toni ve iuluul di irau sawa isob.
17 Ye irab kinik to tapiridi tintina timatmaat.
Lolo ineep tuŋia ila to tamtoghon toni ve iuluul di irau sawa isob.
18 Kinik to izadi tintina, ye irab di timatmaat.
Lolo ineep tuŋia ila to tamtoghon toni ve iuluul di irau sawa isob.
19 Ye irab Sihon to kinik to yes Amora imaat.
Lolo ineep tuŋia ila to tamtoghon toni ve iuluul di irau sawa isob.
20 Ve irab Og to kinik to Basan ne paam.
Lolo ineep tuŋia ila to tamtoghon toni ve iuluul di irau sawa isob.
21 Ve igham taan todi inim yes Israela ledi.
Lolo ineep tuŋia ila to tamtoghon toni ve iuluul di irau sawa isob.
22 Ye igham taan tonowen pa yes Israela to mbesooŋa toni ne, leso tineep pani itaghoni taghoni gha ila.
Lolo ineep tuŋia ila to tamtoghon toni ve iuluul di irau sawa isob.
23 Sawa to koiaad titatan ghiit le tawaghamgham, Maaron lolo imaagh pait maau.
Lolo ineep tuŋia ila to tamtoghon toni ve iuluul di irau sawa isob.
24 Ye igham mulin ghiit ila koiaad nimadi.
Lolo ineep tuŋia ila to tamtoghon toni ve iuluul di irau sawa isob.
25 Ye ipanpan iit tamtoghon toman mbeb tisob to matadi iyaryaar.
Lolo ineep tuŋia ila to tamtoghon toni ve iuluul di irau sawa isob.
26 Tovenen lolomim poia pa Maaron to sambam, ve apaiti pa poia toni!
Pasa, ye lolo ineep tuŋia ila to tamtoghon toni ve iuluul di irau sawa isob.