114
Maaron igham Israela timbuzŋa tipul Isip
1 Muuŋ, Israela tipul Isip ve tila.
Yakop paaghu tooni tipul tamtamon tau aliŋazi ite na, ve tivot.
2 Indeeŋ tana, yes Yuda timin Yoova niia patabuyaaŋ to lepoogh.
Ve yes Israela, tileep ila i niima ve iŋgin zi.
3 Saawe tau Te Siŋsiŋai ighita Yoova tamtamon tooni tilam, i iroi ve ighau.
Ve yaa Yordan ighit zi, le ipamuule iloŋ ila ve ipot imin yaa naliu.
4 Ve loloz tauvene paam. Yogyoog itok le tiyatyaat imin mekmek.
Ve nugh mbua mbua tiyatyaat imin sipsip natŋa.
5 O te, saa gabua ivot payo, ta ughau?
Ve yaa Yordan, puughu mindai ta utoor ghom ve umuul uzala?
6 Ve yam loloz ve nugh mbua mbua, ayatyaat pasaa?
7 O taan, uyamaan ghom! Malau mako pale Yoova ilam.
Paita Maaron to Yakop ilam, ve itotoi tapiri payo.
8 I ta igham yaa ivot ila maet, ve izi ipot imin yaa naliu.
Onoon kat, i igham yaa ivot ila maet ariaaŋa, ve ireer izi.